SALAMO 112 - Tuvalu Revised Bible

Ko te Fiafia o te Tino Amio 'Lei

1Ke viki atu koutou ki te Aliki!

Amutia te tino tela e mataku ki te Aliki,

Kae fiafia o fakalogo ki ana fakatonuga.

2E 'tupu malosi tena fanau i te fenua;

E manuia a fanau a te tino amio 'lei.

3A tena kaiga ka tupu malosi kae maumea,

Kae ka manuia a ia ki te se gata mai.

4E maina atu te mainaga i te pouliga mō tino amio'lei,

Mo latou foki kola e kaima'lie, alofa kae fai mea tonu.

5Amutia te tino tela e alofa o tuku atu fua ana mea ki tino e fia kaitalafu i a ia,

Kae fai tena pisinisi mo te fakamaoni.

6A te tino amio'lei e manuia faeloa,

E se mafai foki o fakapuli a ia ne tino.

7E se mataku a ia i tala ma'sei e lagona ne ia,

A tena fakatuanaki e malosi, kae talitonu a ia ki te Aliki.

8E se manavase a ia io me mataku foki;

E mautinoa ne ia me ka lavea atu ne ia ona fili ko taka'vale.

9 2Koli 9.9 A ia e kaimalie ki tino ma'tiva,

A tena alofa foki e se gata mai;

A ia ka fonu i te malosi kae fakaaloalogina.

10Ka lavea te mea nei ne tino agasala, ko ita ei latou;

Ka faka'piko olotou mata i te takalialia, ko 'galo atu ei latou;

Ko se toe ai ne olotou fakamoemoega ki te se gata mai.