SALAMO 129 - Tuvalu Revised Bible

Ko te 'Talo o 'Teke atu ki Fili o Isalaelu

1Isalaelu, fakaasi mai ki a matou tau fakasauaga ne ou fili i aso koi foliki ei koe!

2“I aso koi foliki ei au,

Ne fakasaua masei au ne oku fili,

Kae ne seki takavale eiloa au.

3Ne katikati fakamasei ne latou toku tua,

Ko pela ei me se laukele ne fakamalū.

4Ka ko te Aliki, ko ia ake eiloa e amiotonu,

Tela ne fakasaoloto ne ia au mai toku nofo pologa.”

5A latou katoa kola e se fia'fia ki Siona,

Ke fakatakavale kae afuli ki tua.

6Ke fai latou pela me ne mouku kola e ola i luga i tuafale,

Kola e pakupaku fua ka koi tuai o ola ake;

7E seai se tino e fakaputu ne ia,

io me fia ave ne ia i saitaga.

8E seai se tino e fakasili aka i olotou tafa ke fai ake pela,

“A te Aliki ke fakamanuia atu ki a koutou!

E fakamanuia atu matou ki a koutou i te igoa o te Aliki.”