ESELA 7 - Tuvalu Revised Bible

A Esela ko oko mai ki Ielusalema

1E isi se tagata e igoa ki a Esela ne ola i aso ne tupu ei a Aletaseta i Pelesia. Ne fakatele ne ia a tena gafa, tela e tau ki a Alona te Faitaulaga Sili. Tenei te fakatelega o tena gafa: a Esela ko te tama tagata a Selaia; Selaia ko te tama tagata a Asalia; Asalia ko te tama tagata a Hilikia; Hilikia ko te tama tagata a Saluma;

2Saluma ko te tama tagata a Satoka; Satoka ko te tama tagata a Aitupa;

3Aitupa ko te tama tagata a Amalia; Amalia ko te tama tagata a Asalia; Asalia ko te tama tagata a Melaiota;

4Melaiota ko te tama tagata a Selaia; Selaia ko te tama tagata a Usi; Usi ko te tama tagata a Puki;

5Puki ko te tama tagata a Apisua; Apisua ko te tama tagata a Fineaso; Fineaso ko te tama tagata a Eleasalo, Eleasalo ko te tama tagata a Alona.

6-7A Esela se tagata e lasi tena malamalama i Tulafono kola ne tuku mai ne te Aliki, te Atua o Isalaelu, ki a Mose. A te tupu ne tuku ne ia ki a Esela so se mea e manako a ia ki ei, me i te Aliki ne fakamanuia ne ia a Esela. I te fitu tausaga o te nofoaiga a Aletaseta, ne malaga atu ei a Esela mai Papelonia ki Ielusalema fakatasi mo te kau Isalaelu, e aofia ei a faitaulaga, te kau sa Levi, mo tino tata lakau o te Faletapu, mo tino tausi o te faletapu, mo tino ga'lue.

8-9Ne tiakina ne latou te fenua o Papelonia i te po muamua o te masina muamua, kae ne taunu latou ki Ielusalema i te fesoasoani mai o te Aliki, i te po muamua o te lima o masina.

10A te olaga o Esela ne lasi ki te taulotoga o Tulafono a te Aliki, kae fai ne ia, mo te akoako atu ne ia a tulafono mo fakatonuga ki tino Isalaelu.

Ko te Tusi ne Tuku atu ne Aletaseta ki a Esela

11Ne avatu ne Aletaseta a te tusi tenei ki te faitaulaga ko Esela, se tagata poto, kae e lasi tena malamalama i tulafono mo fakatonuga kola ko oti ne tuku mai ne te Aliki ki Isalaelu:

12“Mai i a Aletaseta te tupu ki a Esela te faitaulaga, te tagata poto i Tulafono a te Atua o te lagi.

13“Ko fakatonu atu au, me i tino Isalaelu katoa, e aofia ei a faitaulaga mo te kau sa Levi, i loto i toku malo, kola e fia olo ki Ielusalema ko talia nei ke olo mo koe ki Ielusalema.

14A taku kaupule konei e toko fitu, fakatasi mo au, ko uga atu nei ne matou a koe ke fano ki Ielusalema mo Iuta ke onoono koe me i tino e tausi ki tulafono a te otou Atua me ikai.

15E tau o fano mo koe a taulaga aulo mo siliva kola ko taulaga a aku mo taku kaupule ki te Atua o Isalaelu, tela e tu tena Faletapu i Ielusalema.

16E ave foki ne koe a siliva mo aulo katoa kola ne maua ne koe i te fenua o Papelonia, fakatasi mo taulaga a tino Isalaelu mo olotou faitaulaga ki te Faletapu o te lotou Atua i Ielusalema.

17“E tau o fai faka'lei ne koe a te tupe tena, o togi ki ei a pulumakau, mamoe, tamā mamoe, saito mo uaina kae ofo atu i luga i te fata-fai-taulaga o te Faletapu i Ielusalema.

18E mafai o fakaaoga ne koe a siliva mo aulo kola e toe ki so se mea e manako ki ei a koe mo tagata o tou fenua, ke pela eiloa mo te mea e loto ki ei a te otou Atua.

19E tau o ofo ne koe ki te Atua i Ielusalema a meafale katoa pela mo sipunu mo tui mo naifi kola ko oti ne tuku atu ki a koe ke fakaaoga i galuega i loto i te Faletapu.

20So se mea e manako koe ki ei mō te Faletapu, e mafai fua o puke mai, mai te koga teu koloa o te malo.

21“Au e fakatonu atu ki ofisa katoa kola e teu ne latou a koloa i te itumalo o Eufilate ki te Togala ke avatu ne koutou ki te faitaulaga ko Esela, se tagata poto i Tulafono a te Atua o te lagi, so se mea e manako mai a ia ki ei,

22te gataga mai luga e tolu afe faselau kilokalame o siliva, e sefulu afe kilokalame o saito, e lua afe lita o uaina, e lua afe lita o te sinu olive, mo te masima, ki te uke e manako a ia ki ei.

23E tau mo koutou o avatu faka'lei a mea katoa e manako mai ki ei a te Atua o te lagi mo tena Faletapu, ko te mea ke se kaitaua mai ki a au pela foki ki tupu mai oku tua.

24Ko se tau nei o toe 'tae ne koutou ne lafoga mai faitaulaga, te kau sa Levi, te kau tata lakau, te kau tausi, te kau galue io me so se tino e tavini mō te Faletapu.

25“Esela, ka fakaoga nei tou poto tela ne tuku mai ne te Atua ki a koe o fili aka ne tino pulepule mo famasino ke takitaki ne latou a tino katoa i te Eufilate ki te Togala kola e tautali i Tulafono a te otou Atua. E tau o akoako atu ne koe a Tulafono kona ki a latou kola e seki iloa ne latou.

26Kafai se tino e se fakalogo ki tulafono a tou Atua io me ko tulafono o te malo, e tau o fakasala fakavave eiloa: me e tamate io me fakamōli ki se isi fenua, io me fao malo mai ana mea, io me pei ki te fale puipui.”

Ko Tavae ne Esela a te Atua

27Muna a Esela, “Ke vikia te Aliki, te Atua o o'tou tupuga! Ne 'fuli ne ia a te loto o te tupu ke fakaaloalo ki te Faletapu o te Aliki i Ielusalema.

28I te alofa o te Atua, tenei ko fia'fia mai ei ki au a te tupu mo ana kaupule, mo ana ofisa ma'luga katoa. A te Aliki toku Atua, ne tuku mai ne ia a te loto malosi ki a au, tenei ko mafai ei ne au o futi mai a matai o kaukaiga o Isalaelu ke foki tasi matou.”