1Viki atu ki te Aliki toku 'puiga!
Ne akoako ne ia au ke poto i te faiga o taua,
Ne fakatoka foki ne ia au mo taua.
2Ko ia ko toku 'puiga mo toku lafiga,
Ko toku malūga mo toku fakaola, tela e talitonu au me sao ei au.
E tuku ne ia a malo mai i lalo o taku pulega.
3 Iopu 7.17,18; Sala 8.4 Te Aliki, se a te tagata ke mafaufau 'mafa mai ei koe ki a ia;
Se tino ola fua kae saga eiloa koe ki ei?
4A te tino e pela mo se laumatagi;
Ona aso e pela fua me se ata e vave galo.
5Te Aliki, sae te lagi kae fanaifo ki lalo;
Fakapatele ki mauga, kae ka pusa ake mai ei te ausaga.
6Faka'lapa uila, ke mafuta valevale ou fili;
Fakalele mai au matasana, ke tele valevale latou.
7Kapa ifo ou lima,
Futi ake au mai te moana poko, ke ola au;
Fakasao mai au mai te malosi o tino fakaatea,
8Kola e se mafai o fai'pati ki te mea tonu,
Kae loi faeloa ki olotou tautoga.
9Te Atua, ka usu atu taku pese fou;
Ka ta atu ne au te kitala kae usu atu taku pese ki a koe.
10E tuku ne koe te manumalo ki tupu,
Kae fakasao ne koe tau tavini ko Tavita.
11Fakasao mai au mai oku fili sauā,
Fakaola mai au mai malosi o tino fakaatea,
Kola e se mafai o fai'pati ki te mea tonu,
Kae loi faeloa ki olotou tautoga.
12Ke fai omotou tamaliki tagata talavou,
Ke pela me ne lakau kola e tupu ake mo te malosi.
Ke fai omotou tamaliki fafine ke fai mo pou taua kola e fakagaligali ki ei a matulimanu o se palesi.
13A omotou fale saito
Ke fonu i vaega fuaga lakau valevale.
A mamoe i omotou lau manafa, ke fanafanau i taki sefulu afe.
14A omotou pulumakau ke fanafanau faeloa,
Ke mo a e isi ne manu e lele olotou tama io me galo.
Ke seai ne tino e tagi mo te puapuagatia i omotou auala.
15Amutia te malo tela e fai ki ei a pati konei;
Ke amutia a tino kola e fai mō latou te Atua ko te Aliki!
Who We AreWhat We EelieveWhat We Do
2025 by iamachristian.org,Inc All rights reserved.
