TEUTELONOME 15 - Tuvalu Revised Bible

Ko te Fitu o Tausaga(Levi 25.1-7)

1“I te fakaotiga o te taki fitu o tausaga, e tau mo koutou o fakamagalo a kaitalafu a tino kola ne kaitalafu tupe i a koutou.

2E penei te faiga. A latou katoa kola ne tuku fakakaitalafu olotou tupe ki taina Isalaelu o latou e tau nei o fakamagalo ne latou a kaitalafu kona. E se tau mo latou o taumafai o fai ki tino ke aumai olotou kaitalafu tupe; ko oti ne fakatonu mai te Aliki ke fakamagalo a kaitalafu katoa kona.

3E mafai ne koe o tae mai a kaitalafu a tino fakaatea kola ne kaitalafu i a koe, kae e se tau o tae ne koe a kaitalafu a tino o tou fenua i a koe.

4“A te Aliki te otou Atua ka fakamanuia ne ia koutou i te fenua tena ne avatu ne ia mo koutou. E seai eiloa se tino i a koutou e mativa

5manafai e fakalogo koutou ki a ia, kae tausi fakalei ki mea katoa konei ne fakatonu atu ne au i te aso nei.

6Ka fakamanuia eiloa koutou ne te Aliki, e pela eiloa mo tena tautoga. Ka tuku fakakaitalafu ne koutou a tupe ki malo e uke, ka ko koutou ka se mafai o kaitalafu tupe mai i nisi malo; ka pule ne koutou a malo e uke, kae ka seai se malo e pule ne ia koutou.

7 e tau o fakasaoloto ne koe a ia manafai ko oti ne galue i a koe i tausaga e ono. I te fitu o tausaga, ko tau o fakasaoloto ne koe.

13Kafai ko fakasaoloto ne koe a te pologa tena, sa tukugina ke fano seai ne ana mea e fano mo ia.

14Alofa ki a ia o avatu ne ana mea mai au mea kola ne maua mai i te fakamanuiaga a te Aliki — ko mamoe, saito mo uaina.

15Masaua i a koutou ne nofo pologa i Aikupito kae ne fakasao koutou ne te Aliki te otou Atua; tena te mea e tuku atu ei ne au a te fakatonuga tenei.

16“Kafai tau pologa e se fia saoloto me e alofa ki a koe mo tou kaiga, kae ko loto o nofo i a koe,

17ko ave ei ne koe ki te mataloa o tou fale o fakapu tena taliga; ka fai ei a ia mo pologa a koe i tena olaga katoa. A otou tavini fafine e fai foki pena.

18Sa fanoanoa manafai ko fakasaoloto ne koutou otou pologa; kola ko oti ne galue mo koe i tausaga e ono, i se togi e tusa mo te afā te togi o te tavini. Ke fai ne koutou a te mea tena, kae ka fakamanuia koutou ne te Aliki te otou Atua i otou mea katoa e fai.

Ko te Uluaki Pulumakau mo te Uluaki Mamoe

19 Eso 13.12 “A uluaki tama tagata katoa a otou pulumakau mo mamoe ke tuku katoa ma te Aliki te otou Atua; sa fakagaluegina a pulumakau konei, sa velegina foki a mamoe konei.

20I tausaga takitasi, e tau koutou mo otou kaiga takitasi o kai a manu kona i mua o te Aliki, i te koga tapuaki tela e tasi eiloa.

21Kae kafai e isi ne pona o se manu i manu kona, me e 'pili io me e kivi io me se isi pona aka fakaatea, tena la, ko se tau ei o ofo atu ki te Aliki te otou Atua.

22E mafai ne koutou o kai a vaega manu pena i otou fale. E lei faeloa manafai e kai katoa koutou ki ei, faitalia me ko koutou e ma io me e lailai i feitu fakatapuakiga, e pela eiloa manafai e kai koutou ki tia io me ne anetelope.

23Kene 9.4; Levi 7.26,27; 17.10-14; 19.26; Teu 12.16,23 Sa fakaaoga olotou toto mo fai otou meakai; e tau eiloa o ligi ne koutou ki te laukele e pela me ne vai.