1 Levi 19.4; Eso 20.4; Teu 5.8; 16.21,22; 27.1 Muna a te Aliki, “Sa faite ne tupua io me ne fakatusa io me ne pou fatu io me ne fatu fakagaligali o tapuaki ki ei. Au ko te Aliki te otou Atua.
2Tausi ki 'kaiga fiafia faka‐te-Lotu kae fakaaloalo ki te koga e tapuaki mai ei koutou ki a au. Au ko te Aliki.
3 Teu 11.13-15; 28.1-14 “Kafai e tausi ne koutou aku tulafono mo fakatonuga,
4kae ka avatu ne au a vaiua i te taimi tonu, ko te mea ke fua mai ne te laukele a lakau kaina mo lakau foki ka fua mai olotou fuataga.
5A otou lakau kaina ka se maua o fai i te uke. Kafai ko oko ki te taimi e 'tau ei o tau a fuagavine, ka ko koutou koi kati saito eiloa. Kafai ko oko ki te taimi e 'tau ei o toki a saito ka ko koutou koi tae eiloa i fuagavine. Ka kai makona koutou, kae ka nofo koutou mo te saogalemu i te fenua.
6“Ka tuku atu ne au te filemu ki a koutou, i te otou fenua, tela la, kafai e moe koutou, seai eiloa se mea e ma'taku koutou ki ei. Ka ave keatea ne au a manu fe'kai i te otou fenua, kae ka se toetupu mai ne taua i kona.
7A koutou ka manumalo faeloa i luga i otou fili;
8ka mafai ne te tokolima i a koutou o fakatakavale te tokoselau ka ko te tokoselau o koutou ka mafai o fakatakavale ne latou te tokosefulu afe.
9Ka fakamanuia ne au koutou kae tuku atu ne fanau e tokouke ma koutou; ka tausi eiloa ne au aku muna i te feagaiga tela ne fai ne au mo koutou.
10A meakai a koutou ne maua i te taimi o te taukai, ka se maua o fai i te uke, kae ka se oti i te tausaga katoa. Kafai ko oko ki te sua taukai, kae koi toe eiloa a meakai o te taukai mua, tela la, ka pei ne koutou a mea kona keatea ke maua se avanoa mo teu a meakai o te taukai fou.
11Au ka nofo fakatasi mo koutou i loto i toku Faleie Tapu, kae ka se toe fulitua atu au ki a koutou.
122Koli 6.16 Au ka fakatasi atu ki a koutou; ka fai au mo Atua o koutou, ka ko koutou ka fai mo oku tino.
13Ko au ko te Aliki te otou Atua, ne aumai ne au koutou keatea mai Aikupito ke se toe fakapologa koutou. Ne fakatakavale ne au te malosi tela ne saisai ne ia koutou, kae tuku atu koutou ke olo mo te fia'fia.”
Ko Fakasalaga mo Tino se Faka'logo(Teu 28.15-68)14 Teu 28.15-68 Muna a te Aliki, “Kafai e se faka'logo koutou ki aku fakatonuga, ko koutou ka fakasala.
15Kafai e se fia faka'logo koutou ki aku tulafono mo fakatonuga, kae ofa foki ne koutou taku feagaiga ne fai mo koutou,
16ko koutou ka fakasala. Ka aumai ne au a puapuaga e uke ki luga i a koutou, pela mo masaki e se mafai o lei, mo te fiva tela ka fai ne ia ke kivi otou mata, kae faka'masei foki ne ia otou foitino. Ka toki otou lakau, kae e se mafai eiloa o lei, me i otou fili ka mai o ta koutou, kae kai a mea kola ne toki ne koutou.
17Ka fulitua atu au ki a koutou ko te mea ke takavale koutou, ka ko latou kola e takalialia i a koutou ka mai o pule koutou. A koutou ka sona tele, seai se tino e afuli ne ia koutou, me i a koutou ko oko eiloa i te ma'taku.
18“Kafai ne fakasala koutou pena, kae tumau eiloa te se faka'logo o koutou, ko te mea ka uku aka te fakasalaga o koutou e fakafitu taimi.
19Ka fakagata ne au te otou loto fiasili; ka seai ne vaiua kae ka ma'lo te otou laukele kae ka makeke a pela me se fiti.
20E seai eiloa se aoga o galuega mafa a koutou e fai, me ka se fua mai eiloa ne te laukele ne lakau kaina, ka seai foki ne fuaga lakau e fuamai i lakau.
21“Kafai koi tumau eiloa te se faka'logo mai o koutou ki a au, ka toe mumea aka ne au te otou fakasalaga e fakafitu taimi.
22Ka uga mai ne au a manu fe'kai ke ta ne latou otou tamaliki, otou pulumakau, e pena foki mo koutou, ko te mea ke lavaki a otou auala.
23“Kafai ko oti atu a fakasalaga konei, kae tumau eiloa te se faka'logo mai o koutou ki a au,
24ko tena uiga, ka toe fakasala ne au a koutou e fakafitu taimi te mafa i lo te taimi mua.
