1Kalofa eiloa i a koutou kola e nofo i te olaga solo 'lei i Siona, mo koutou foki kola e nofo i te olaga saogalemu i Samalia, pela foki mo koutou tino ma'luga o te malo sili ko Isalaelu, kola e olo atu ki ei a tino e fia maua se fesoasoani!
2Olo o kilo'kilo ki te fa'kai ko Kalene. Ka oti ko olo atu ei foki koutou ki te fa'kai lasi ko Hamato, kae mumea ifo foki ki te fa'kai o tino Filisitia ko Kata. E a, e tai sili atu a fa'kai kona i te malo o Iuta mo te malo o Isalaelu? E a, e sili atu te lasi o te laukele o latou i te laukele o koutou?
3E se talia ne koutou o fai ake pela i te aso o te malaia ko pili mai, ka ko faifaiga a koutou se lei, tena ko gasolo eiloa o pili mai ei te aso tena.
4Kalofa eiloa i a koutou kola e moe i otou moega gali mo te logotonu, kae kai fiafia ki tama pulumakau mo tama mamoe!
5E fia'fia koutou o fatu a pese e pela mo te mea ne fai ne Tavita, kae tā ki kitala.
6E inu koutou ki ipu lasi ko fonu i uaina, kae fakasausau ki sausau ma'nogi, kae se fanoa'noa eiloa koutou i te malaia o Isalaelu.
7Tela la, ko koutou ka mua o olo i te tafeaga. Ka fakagata a fakaala mo 'kaiga fia'fia a koutou.
8Ko oti ne oko mai te fakailoaga 'malu a te Aliki te Atua Malosi penei: “E takalialia au ki te fakamata'mata o tino Isalaelu; e takalialia foki au i olotou fale gali. Ka tuku atu ne au te olotou laumua mo mea katoa i ei ki te fili.”
9Kafai e 'toe a tagata e tinogafulu i se kāiga, e mate katoa a latou.
10A te kāiga o tagata kola ne mate, tela e pule ne ia te fakatokaga o te tanūga o tino kona, ka ave ne ia keatea te foitino mate mai te fale. Ka kalaga atu a ia penei manafai e isi se tino koi 'toe i loto i te fale: “E isi se tagata koi 'nofo mo koutou i kona?”
Kae tali mai te leo, “Seai!”
Ko fai atu ei a ia, “Sa uā la! E 'tau mo taua o fakaeteete ke mo a eiloa e taku te igoa o te Aliki.”
11I te taimi e oko mai ei te fakatonuga a te Aliki, a fale 'lasi mo tama fale foki ka māofa valevale.
12E a, e mafai ne solofanua o tele i luga o kaupapa? E a, e mafai ne tino o fakamalu te tai ki pulumakau e pela me se fatoaga? Ka ko koutou ko oti ne 'fuli ne koutou te amiotonu ki te masei, mo te mea tonu ki te mea 'se.
13E fakamata'mata koutou i te pukega fakapagota ne koutou te fa'kai ko Lotepa. Ne fai'pati fakamata'mata koutou penei: “Ne lava lei eiloa te motou malosi o puke malō te fa'kai ko Kanaima.”
14Muna a te Aliki te Atua Malosi, “Tino o Isalaelu, ka uga mai ne au se kautau mai fenua fakaatea o puke malo te otou fenua. Ka fakasauagina koutou mai Hamato i matu ke oko ki te Vanu o Alapa i saute.”
Who We AreWhat We EelieveWhat We Do
2025 by iamachristian.org,Inc All rights reserved.
