1A Setekaia ne fai mo tupu o Iuta ka ko luasefulu tasi ei ona tausaga, kae ne fai mo tupu i Ielusalema i tausaga e sefulutasi. A tena matua ko Amutala, te tama fafine a Ielemia tela e nofo i te fa'kai o Lipina.
2A te Tupu ko Setekaia ne agasala ki te Aliki, e pela eiloa mo te mea ne fai ne te Tupu ko Ieoiakimo.
3A te Aliki ko oko eiloa i tena kaitaua ki tino Ielusalema mo Iuta, tela la, ne ave keatea ei ne Ia a latou mai i ona mua.
Ne teke atu a Setekaia ki a Nepukanesa, te tupu o Papelonia,
4 a tino kona e toe i te fa'kai, ko tino apo i galuega, mo tino kola ne tele mai i te kau Papelonia.
16Kae ne tuku ne ia i Iuta a nisi tino mativa eiloa, kola e seai ne laukele o latou, kae ne fakagalue ne ia i togavine mo fatoaga.
17 1Tupu 7.15-47 Ne ofa likiliki ne tino Papelonia a pou palasi mo ka i te Faletapu, fakatasi mo te tani palasi lasi eiloa, kae ne ave ne latou a palasi kona ki Papelonia.
18Ne ave foki ne latou a sevolo, mo mea tuku lefu kola e fakaaoga i te fuluga o te fata-fai-taulaga, pela foki a mea e fakaaoga i te tausiga o moli, mo pola kola e tali ei a toto o taulaga, mo pola kola e sunu i ei a mea manogi, mo nisi mea faigaluega palasi kola e fakaaoga i sauniga i loto i te Faletapu.
19Ne ave ne latou a mea katoa kola ne faite ki aulo mo siliva: ko pola foliki, ko ulo kola e ave i ei a malala ka, ko pola e tali i ei a toto o taulaga, ko mea tuku lefu, ko tulaga o moli, ko pola e tuku ei mea manogi, mo pola kola e ligiligi sale ei a taulaga uaina.
20A mea palasi kola ne faite ne te Tupu ko Solomona mo te Faletapu — ko pou e lua, ko ka, ko te tani lasi, mo pulumakau palasi e sefululua kola e tu i ei te tani — a mea kona ko to māfa se mafai o fua.
21-22A pou kona e lua e pau eiloa: e taki 8 mita te maluga kae lima tesimale tolu mita te pukupuku. E pū a koga i loto, ka ko te fiti i ei e tusa mo te fitusefulu lima milimita te matolu. I luga o pou kona, e isi ne ulupou e taki lua tesimale lua mita i te maluga, kae i feitu katoa e koli i ei a ata o pomekalanite, ne faite katoa foki ki palasi.
23E selau pomekalanite palasi i te pou e tasi, pena foki te sua pou, kae e ivasefulu ono fua e mafai o matea mai i lalo i te laukele.
Tino Iuta ko Ave ki Papelonia(2Tupu 25.18-21,27-30)24Ne ave fakapagota foki ne Nepusalatana a Selaia, te Faitaulaga Sili, Sefanaia te faitaulaga tafa ki a Selaia mo te tokotolu ofisa taua aka foki o te Faletapu.
25Konei a tino ne puke mai ne ia mai i te fa'kai: ko te ofisa tela ne takitaki i kautau, e tokofitu tino fakatonutonu a te tupu kola koi nofo mai eiloa i te fa'kai, ko te tokolua ki te takitaki o kautau, tela e tausi ne ia a tusi o te kautau, mo te onosefulu tagata maluga aka foki.
26Ne avatu ne Nepusalatana a latou kona ki te tupu o Papelonia, tela e nofo i te fa'kai o Lipila,
27i te koga fenua o Hamata. I kona ne fakasaunoa ne ia latou kae tamate.
Tena la, a tino Iuta ne ave fakapagota ki Papelonia.
28Tenei te fuainumela o tino kola ne ave fakapagota ne Nepukanesa: i te fitu o tausaga o tena nofoaiga, ne ave ne ia e tusa mo te 3,023,
29i te sefuluvalu o tausaga o tena nofoaiga, e 832 mai i Ielusalema;
30kae i te luasefulu tolu o tausaga o tena nofoaiga, e 745 — ko Nepusalatana ne feagai mo te potukau kona. A te katoaga, e tusa mo te 4,600 tino ne ave fakapagota.
31I te tausaga tela ne fai ei a Evilemalota mo tupu o Papelonia, ne fakaasi tena alofa ki te Tupu o Iuta ko Ieoiakini, i te fakasaolotoga ne ia mai i te falepuipui. Ne fai te mea tena i te po luasefulu lima o te sefululua o masina o te tolusefulu fitu o tausaga talu mai te taimi ne ave fakapagota ei a Ieoiakini.
32Ne fai fakalei eiloa a ia ne Evilemalota kae avatu ki a ia se tulaga tela e maluga atu i tulaga ne ave ne ia ki nisi tupu kola ne aumai fakapagota foki ki Papelonia.
33Tena la, ko talia ne te tupu ke tapale keatea a gatu pagota o Ieoiakini, kae ke kai faeloa i te taipola a te tupu, ke oko ki te taimi e mate ei a ia.
34I aso katoa, ke oko ki te taimi e mate ei, e avatu faeloa ki a ia a te tupe mo togi a mea e manako a ia ki ei.
Who We AreWhat We EelieveWhat We Do
2025 by iamachristian.org,Inc All rights reserved.
