FAATAOTO 14 - Tuvalu Revised Bible

1A fafine atamai e atiake ne latou a kaiga nofo lei, ka ko fafine valea e ofa ne latou te nofo lei o olotou kaiga.

2Fai te mea tonu, kae ka iloa ne tino i a koe e fakalogo ki te Aliki; kafai e se fai ne koe te mea tonu, e fakaasi mai i ei i a koe e se fakalogo ki te Aliki.

3A te tagata valea kae fakamatamata e gutu faipati; a te tagata poto e puipui ne ana muna e fai.

4Kafai seai ne pulumakau ke toso ne latou a te mea fakamalu laukele, ko tena uiga ka seai ne saito i loto i au fale teu saito, kae kafai e isi, kae ka fonu au fale teu saito i saito.

5A te tino molimau tela e fakatalitonugina ne tino e faipati eiloa ne ia te mea tonu, ka ko te molimau tela e se fakatalitonuga ne tino e faipati faeloa ki te loi.

6A tino valea e se mafai o poto, ka ko tino atamai e tauloto gofie ne latou a te poto.

7Fakamao keatea mai i tino valea; e seai se poto e mafai ne latou o akoako atu ki a koutou.

8Ai a e poto ei te tagata atamai? Me e iloa ne ia te mea e tau o fai. Ai a e valea ei te tino valea? Me e mafaufau faeloa pela me e iloa ne ia a mea katoa.

9A tino valea e se manatu mafa manafai e agasala, ka ko tino amio lei e manako faeloa ke fakamagalo atu latou i olotou agasala ne fai.

10A tou manuia e fiafia tokotasi eiloa koe i ei; a tou mae, e fanoanoa tokotasi eiloa koe i ei. E seai se tino e mafai o fiafia fakatasi mo koe i te taimi o tou manuia, io me fanoanoa fakatasi mo koe i te taimi o tou puapuagatia.

11A te fale o te tagata amio lei e tu mautakitaki eiloa i te taimi ne siga ei te fale o te tagata amio masei.

12

15A tino valea e talitonu i so se mea; a tino poto e onoono fakalei eiloa ki olotou mea e fai.

16A tino poto e fakaeteete ke mo a e olo latou ki koga e tupu ei a fakalavelave, ka ko tino valea e se fakaeteete, e gasue o fai a mea kae se fuafua muamua olotou mea e tau o fai.

17A tino mata itaita e fai ne latou a uiga valea; a tino poto e nofo filemu eiloa.

18A tino valea e maua eiloa ne latou te taui o te lotou valea, ka ko tino poto e maua ne latou te taui lei tela ko te atamai.

19A tino amio masei e ifo ki tino amiotonu kae fakamolemole ki a latou ke alofa atu.

20E seai se tino e fiafia ki te tagata mativa, ke oko foki eiloa ki tena tuakoi e se fiafia foki ki a ia, ka ko te tagata maumea e tokouke ana taugasoa.

21Kafai koe e manako ke fiafia tou olaga, masaua o alofa ki tino mativa; masaua me se agasala manafai e takalialia koe ki se tino.

22Kafai e galue koe mō te lei, kae ka fakaaloalogina koe ne tino; kafai e galue koe mō te masei, se auala se tena e fano koe i ei.

23Galue ke maua mea e ola ei koe; kafai e sagasaga fua koe o gutu faipati e iku tou olaga ki te mativa.

24A tino poto e maua te taui lei mo latou, ka ko tino valea e iloa fua i olotou faiga valea.

25A te molimau e fakasao ne ia a ola o tino manafai e faipati ki te mea tonu; kae kafai e faipati ki te loi, ko tena uiga ko tuku atu ne ia a tino ke fakasala.

26A te tino e fakaaloalo ki te Aliki e maua ne ia te tokagamalie mo te saogalemu pela foki tena kaiga katoa.

27E a, a koe e manako ke mao koe keatea mai i te mate? Te ava ki te Aliki ko te punavai tena o te ola.

28A te takutakua o te tupu e iloa i te tokouke o tino i tena pulega, kae kafai seai ne tino i tena pulega, ko tena uiga e seai sena aoga.

29Kafai koe e nofo filemu, koe se tagata poto, kae kafai e mata itaita koe, e fakaasi fua ne koe ki tino i a koe se tagata valea.

30Kafai e tokagamalie tou mafaufau kae ka malosi foki tou foitino, ka ko te lotomasei e pela mo te masaki ko te kenisa.

31Kafai e fakapuapuaga ne koe a tino mativa, ko tena uiga koe e teke ki te Atua tela ne faite ne ia latou; kafai e fai faka'lei ne koe a tino mativa, ko te tapuakiga tafasili i te taua tena a koe.

32A tino amio masei e aumai foki eiloa ne latou te lotou malaia ona ko olotou amioga masei, ka ko tino amio lei e puipui ne te olotou fakamaoni.

33A te poto e ola faeloa i mafaufauga o te tagata poto; a tino valea e se iloa ne latou te poto.

34A te amiotonu e fai ne ia te malo ke takutakua; a te agasala e fakatakuvalea ne ia te malo.

35A tupu e fiafia ki ofisa atamai, kae e fakasala ne latou a ofisa kola e se fai olotou tiute.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help