KOLOSE 4 - Tuvalu Revised Bible

1 Efe 6.9 Pule, fai faka'lei kae a'lofa ki otou pologa, me e iloa eiloa ne koutou me isi se otou Pule i te lagi.

Ko Akoakoga

2Ke mautakitaki koutou i te olaga 'talo, ke tumau koutou i ei mo te loto fakafetai ki te Atua,

3kae 'talo foki mo matou, ko te mea ke 'tala ne te Atua mo matou se mataloa mō te muna, ko fakaasi atu ei te mea 'funa a Keliso, tela ko ala ei au o fale puipui,

4ko te mea ke fakamalamalama atu ne au, manafai e isi se mea 'tau e faipati atu ei au.

5 Efe 5.16 Ke 'poto koutou mo otou faiga ki tino se talitonu, ke fakaaoga 'tau te ukega o taimi.

6Ke isi se alofa i otou pati e fai sale, ke faka'kona foki ki te masina ke tumau tena aoga, ko te mea ke iloa ne koutou o tali atu ki so se tino e fesili mai ki a koutou.

Ko Alofaaga Fakapalele

7 Galu 20.4; 2Timo 4.12 Efe 6.21,22 Ka taku atu ne Tukasi ki a koutou a mea katoa e uiga ki aku galuega, a ia se taina fagasele kae se faifeau fakamaoni, kae se tavini foki i te Aliki.

8Ne uga atu a ia ne au ki a koutou mō te feitu eiloa tenei, ko te mea ke iloa ne koutou me pefea te motou nofonofoga, ke fakamalosia ei foki otou loto.

9File 10-12Ka olo atu mo ia a Onosemu se taina fakamaoni kae fagasele, tela se tino foki mai i a koutou, ka tala atu ne laua ki a koutou a mea katoa ne 'tupu i konei.

10 Galu 19.29; 27.2; File 24; Galu 12.12,25; 13.13; 15.37-39 Ko alofa atu toku taina pagota ko Alitako ki a koutou, pela foki mo Maleko te fakataina o Panapa. Ko oti ne maua ne koutou nisi fakamatalaga e uiga ki a ia, ke talia ne koutou manafai e fanatu ki a koutou,

11pela foki mo Iesu tela e igoa ki a Iuso. Ko latou fua konei ne pilitome e ga'lue mo au mō te Malo o te Atua, kae ne tino ne fesoasoani malosi mai ki a au.

12 Kolo 1.7; File 23 Ko alofa atu foki a Epafala ki a koutou, se tino mai i a koutou, se tavini a Keliso Iesu; kae se puli faeloa koutou i ana 'talo, ko te mea ke tumau koutou i te fai mo tino ma'tua, kae tuku atu foki katoatoa otou loto o fai te loto o te Atua.

13Me e molimau au e uiga ki a ia, me ko oti a ia ne galue malosi mō koutou, pela foki mo taina kola i Laotikaia mo Hialapoli.

142Timo 4.11; File 24; 2Timo 4.10; File 24Ko alofa atu foki a Luka te tokita fagasele, pela foki mo Tema.

15'Moli atu omotou alofaaga ki Kelisiano i Laotikaia, pela foki mo Numefa mo te Ekalesia i tona fale.

16Kafai ko oti ne faitau ne koutou a te tusi nei, faitau atu foki ki te Ekalesia i Laotikaia, kae ke masaua foki o fai'tau koutou ki te tusi mai Laotikaia.

17File 2Fai atu ki a Akepasi penei, “Ke fai ne koe a te galuega tela ne maua ne koe mai i te Aliki.”

18Ko au ko Paulo: ko tusi atu ne au alofaaga konei ki taku tusi lima. Ke masaua mai au ne koutou i au tenei e fale puipui.

Ke i a koutou te alofa tauanoa.