1 Sala 54 E isi ne tino ne o'mai mai Sifo o folafola ki a Saulo i Kipea, i a Tavita tela e muni i luga i te Mauga o Hakila i kautafa o te vao o Iuta.
2I kona foki eiloa, ko Saulo eiloa ko olo atu mo te tolu afe sotia 'lei eiloa o Isalaelu ki te vao o Sifo o sala Tavita,
3kae ne faka'manava i tafa o te auala ki te Mauga o Hakila. A Tavita koi nofo mai eiloa i te vao tena, kae i tena logoga i a Saulo ko vau o sala a ia,
4ne uga ei ne ia ana tino-lamalama ke onoono me e tonu i a Saulo ko oko atu; tena, logo ei a ia me e tonu eiloa i a Saulo ko oko atu ki te koga tena.
5Ne fanatu fakavave a ia o fakamailoga te koga tela e 'moe ei a Saulo mo Apinelu, te tama tagata a Nelu, te takitaki o te kautau a Saulo. A Saulo e moe i te kogaloto, ka ko tena kau e moe fakatamilo i a ia.
6Tena ne fesili atu ei a Tavita ki a Aimeleka te tagata Heti, mo Apisai te taina o Ioapo, te la matua ko Seluia, penei, “Ko oi te tino i a koulua e olo maua ki te koga e 'moe ei sa Saulo?”
Ne tali atu Apisai, “Ko au.”
7Tena, i te po tena, ne ulu atu a Tavita mo Apisai ki te koga e nofo ei sa Saulo, kae matea atu ne laua a Saulo e moe i te kogaloto mo tena tao e toki ki lalo i tena fogāulu. A Apinelu mo te kautau katoa, e moe fakatamilo i a ia.
8Muna a Apisai ki a Tavita, “A te Atua ko tuku atu ne ia tou fili ki ou lima i te po tenei. Kiloke, tuku mai ke velo ne au a ia ki tena tao eiloa, ke 'mau tasi a ia mo te laukele. E tasi eiloa taku velo, e se fakalua foki!”
9Kae ne fai atu Tavita, “E se tau o fai ne koe se mea ki a ia! E fakasala eiloa ne te Aliki te tino e oko ana lima ki tena tupu ne filifilia.”
10Ne faipati eiloa Tavita, muna a ia, “I te igoa o te Aliki ola, e iloa lei eiloa ne au, me i a Saulo e tamate eiloa ne te Aliki; manafai ko oko eiloa ki tena taimi mate io me mate i se taua.
111Samu 24.6 A te Aliki ke fakatapu ne ia a au, ke se taumafai au o fakapakia te tino ne fai ne ia mo tupu! Puke mai fua tena tao mo tena tia vai, kae vau i a taua ka olo.”
12Tena, ne puke mai ne Tavita te tao a Saulo mo tena tia vai i tafa eiloa o tena ulu, tena olo ei laua. E seai eiloa se tino e iloa ne ia te mea tena ne tupu, e seai eiloa se tino e ala aka; ne 'moe pala'pala katoa, me ko te Aliki ne fai ne ia ke moe pala'pala.
13Ne kake aka Tavita i te sua feitu o te vanu, ki te ulu o te mauga foliki, kae ko tai mao eiloa,
14kae kalaga atu ki te kautau a Saulo mo Apinelu penei, “Apinelu! E lagona ne koe toku leo?”
Ne fesili aka Apinelu penei, “Ko oi te tino tela e pakalaga tenei ko ala aka ei te tupu?”
15Ne tali atu Tavita, “Apinelu, e a, se ko koe te toe tagata takutakua eiloa i Isalaelu? Ai a la e se puipui fakalei ei ne koe tou tupu? I te taimi nei eiloa, e isi se tino ne ulu atu o tamate te tupu.
16Apinelu, a koe ko se fakamaoni i tou tiute! Au e tauto i te igoa o te Aliki ola i a koutou e tau katoa o mate, me e seki puipui faka'lei ne koutou te otou pule, tela ne fai ne te Aliki mo tupu. Kiloke! Tefea te tao a te tupu? Tefea foki te tia vai tela i tena fogaulu?”
17Ne lagona ne Saulo i te leo e o Tavita, tena ne fesili atu ei a ia penei, “Taku tama, a koe na ko Tavita eiloa?”
Ne tali atu Tavita, “Tou Malu, ao.”
18Kae ne toe faipati atu penei, “Tou malu, ai a e vau faeloa ei koe o afuli au, tau tavini? Se a taku mea ne fai? Se a te agasala a aku ne fai?
19Tou Malu, fakalogo mai ki aku pati konei ka fai atu. Kafai ko te Aliki ne fai ne ia koe ke kaitaua mai ki a au, e tau o ofo ne koe se taulaga ki a ia, kae ka mafai o 'fuli ona mafaufauga; kae kafai ne tagata ne fakaoso ne latou a koe; ke fakamalaia latou ne te Aliki. Me ko fai ne latou au ke sola mai te fenua o te Aliki, ki te fenua e tapuaki ei tino ki atua fakaatea.
20Sa tuku mai au ke mate i laukele fakaatea, e mao foki ei au mo te Aliki. Ai a e sona vau ei te tupu o Isalaelu o tamate te lago penei mo au? Ai a e afuli ei au ne ia o ta, e pela me se manu eva lata vao?”
21Ne tali atu Saulo, “Au ko agasala. Tavita taku tama, foki mai ki a au! Ka se toe fakapakia eiloa ne au a koe, i a au ne toe fakasao ne koe i te po tenei. Au ko oko eiloa i te valea! Ko oko eiloa i te masei o taku mea ne fai!”
22Ne tali atu Tavita, “Tou Malu, tenei tau tao. Tuku mai se tino a koe ke vau o puke atu.
23A te Aliki e tuku ne ia se taui lei ki tino kola e fakamaoni kae amiotonu. I te aso nei, ne tuku mai ne ia koe ki oku lima, kae e seki ai se mea ne fai ne au ki a koe, me i a koe ne fai ne te Aliki mo tupu.
24E pela mo koe ne fakasao ne au i te aso nei, ke fai foki au pena ne te Aliki o fakasao au mai oku puapuaga katoa!”
25Muna a Saulo ki a Tavita, “Taku tama, a te Atua ke fakamanuia atu ki a koe! A koe ka manuia i au mea katoa e fai!”
Tena, ne fano Tavita i tena auala, ka ko Saulo ne foki atu ki tena fa'kai.
Who We AreWhat We EelieveWhat We Do
2025 by iamachristian.org,Inc All rights reserved.
