NUMELA 26 - Tuvalu Revised Bible

Ko te Lauga Fakalua o Tino Isalaelu

1 Nume 1.1-46 I te gataga o te mala, ne fai atu ei a te Aliki ki a Mose mo Eleasalo te tama tagata a Alona penei,

2“Lau aka te fenua katoa o Isalaelu i olotou kaiga takitasi, lau a tagata kola ko luasefulu tausaga o fano ki luga, kola ko 'tau o fai mo sotia.”

3-4A Mose mo Eleasalo ne faka'logo, kae ne fakamaopoopo ne laua a tagata i loto o tausaga kona. Ne fakamaopoopo latou i koga laugatasi o Moapi o fano ki te Vaitafe o te Iolitana mai Ieliko.

Konei a tino Isalaelu kola ne aumai i Aikpito:

5Ko te matakaiga o Leupena (Leupena ko te ulumatua a Iakopo): Konei a kaukaiga e aofia i loto i te matakaiga tenei: ko te kaukaiga o Hanoka, te kaukaiga o Palu,

6te kaukaiga o Heselona, mo te kaukaiga o Kami.

7A te aofaki o tagata ko 'tau o fai mo sotia i kaukaiga katoa konei, e tusa mo te 43,730 tagata.

8A te gafa o Palu ko Eliapo

9mo ana tama tagata ko Nemuelu, Tatano mo Apilamo. A Tatano mo Apilamo ko laua kola ne fili ne te fenua o Isalaelu; ko laua foki kona ne teke atu ki a Mose mo Alona, kae kau atu ki a Kola mo tena potukau, i te taimi ne teke atu ei latou ki te Aliki.

10A laua kona ne mate fakatasi mo Kola i te taimi ne matala ei te laukele o folo latou. A tino ne mate fakatasi mo latou i te afi e tusa mo te luaselau limasefulu tagata; ne fai te mea tena mo akoakoga ki te fanauga a Isalaelu.

11A tamaliki tagata a Kola e seki mate i te taimi tena.

12Ko te matakaiga o Simeona: e aofia ei a kaukaiga o Nemuelu, lamina, Iakini,

13Selau mo Saula.

14A te aofaki o tagata ko tau o fai mo sotia i kaukaiga katoa konei e tusa mo te luasefulu lua afe, luaselau tagata.

15Ko te matakaiga o Kato: e aofia ei a kaukaiga o Sefono, Haki, Suni,

16Osini, Eli,

17Alota mo Aleli.

18A te aofaki o tagata ko tau o fai mo sotia i kaukaiga katoa konei e tusa mo te fasefulu afe, limaselau.

19Ko tama tagata a Iuta: Elu mo Onanu; Elu mo Onanu kola ne mate i te fenua ko Kanana.

20Ko te matakaiga o Iuta: e aofia ei a kaukaiga o Seela, te kaukaiga o Selanaita; mai Pelesa, te kaukaiga o Pelesite; mai Seela, mo te kaukaiga o Selanita.

21Te matakaiga o Pelesa ko: Heselona, mo te kaukaiga o Hamula, mo te kaukaiga o Hamulite.

22A te aofaki o tagata ko tau o fai mo sotia i kaukaiga katoa konei e tusa mo te fitusefulu ono afe, limaselau.

23Ko te matakaiga o Isakala: e aofia ei a kaukaiga o Toula, o Pua,

24o Iasupa mo te kaukaiga o Similona.

25A te aofaki o tagata ko tau o fai mo sotia i kaukaiga katoa konei e tusa mo te onosefulu fa afe, toluselau tagata.

26Ko te matakaiga o Sepulona: e aofia ei a kaukaiga o Seleti, o Eloni, mo te kaukaiga o Ialeli.

27A te Aofaki o tagata ko tau o fai mo sotia i kaukaiga katoa konei e tusa mo te onosefulu afe, limaselau.

28Ko matakaiga o Iosefa, kola e fakaigoa ki igoa o ana tama tagata ko Manase mo Efalaima.

29Ko te matakaiga o Manase: a Makila, te tama tagata a Manase, ko te tamana o Kileata. Konei a kaukaiga kola e tau te lotou gafa ki a Kileata:

30ko te kaukaiga o Iesela, te kaukaiga o Heleka,

31te kaukaiga o Asilielu, te kaukaiga o Sekema,

32te kaukaiga o Semita, mo te kaukaiga o Hefa.

33A te tamaliki tagata a Hefa, tela ko Selofeata, e seai ne ana tama tagata, kae ne tama fafine fua. Konei olotou igoa: ko Mahala, ko Noa, ko Hokala, ko Milika mo Tilesa.

