1A te Aliki ko te tupu! Ke fiafia te lalolagi!
Ke fiafia foki a fenua katoa e 'tu i te 'tai!
2A kaumana mo te pouliga e nikoi i a ia;
A tena malo e fakavae ki te amiotonu mo te fai mea tonu.
3A te afi e fano i ona mua
E 'sunu ei ona fili kola e i ona tafa.
4Ka ko te lalolagi e fakamaina ne ia ki te uila;
E lavea ne te lalolagi, polepole ei i te ma'taku.
5E liu suavai mauga e pela mo te liu suavai o se gako i mua o te Aliki o te lalolagi katoa.
6E taku mai ne lagi tena amiotonu,
Kae lavea ne malo katoa tena 'malu.
7A tino katoa kola e tapuaki ki tupua ka masiasi;
A atua katoa ka ifo atu latou i mua o te Aliki.
8Te Aliki, e fia'fia a tino o Siona,
E fia'fia foki a fa'kai o Iuta ona ko au fakamasinoga.
9Te Aliki Tafasili i te Malosi, a koe ko te pule o te lalolagi katoa;
E sili atu koe i atua katoa.
10A te Aliki e alofa ki tino kola e takalia'lia ki amioga ma'sei;
Kae 'pui ne ia a ola o ana tino,
E fakasao ne ia latou mai te malosi o tino amio masei.
11A te mainaga e sulu atu ki tino amiotonu,
Mo te fiafia foki ka maua ne tino amio 'lei.
12Ke fia'fia katoa koutou tino amiotonu,
Ona ko galuega a te Aliki ne fai!
Ke manatua ne koutou galuega a te Atua Tapu ne fai,
Ke tuku atu foki ne koutou te fakafetai ki a ia.
Who We AreWhat We EelieveWhat We Do
2025 by iamachristian.org,Inc All rights reserved.