25Ka fakasala ne au koutou i te taua me ne ofa ne koutou te feagaiga a tatou, kae ka aumai ne au a masaki e se mafai o lei ki luga i a koutou i taimi e maopoopo ei koutou i otou fa'kai ke sao koutou, tena la, ka seai se otou mea e mafai o fai na ko te talia fua ne koutou te takavale o koutou i otou fili.
26Ka kati ne au te aofaki o meakai a koutou; te tinogafulu fafine ka ma'nako fua ki se ogaumu e tasi mo tao olotou meakai, me e se uke. Ka tufatufa faka'tau ne latou, kae e seai eiloa se tino e makona i ei.
27“Kafai ko oti atu a fakasalaga kona, kae tumau eiloa te se faka'logo o koutou,
28ko tena uiga ko au ka kaitaua kae toe fakasala koutou e fakafitu taimi te mafa i lo te taimi mua.
29Ka se fakatau eiloa te fiakai o koutou tela ko kai fua ei ne koutou otou tamaliki tonu eiloa.
30Ka ofa ne au otou koga tapuaki i luga i mauga foniki, mo otou fata-fai-taulaga e ofo sale ei ne koutou mea manogi, ka ko otou foitino mate ka pei ne au ki luga i otou tupua kola ko siga valevale. I toku kaitaua,
31tela ka ofa ei ne au otou fa'kai, fakama'sei otou koga tapuaki, kae se talia ne au otou taulaga.
32Ka fakamasei valevale ne au te otou fenua, tela la, ka ofo otou fili kona ne puke ne latou te otou fenua i te lasi o te fakamaseiga.
33Ka aumai ne au a fili o koutou ke taua mo koutou, kae fakasalalau koutou ki fenua fakaatea. A te otou fenua ka lavaki, ka ko otou fa'kai ka maofa valevale.
34-35Tena, ka fiafia ei te laukele i tausaga e 'galo ei koutou, me ka malolo faka'lei, me e seki ai eiloa se malologa kai tuku atu ne koutou ki ei; i te taimi e nofo fakapagota ei koutou i te fenua o otou fili, ka ko te otou laukele ka malolo faka'lei me ko seai ne tino e nofo i ei.
36“Ka fakamatakutaku ne au a tino o koutou kola ne ave fakapagota ke ma'taku malosi, ko te mea ke ma'taku fua i te gase'sese o lau lakau e agina i te matagi. Ka tele koutou e pela eiloa me ne tino e afuli ne olotou fili, kae ka siga tauanoa eiloa koutou kae seai ne fili e pili atu ki a koutou.
37Ka fakatau siga koutou kae e seai se tino e afuli ne ia koutou, kae ka se mafai eiloa ne koutou o taua atu ki se fili o koutou.
38A koutou ka mate i te fenua e fakapagota ei koutou, me ka tanumia koutou i te laukele o otou fili.
39A tino o koutou kola e toe i te fenua o otou fili ka gasolosolo eiloa o galo atu ona ko otou agasala mo agasala a otou tupuga.
40“Ka ko tino e tupu mai i a koutou ka kalaga mai ke fakamagalo olotou agasala mo agasala a olotou tupuga, kola ne teke mai ki a au,
41kae fai ne latou au ke kaitaua, tela ne fai ei ne au ke ave fakapagota latou ki te fenua o olotou fili. Kafai eiloa ko oti ne togi ne otou fanau a olotou sala e tusa mo te lotou teke maiga ki a au,
42Kene 28.13,14; Kene 26.3,4; Kene 17.7,8 Ko toe masaua ake ei ne au taku feagaiga ne fai mo Iakopo, Isaako mo Apelaamo, ko toe fakafou ei taku feagaiga ki oku tino e uiga ki te fenua tela ka tuku atu ne au mo latou.
43E tau muamua eiloa o ave keatea a tino mai te fenua ko te mea ke malolo te laukele, kae ke togi katoatoa foki ne latou a olotou sala e tusa mo te tekega ne latou aku tulafono mo fakatonuga.
44Kae ui eiloa i te feitu tena, ka se ta fakapalele eiloa ne au a latou i te taimi koi nofo ei latou i fenua o olotou fili. Kafai e fai pena, ko te mea ka motu lele taku feagaiga mo latou, au ko te Aliki te olotou Atua.
45Ka toe fakafou ne au taku feagaiga ne fai mo olotou tupuga i te taimi ne fakaasi ei toku mana malosi ki malo katoa, i te aumaiga ne au toku fenua keatea mai Aikupito, ko te mea ke fai au mo Atua o latou.”
46A mea katoa konei ko tulafono mo fakatonuga kola ne tuku mai ne te Aliki ki a Mose i luga i te Mauga o Sinai mo tino Isalaelu.
Who We AreWhat We EelieveWhat We Do
2025 by iamachristian.org,Inc All rights reserved.