34A te aofaki o tagata ko tau o fai mo sotia i kaukaiga katoa konei e tusa mo te limasefulu lua afe, fituselau tagata.

35Ko te matakaiga o Efalaima: e aofia ei a kaukaiga o Sutela, o Pekali, mo te kaukaiga o Tahana.

36A te kaukaiga o Elana e tau tena gafa ki a Sutela.

37A te aofaki o tagata ko tau o fai mo sotia i kaukaiga katoa konei e tusa mo te tolusefulu lua afe, limaselau tagata.

Kona a kaukaiga kola e tau te lotou gafa ki a Iosefa.

38Ko te matakaiga o Peniamina: e aofia ei a kaukaiga o Pela, o Asepelo, o Ailamu,

39o Sefufama, mo te kaukaiga o Hufama.

40A te kaukaiga o Alata mo te kaukaiga o Naamanu, e tau te la gafa ki a Pela.

41A te aofaki o tagata ko tau o fai mo sotia i kaukaiga katoa konei e tusa mo te fasefulu lima afe, onoselau tagata.

42Ko te matakaiga o Tanu: e aofia ei te kaukaiga o Husima.

43A tagata ko tau o fai mo sotia i te kaukaiga tena e tusa mo te onosefulu fa afe, faselau tagata.

44Te matakaiga o Asela: e aofia ei a kaukaiga o Imina, o Isivi mo te kaukaiga o Pelia.

45A te kaukaiga o Hepela mo te kaukaiga o Malakielu e tau o la gafa ki a Pelia.

46E isi se tamaliki fafine a Asela e igoa ki a Sela.

47A te aofaki o tagata ko tau o fai mo sotia i kaukaiga katoa konei e tusa mo te limasefulu tolu afe, faselau tagata.

48Ko te matakaiga o Nafatali: e aofia ei a kaukaiga o Iaseeli, o Kuni,

49o Iesela, mo te kaukaiga o Silema.

50A te aofaki o tagata ko tau o fai mo sotia i kaukaiga katoa konei, e tusa mo te fasefulu lima afe, faselau tagata.

51A te aofaki katoa o tagata Isalaelu kola ko tau o fai mo sotia, e tusa mo te onoselau mo te tasi afe, fituselau tolusefulu.

52 Nume 34.13; Iosu 14.1,2 Muna a te Aliki ki a Mose,

53“Vaevae te laukele i matakaiga takitasi, kae fuafua fakalei ki te tokouke o matakaiga takitasi.

54-56Vaevae te laukele fai a te vili, ko te vaega lasi e ave ki matakaiga tokouke, ka ko te vaega foliki e ave ki matakaiga foliki.”

57A te matakaiga o Levi e aofia ei a kaukaiga o Kelesona, o Koate mo te kaukaiga o Melali.

58A te gafa ki tua ifo o latou e aofia ei a kaukaiga foliki o Lipini, o Hepelona, o Mali, o Musi mo Kola. A Koate ko te tamana o Amalamo,

59tela ne avaga ki te tama fafine a Levi e igoa ki a Iokapeta, tela ne fanau i Aikupito. E tokolua tama tagata a Amalamo mo Iokapeta; ko Alona mo Mose, kae tokotasi te tama fafine, ko Miliama.

60Nume 3.2 E tokofa tama tagata a Alona; ko Natapu, ko Apiu, ko Eleasalo mo Itamala.

61Levi 10.1,2; Nume 3.4 A Natapu mo Apiu ne mate i te taimi ne ofo ei ne laua te afi se 'malu ki te Aliki.

62A te aofaki o tagata i te matakaiga o Levi kola ko takitasi masina o fano ki luga e tusa mo te luasefulu tolu afe. A olotou igoa e fakamau fakaatea eiloa mai i igoa o tino Isalaelu katoa, me e seai ne tofi o latou i te vaevaega tela ne fai.

63A igoa o kaukaiga katoa konei, ne fakamau ne Mose mo Eleasalo i te taimi ne lau ei ne laua a tino Isalaelu i te koga laugatasi o Moapi, i tafa o te Vaitafe o te Iolitana kae fakafesagai ki te fa'kai o Ieliko.

64E seai eiloa se tino koi toe mai nei, mai i tino kola ne fakamau ne Mose mo Alona i te lauga muamua eiloa o tino Isalaelu, tela ne fai i te Vao o Sinai.

65Nume 14.26-35 Ko oti ne faipati te Aliki me ka mate katoa latou i te vao, tena ne mate katoa eiloa latou, na ko Kalepo eiloa, te tama tagata a lefune, mo Iosua te tama tagata a Nuno ne seki mate.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help