IOELU 3 - Tuvalu Revised Bible

Ka Fakamasino ne te Atua a Malo

1Muna a te Aliki,

“I te taimi tena, ka toe fakafoki ne au te manuia ki Iuta mo Ielusalema.

2Ka 'luku fakatasi ne au a malo katoa kae aumai latou ki te Vanu o Fakamasinoga.

Ka fakamasino ne au a latou i kona,

E tusa mo mea a latou ne fai ki oku tino.

Ne fakasalalau ne latou a tino Isalaelu ki fenua fakaatea,

Kae vaevae aka foki ne latou a toku fenua ko Isalaelu.

3Ne fai te vili a latou me ko oi e puke ne ia a pagota.

Ne fakatau atu ne latou a tamaliki tagata mo tamaliki fafine ke fai mo pologa,

Ka maua ne tupe e togi ei ne latou fafine tali tagata mo uaina.

4

Koutou fenua 'pili mai,

O maopoopo i te vanu. ’ ”

Te Aliki, tuku ifo tau kautau o ta latou.

12“A malo e tau o fakatoka

O o'mai ki te Vanu o Fakamasinoga.

I kona, ka sagasaga ei au, ko te Aliki, o fakamasino a malo katoa kola e pili mai.

13 Faka 14.14-16; Faka 14.19,20; 19.15 A latou ko oko eiloa i te ma'sei;

Katigia ki lalo e pela me ne saito i te taimi o taukai;

Tuki atu latou e pela me ne vine e tuki i se koga tuki uaina

Ke oko ki te taimi e 'sali ei te uaina ki tua.”

14E afe mo afe kola i te Vanu o Fakamasinoga.

Tena te koga ko pili o oko mai ki ei a te Aso o te Aliki.

15A te la mo te masina ka pouli,

Ka ko fetu ka se toe maina.

Ka Fakamanuia ne te Atua tena Fenua

16 Amo 1.2 A te Aliki ko pakalaga mai i te Mauga o Siona;

A tena leo e pa mai i Ielusalema;

Te lagi mo te lalolagi ke pole'pole.

E puipui eiloa ne ia tena fenua.

17“Ka iloa ei ne koe, e Isalaelu, i a au ko te Aliki tou Atua.

Au e nofo i luga i Siona, toku mauga tapu.

A Ielusalema ka fai mo fa'kai tapu;

E se toe mafai o fakatakavale ne fenua fakaatea.

18I te taimi tena, a mauga ka fonu i togavine,

Ka ko mauga katoa ka fonu i pulumakau;

Ka uke te vai i vaitafe katoa o Iuta.

A te vaitafe ka tafe mai i te Faletapu o te Aliki,

Kae ka fakasusu ne ia a te Vanu o Akasia.

19“A Aikupito ka fai pela me se toafa,

Ka ko Etoma ka masei valevale,

Me ne taua atu ki te fenua o Iuta,

Ta ne latou a tino amio 'lei i ei.

20-21Ka taui ne au te 'mate o latou kola ne tamate,

Ka se fakasao ne au a tino agasala.

Kae ko Iuta mo Ielusalema ka nofogia faeloa ki te se gata mai,

ka ko au, te Aliki, ka nofo i luga i te Mauga o Siona.”