1I te taimi ko pili ei Tavita o mate, ne kalaga atu a ia ki tena tama ko Solomona kae fai atu mo ana toe pati ki ei penei:
2“Ko oko mai nei te taimi ko tau ei au o mate. A koe ke loto malosi kae finafinau,
3kae fai a mea e fakatonu atu ne te Aliki tou Atua ki a koe. Tausi ki ana tulafono mo fakatonuga katoa kola e tusi i te Tulafono a Mose, ko te mea ke manuia faeloa koe i so se mea e fai ne koe io me i so se koga e fano koe ki ei.
4Kafai e fakalogo koe ki te Aliki, kae ka tausi eiloa ne ia tena tautoga ki a au, me ka tumau faeloa a tino i toku gafa o fai mo tupu o Isalaelu, manafai e tumau eiloa te faka'logo o latou ki ana fakatonuga mo olotou loto mo agaga katoa.
5 kae nei, ko lavelavea au i te mea ne fai ne ia, ko puapuaga ko pokotiaga.
6E iloa ne koe te mea e tau o fai; taumafai ke mate a ia i se mate fita.
7 2Samu 17.27-29 “Kae masaua o alofa ki tama tagata a Pasilai mai Kileata, kae tausi atu foki ki a latou, me ne alofa mai ki a au, i te taimi ne sola ei au mai tou taina ko Apisaloma.
8 2Samu 16.5-13; 19.16-23 “A Simei foki tena, te tama a Kela, mai te fa'kai o Paulima i Peniamina. Ne muna tuku ne ia a au i te aso ne fano ei au ki Manaima, kae i te fetauiga a maua i te Vaitafe o Iolitana ne tauto au ki a ia i te igoa o te Aliki me e se tamate a ia ne au.
9Kae masaua ke fakasala eiloa ne koe. E iloa ne koe te mea e tau o fai; masaua ke tamate eiloa.”
Ko te Mate o Tavita10A Tavita ne mate kae ne tanu eiloa i te Fa'kai o Tavita.
112Samu 5.4,5; 1NTupu 3.4 E tusa mo te fasefulu tausaga ne fai ei a ia mo tupu o Isalaelu, e fitu tausaga i Hepelona kae tolusefulu tolu i Ielusalema
121NTupu 29.23 Ne sui ne Solomona tena tamana ko Tavita, tena ne fakamautakitaki ei tena tulaga fakatupu.
Ko te Mate o Atonia13Ne fanatu a Atonia, te tama a Tavita i a Hakita, ki a Patisepa te matua o Solomona, kae fai atu mo Patisepa penei, “A koe e vau 'lei me ikai?”
Ne tali atu Atonia, “E 'lei faeloa toku vau nei.”
14Ne toe fai atu Atonia, “E isi se mea e fia fesili atu ei au ki a koe.”
Ne sili atu a Patisepa, “Se a?”
15Ne tali atu Atonia, “E iloa eiloa ne koe me ko au ne tau o fai mo tupu; a tino Isalaelu katoa foki ne fakamoemoe katoa pena. Kae nei, toku taina ko fai mo tupu me ko te loto tena o te Aliki.
16Nei la, e isi saku fakamolemole e tasi ki a koe, kae fakamolemole ke talia eiloa ne koe.”
17 1Tupu 1.3,4 Ne fesili atu Patisepa, “Se a tau fakamolemole?”
Ne tali atu Atonia, “Fakamolemole, fai atu ki a Solomona ke tuku mai a Apiseka, te tamafine mai Sunema, ke avaga maua. E iloa ne au me e talia faeloa ne ia a te mea e fai atu ne koe.”
18Ne tali atu Patisepa, “Ko 'lei. Ka faipati au ki te tupu mo koe.”
19Tena ne fanatu ei a Patisepa ki te tupu o fai atu ki ei te manako o Atonia. Ne tu aka te tupu o fakatalofa atu ki tena matua kae punou atu foki ki ei. Ne nofo ifo a ia ki tena nofogaaliki, kae fai a ia ke toe aumai se isi nofogaaliki ke nofo ei tena matua i tena feitu fakaatamai.
20Muna a Patisepa, “E isi se mea e fia fakamolemole atu ei au ki a koe, kae fakamolemole ke talia mai eiloa ne koe.”
Ne 'sili atu a Solomona, “Toku matua, se a te mea tena? E se mafai o se talia ne au.”
21Ne tali atu Patisepa, “A Apiseka ke tuku atu ke fai mo avaga a tou taina ko Atonia.”
22Ne fesili atu te tupu, “Ai a e fakamolemole mai ei koe ke tuku atu a Apiseka ki a Atonia? Kaati e 'lei foki ma fakamolemole mai koe ke tuku atu toku tulaga fakatupu ki a ia. A ia foki la ko toku taina matua, ka ko Apiata te faitaulaga mo Ioapo e kau i a ia!”
23Tena ne tauto ei a Solomona i te igoa o te Aliki penei, “A te Atua ke tamate ne ia a au manafai e se fakasala ne au a Atonia ki te mate e tusa mo tena manakoga tenei ne fakaoko mai ki a au!
24A te Aliki ko oti ne fakamautakitaki ne ia a au i luga i te nofogaaliki o toku tamana ko Tavita; ko oti ne tausi a ia ki tena feagaiga o tuku mai te malo ki a au mo toku gafa. Au e tauto i te igoa o te Aliki i a Atonia e tamate eiloa i te aso nei!”
25Tena, ne fai te fakatonuga a te Tupu ko Solomona, tela ne fano ei a Penaia o tamate a Atonia.
