1Te Atua, au ko i loto i te puapuaga, saga mai la ki taku talo!
Au ko mataku i oku fili; fakasao mai toku ola!
2Puipui mai au mai pulepulega a tino amio ma'sei,
Mai fakapotopotoga foki o tino fai mea 'se.
3Ko fakamata olotou laulaufaiva e pela mo ne pelu,
A olotou muna ma'sei foki e fakasaua mai ki a au e pela
Me ne matasana e sana mai.
4E vave latou o takutaku atu olotou muna 'loi;
E fakamasei foki ne latou a tino 'lei ki olotou togafiti loi.
5Ko fakaloto ma'losi eiloa latou ne olotou pulepulega ma'sei!
Ko fai'pati latou ki se koga ka 'tao ei olotou malei,
Kae fai ake latou penei:
“E seai eiloa se tino e mafai o ana laveagina.”
6Ko fai olotou fuafuaga ma'sei,
Kae fai ake olotou pati;
“Ko nofogamalie te fuafuaga masei tenei a tatou.”
A te loto mo te mafaufau o te tino ne mea e iloa gata.
7Ka ko te Atua e sana atu ne ia ana matasana ki a latou,
Se mea vave eiloa o pa'kia latou.
8E fakama'sei ne ia latou i olotou pati;
A latou katoa kola e matea ne latou te mea nei,
Ka lulu olotou ulu.
9A tino katoa ka ma'taku; ka fakaasi atu ne latou te mea ko fai ne te Atua,
Kae mafau'fau foki latou ki ana galuega.
10A tino amiotonu katoa e fia'fia ki te Aliki i ana mea ne fai,
Me ka ola latou i a ia; a tino 'lei katoa ka 'viki atu ki a ia.
Who We AreWhat We EelieveWhat We Do
2025 by iamachristian.org,Inc All rights reserved.
