KALATIA 3 - Tuvalu Revised Bible

Ko te Tulafono io me ko te Fakatuanaki

1A koutou e Kalatia va'lea! E isi se tino ne fakase ne ia a koutou. Au ne taofi me iloa 'lei ne koutou a te pogai ne fakasataulo ei a Iesu, kae tela la e se iloa ne koutou.

2Taku mai ki a au a te mea tenei e tasi: ne maua ne koutou a te Agaga o te Atua i galuega a te Tulafono, io me ko te lagona i te fakatuanaki?

3Ko oko eiloa i te otou valea! Ne kamata koutou i te Agaga; kae nei ko fakaoti i te feitu faka te foitino.

4E a, i te otou taofi i te otou fakatuanaki i a Keliso e seai sona aoga? E 'tau eiloa o isi sena aoga ki a koutou!

5A ia tela ne tuku atu ne ia ki a koutou a te Agaga tela e fai ne ia vavega i a koutou; e a, e fai ne ia ona ko koutou e ola i te Tulafono io me ko te lagona i te fakatuanaki?

6

12Levi 18.5E se fakavae a te Tulafono i luga o te fakatuanaki, kae pela mo te fai mai o te Tusi, “A te tino tela e fai ne ia a mea katoa kola e tusi i te Tulafono, e ola a ia.”

13 Teu 21.23 Ko fakasaoloto tatou ne Keliso mai te kaitoa o te Tulafono, tela ko maua ei a ia ne te kaitoa ona ko tatou, e pela mo muna a te Tusi, “So se tino e fakatautau i se lakau, ko maua ne ia te kaitoa.”

14Ne mate a Keliso pena ko te mea ke oko atu ki fenua katoa a te manuia tela ne folafola ki a Apelaamo ona ko Keliso Iesu, ke maua ei foki ne tatou i te fakatuanaki, a te Agaga tela ne folafola mai ne te Atua.

Ko te Tulafono mo te Folafolaga

15Taina, e avatu ne au se fakaakoakoga e masani ei koutou i aso takitasi: kafai e loto ma'lie se tokolua, ke fakamau se la feagaiga, kae e seai se tino e mafai ne ia o ofa io me fakaopoopo ki ei se mea.

16Kae nei, a te folafolaga a te Atua ne fai ki a Apelaamo mo tena fanau; e seki fai mai pela, “Ki ana tama,” e pela me e tokouke, kae ne fai mai, “Ki tau tama,” ko tona uiga e tokotasi eiloa te tino, ko Keliso.

17Eso 12.40Tenei te uiga o taku pati: a te feagaiga ne fakamau ne te Atua i aso taumua ke tausi ki ei, e se mafai o fuli ne te Tulafono tela ne tuku mai i tausaga e fa selau tolu sefulu mai tua ifo, ke fakaseaoga ei a folafolaga.

18Loma 4.14Me kafai ne alatu mai te tofi ona ko te Tulafono, ko se alatu mai eiloa i te folafolaga. Ka ko te Atua eiloa ne avatu ne ia ki a Apelaamo, me ko oti ne folafola ne ia ki a ia.

19Ai a la ne tuku mai ei te Tulafono? Ne tuku mai o fakaasi mai te mea tela e masei, kae e tumau eiloa pena ki te oko mai o te tama a Apelaamo tela ne fai ki ei te folafolaga. A te Tulafono ne aumai ne agelu ki te tukumuna ko Mose.

20Kae i te faiga o te feagaiga a te Atua ki a Apelaamo, ne fai eiloa ne ia tokotasi. Ne se manako o fakaaoga agelu io me ko Mose ke fai mo ana tukumuna.

Ko te Aoga o te Tulafono

21E a, e 'teke te Tulafono ki te folafolaga a te Atua? Ikai, e se pena! I te mea moi fai ne tuku mai te tulafono ke aumai ne ia te ola ki tino, penei e maua te amiotonu i te tulafono.

22Kae fai mai a te Tusi me i te lalolagi katoa ko i lalo i te malosi o te agasala, ko te mea ke maua ne tino talitonu a te meaalofa ne folafolagina, tela e mafai o maua ne tatou i te fakatuanaki ki a Iesu Keliso.

23Ka koi tuai o oko mai te fakatuanaki, a tatou ne i lalo i te pule a te Tulafono, ne loka mau eiloa ke oko ki te taimi e fakaasi mai ei a te fakatuanaki.

24Tenei la, ko fai mo takitaki o tatou a te Tulafono, e takitaki ei ne ia tatou ke oko ki te oko mai o Keliso, ko te mea ke takuamiotonugina tatou i te fakatuanaki.

25Nei, ko oko mai a te fakatuanaki, ko se toe pule i a tatou a te Tulafono.

26Me ko fanau a te Atua koutou katoa i te fakatuanaki ki a Keliso Iesu.

27Me i a koutou katoa ne papatiso i a Keliso, ne pei foki koutou ki te olaga o Keliso e pela mo ne gatu i otou foitino.

28E seai se kesekesega i se Iutaia io me se Eleni, se pologa me se saoloto, se tagata me se fafine; me ko tasi katoa eiloa koutou i a Keliso Iesu.

29Loma 4.13Kafai foki la koutou ne tino o Keliso, e tonu eiloa i a koutou ko fanau a Apelaamo, ko suitonu foki eiloa, e pela mo te mea ne folafola mai.