Ko te Fakasala o Apiata mo te Tamatega o Ioapo26 2Samu 15.24; 1Samu 22.20-23 Tena ne fai atu ei te Tupu ko Solomona ki a Apiata te faitaulaga penei, “Foki nei ki tou fenua i Anatota. A koe ne tau o tamate, kae ko fakasao nei koe ne au, me i a koe ne tausi ne koe te Pusa o te Feagaiga i te taimi koi ola ei a Tavita, kae ne puapuaga fakatasi foki koe mo ia i ana fakalavelave.”
271Samu 2.27-36 Tena, ne fakateka ei ne Solomona a Apiata i tena tofi ko te faitaulaga a te Aliki, tena ne fakataunu ei ne ia a muna a te Aliki i Sailo e uiga ki a Eli mo tena gafa.
28A Ioapo ne logo i te mea tena. A ia ne kau i a Atonia kae se ko Apisaloma. Tena ne tele atu a ia ki loto i te Faleie o te Aliki o puke mau ki nifo o te fata-fai-taulaga.
29I te logoga o te Tupu ko Solomona i a Ioapo ne sola ki te Faleie o te Aliki o nofo i tafa o te fata-fai-taulaga, ne uga ei ne Solomona se avefekau ki a Ioapo o 'sili ki ei me ai a ne tele ei a ia ki te fata-fai-taulaga. Ne tali atu a Ioapo i a ia ne tele ki te Aliki i a ia e mataku i a Solomona. Tena ne uga atu ei ne te Tupu ko Solomona a Penaia ke fanatu o tamate a Ioapo.
30Ne fanatu Penaia ki te Faleie o te Aliki kae fai atu ki a Ioapo penei, “A te tupu ne fakatonu mai ke vau koe ki tua.”
Ne tali atu a Ioapo, “Ikai, au e mate eiloa i konei.”
Ne foki atu Penaia ki te tupu o fai atu ki ei a muna a Ioapo.
31Ne tali atu Solomona, “Fai te mea e manako ki ei a Ioapo. Tamate atu a ia ko tanu ei. Tena la, ko se toe lavelavea ei au io me ko se isi tino o te gafa o Tavita i mea a Ioapo ne fai, i te tamatega sale ne ia o tino e seai ne agasala ne fai.
32Ka fakasala ei a Ioapo ne te Aliki e tusa mo te tamatega ne ia o tino, kae e se iloa ne Tavita. E tokolua tino seai ne agasala kola e 'lei atu i a ia ne tamate ne ia: ko Apinelu te takitaki o te kautau a Isalaelu, mo Amasa te takitaki o te kautau a Iuta.
33A te sala o te tamatega o te tokolua kona e paku eiloa ki luga i a Ioapo mo tena gafa ki te se gata mai. Ka ko te Aliki ka aumai faeloa ne ia te manuia ki a Tavita mo tena gafa kola e nofo i luga i tena nofogaaliki.”
34Tena, ne fanatu Penaia ki te Faleie o te Aliki, tamate ei ne ia a Ioapo, kae ne ave o tanu i tena fa'kai i tua o te fa'kai.
35Ne fakasopo ne te tupu a Penaia ke fai mo takitaki o te kautau o sui a Ioapo, ka ko Satoka ke sui ne ia a Apiata i te tofi faitaulaga.
Ko te Mate o Simei36Ne uga te fekau a te tupu ki a Simei kae fai atu ki ei penei, “Faite se fale mo koe i konei i Ielusalema Nofo eiloa i ei, kae sa fano keatea mai te fa'kai.
37Kafai e tiaki ne koe te fa'kai kae to atu koe ki tua mo te alia o Kitilona, ko koe eiloa ka tamate, ka ko te 'se e i luga eiloa i a koe.”
38Ne tali atu Simei, “Ko 'lei, tou malu. Ka fai eiloa ne au te mea tena e manako koe ki ei.” Tena ne nofo eiloa a ia i Ielusalema i se taimi leva.
39E tolu tausaga mai tua ifo, kae 'tele keatea a tavini e tokolua a Simei o tele ki te tupu o Kata ko Akisa, te tama a Maaka. I te logoga o Simei me kola e nofo i Kata,
40tena ne sopo ei a ia ki tena asini o fano ki te Tupu ko Akisa i Kata o sala ana tavini. Ne maua ne ia, puke mai ei ne ia ki tena fale.
41I te logoga o Solomona i te mea ne fai ne Simei,
42tena ne uga ei tena fekau ki ei kae fai atu penei, “Au ne fai atu ki a koe ke tauto i te igoa o te Aliki ke tapu eiloa e tiaki ne koe a Ielusalema. Au ne fai faka'lei atu eiloa, me kafai eiloa e fano keatea koe mai Ielusalema a koe e tamate eiloa. A koe ne loto ki te mea tena, kae fai mai koe i a koe e fakalogo mai ki a au.
43Ai a la ko ofa ei ne koe tau tautoga, kae ko se fakalogo mai ki taku fakatonuga?
44E iloa faka'lei eiloa ne koe a mea 'se ne fai ne koe ki toku tamana ko Tavita. A te Aliki ka fakasala ne ia koe e tusa mo au mea 'se ne fai.
45Kae ka fakamanuia ne ia a au, kae ka fakamautakitaki ne ia te malo o Tavita ki te se gata mai.”
46Ne fai te fakatonuga a te tupu ki a Penaia ke fano o tamate a Simei, tena ne fai eiloa pena ne Penaia. A Solomona, i te vaitaimi tenei, ko pule katoatoa eiloa i luga i te fenua.
Who We AreWhat We EelieveWhat We Do
2025 by iamachristian.org,Inc All rights reserved.
