ISAIA 7 - Tuvalu Revised Bible

Ko te Fekau ki te Tupu ko Aasa

1 kae fano o fakafetaui atu ki te Tupu ko Aasa. Ka maua atu ne koe a ia i te auala tela e galue i ei a tino fai laugatu, i te mata fakaoti o te lua tela e sali mai ei te vai mai i te vai tafa ki luga.

4Fai ki te tupu ke toka tena loto, ke sa mataku kae se poi foki. A te kaitaua o te Tupu ko Lesina mo tena kau Sulia, pela foki te Tupu ko Peka, e pela fua mo te au mai i lakau e lua kola ne ka kae ko pili nei o se ka.

5A Sulia, pela foki Isalaelu mo tena tupu, e isi se togafiti ko oti ne fai ne latou.

6E mafaufau latou o taua mai ki Iuta, kae fakamatakutaku a tino ke kau atu i a latou, ko te mea ke fakasopo ne latou a te tama tagata a Tapale ke fai mo tupu.

7“Ka ko au, te Aliki, e fakaasi atu ne au me e se mafai o taunu te mea tena.

8Ai a? Me i a Sulia e se malosi atu i tena laumua ko Tamaseko, pena foki Tamaseko e se malosi atu i te Tupu ko Lesina. Ka ko Isalaelu, e toe onosefulu lima tausaga mai mua nei kae ka se aoga, ko se toe tau o taku me se malo.

9A Isalaelu e se malosi atu i tena laumua ko Samalia, e pena foki Samalia e se malosi atu i tena Tupu ko Peka.

“Kafai e se tumau tou fakatuanaki, a koe foki e se tumau.”

Ko te Fakailoga o Emanuelu

10Ne toe aumai ne te Aliki te sua fekau ki a Aasa penei:

11“Fai atu ki te Aliki tou Atua ke tuku atu ki a koe se fakailoga. E mafai se fakailoga mai i lalo i te lalolagi o tino mate, io me mai luga i te lagi.”

12Ne tali atu a Aasa, “Au se manako o akai atu ki se fakailoga. Au se manako o tofotofo te Aliki.”

13Ne tali atu Isaia ki te faipatiga tena a te tupu, ana muna, “Te tagata mai i te gafa o te Tupu ko Tavita, fakalogo mai nei. Se mea masei ke faka'fiu ne koe au o fakatalitali atu ke na fai mai sau tali lei; ko tena uiga e faka'fiu foki ne koe te Atua i tou fui tali fakalei ki te tali e manako a ia ki ei.

14 tela ka faitama kae ka fanau mai se tamaliki tagata kae ka fakaigoa a ia ko ‘Emanuelu’.

15I te taimi tela ko matua ei a ia, kae ko iloa foki ne ia te mea e tau o fai, ka ko tino ko inu ki susu kae kai ki hani.

16Koi tuai o oko mai te taimi tena, ka ko fenua o te ava tupu kola ne fakamatakutaku ne laua koutou ka lavaki.

17“A te Aliki ka aumai ne ia ki a koutou, mo tino o te otou fenua, pela foki ki te kaigā tupu katoa, a aso o fakalavelave kola ka silia atu i te masei i lo fakalavelave kola ne tupu talu mai te taimi ne mavae ei te malo o Isalaelu mai i Iuta — ko te tupu o Asulia tenei ka aumai ne ia.

18“Kafai e oko mai te taimi tena, kae ka fio te Aliki o fakailoa ki te kau Aikupito ke o'mai pela me ne muimuiga lago mai i magā vai mao eiloa o te Vaitafe ko te Naila, pela foki ki te kau Asulia ke o'mai mai i te lotou fenua pela me ne muimuigā lagomeli.

19Ka fakapotopoto latou i vanu, pela foki i ana i kaupapa, kae ka fonu a vao makaikai mo laukele moukua i a latou.

20“Kafai e oko mai te taimi tena, ka togi mai ne te Aliki se tino kamu laulu mai i te Eufilate, ko te tupu o Asulia te tino kamu laulu — kae ka vele ne ia otou talafa mo otou laulu, pela foki a fulu i otou foitino.

21“Kafai e oko mai te taimi tena, kae isi se tagata toki lakau ne mafai ne ia o fakasao sena tamā pulumakau mo se ava kouti,

22ka uke eiloa ana susu e maua i ana manu kona, kae lava lei foki eiloa a ia i ei. Ao, a tino kola e toe mai i te fenua ka uke olotou susu mo hani mo olotou kai.

23“Kafai e oko mai te taimi tena, a togavine gali eiloa, kola e taki afe lakau ko vine i ei, kae tusa mo te afe siliva te togi o te togavine e tasi, ka fonu i vao makaikai mo lakau talatala.

24A tino ka olo mo olotou kausana mo matasana ki togavine kona o sana a manu. Ao, a te fenua katoa ka fonu i vao makaikai mo lakau talatala.

25A mauga foliki kola ne ola sale i ei a lakau kaina ka fonu i vao makaikai, tena la, ko seai ei ne tino e olo ki koga kona. Ka fai a koga kona mo koga e kaikai ei a pulumakau mo mamoe.”