1Fakalogo mai, koutou tino
Isalaelu kola ne tupu mai i a Iuta:
A koutou e tauto ki te igoa o te Aliki
Kae fai mai koutou i a koutou e tapuaki
Ki te Atua o Isalaelu,
Kae tela la, e faipati fua otou gutu kae se fai ne
Koutou a mea kola e faipati ne koutou.
2E fakamatamata koutou o fai pela i a koutou ne tino o te fa'kai tapu,
Kae fakalagolago ki te Atua o Isalaelu,
Tela e igoa ko te Aliki Malosi.
3Muna a te Aliki ki Isalaelu,
“I aso mua, ne valo ne au te mea ka tupu;
Tena la, ne fai eiloa ne au ke taunu.
4E iloa ne au i a koutou ka loto makeke,
E makeke pela me ne fiti kae fakalogoga'ta pela me ne fiti palasi.
5Tela la, ne valo ne au i aso mua a te mea ka oko ki a koutou.
E folafola ne au a mea ka 'tupu,
Kae koi tuai o taunu,
Ko te mea ke mo a e fai ake koutou pela me ko otou tupua mo
Fakatusa ne fai ne latou a mea kona ke taunu.
6“A mea katoa kola ne valo ne au i aso mua ko taunu nei;
E tau o fai mai koutou pela me e tonu aku valoaga.
Nei, ka fakaasi atu ne au ne mea fou konei
Ka 'tupu mai mua nei,
Ne mea e seki fakaasi atu eiloa ne au muamua.
7Ko te taimi fua nei ka fai ei ne au ke 'tupu;
E seki ai eiloa ne mea penei kai 'tupu taumua,
Moi fai pela ko oti ne 'tupu a mea pena taumua,
E penei e fai mai foki koutou me ko
Leva ne iloa ne koutou a mea kona ka tupu.
8Ko leva ne iloa ne au i a koutou e se tau o fakatalitonugina,
Me ko iloa foki i a koutou ne tino teke.
Tena te mea e seki logotala eiloa koutou i mea konei,
Tena te pogai e seki lagona ei ne otou taliga se tala e uiga ki mea kona.
9“Ka taofi ne au toku kaitaua ke mo a e oko atu o 'ta fakamasei koutou,
Ko te mea ke tavae ne tino a toku igoa.
10Ko oti ne tofotofo ne au koutou i te afi o puapuaga,
e pela mo te siliva tela e faka'ma i te afi.
Kae ne maua aka nei ne au i a koutou e se aoga.
11A te mea e fai ne au, e fai mo toku lei —
Au se manako ke takuvalea toku igoa,
io me talia se tino ke vae maua i te
'Malu katoatoa tela e oku tokotasi.”
Ko Kulesa, te Takitaki Filifilia a te Aliki12 Isa 44.6; Faka 1.17; 22.13 Muna a te Aliki,
“Fakalogo mai ki a au, koutou Isalaelu,
Te fenua ne kalagagina ne au!
Au ko te Atua, te kamataga mo te fakaotiga,
Ko te Atua e tokotasi!
13Ne faite ne oku lima a te fakavae o te lalolagi
Kae 'fola a lagi ke mafola.
Kafai e kalaga atu au ki te lalolagi mo te lagi,
Se mea vave eiloa o o'mai ki oku mua.
14“Maopoopo mai kae fakalogo mai, koutou katoa!
E seai se atua e mafai o valo ne ia
Me i te tagata tela ne filifili ne au
Ka taua atu ki Papelonia;
E fai ne ia a te mea e manako au ke fai ne ia.
15Ko au ne faipati ki ei kae kalaga ne au;
Ne 'taki ne au a ia kae tuku atu ki a ia a te manumalo.
16“Vau nei ke pili mai koe ki a au,
Kae fakalogo mai ki aku muna.
Mai i te kamataga, au ne faipati sale eiloa ke lagona ne koutou,
Kae ne fai faeloa ne au aku muna ne fai ke taunu.”
(Nei, a te Aliki Sili ne tuku mai ne ia ki a au a tena mana kae uga mai ne ia a au.)
Ko te Fuafuaga a te Aliki mo tena Fenua17A te Atua tapu o Isalaelu,
Te Aliki tela ne fakasao ne ia koutou ko fai mai penei,
“Au ko te Aliki te otou Atua,
Tela e manako o akoako koutou ke lei koutou
Kae fakatonutonu foki koutou i te auala
E tau o olo koutou i ei.
18“Moi ne fakalogo mai eiloa koutou ki aku fakatonuga,
E penei a fakamanuiaga mo koutou e tafe eiloa
Pela me se vaitafe tela e se mafai o masa pakupaku!
E penei e maua ne koutou te manumalo pela
Mo galu kola e fati ki luga i te tafatai.
19E penei, e fakatokouke ne au a te otou gafa ke pela mo one,
Kae onoono foki au ke mo a e ta fakamaseigina.”
20 Faka 18.4 Olo atu keatea mai i Papelonia, olo mo te saoloto!
Paka'laga o fakaasi atu te tala fiafia;
Fakailoa atu ki koga katoa penei:
“A te Aliki ne fakasao ne ia a tena tavini ko Isalaelu!”
21I te takiga ne te Aliki a tena fenua i loto
i te toafa vela kae laukele malo,
E seki puapuaga eiloa latou i te fiainu.
Ne fai ne ia te vai ke sali mai i te kaupapa mo olotou inu;
Ne fakamavae ne ia te kaupapa,
Ko te vai eiloa ko sali mai ki tua.
22 Isa 57.21 Muna a te Aliki, “A tino agasala e se sao.”
Who We AreWhat We EelieveWhat We Do
2025 by iamachristian.org,Inc All rights reserved.
