2 SAMUELU Fakatomuaga - Tuvalu Revised Bible

FakatomuagaA te Tusi e Lua a Samuelu, se 'sokoga ki te Tusi Muamua o Samuelu. E fakamatala mai i ei te tala tukufakasolo o te nofoaiga a Tavita, e muamua i Iuta ki saute (mataupu 1-4), kae fakamuli i luga i Isalaelu katoa, e aofia foki ei Isalaelu ki matū (mataupu 5-24). E fakamatala mai i loto i te tusi tenei a tauāga a Tavita mo ana fili i loto eiloa i tena malo, pela foki mo nisi malo aka fakaatea, i tena taumafaiga o fakalauefa tena malo kae fakamautakitaki foki tena tulaga. A Tavita se tagata e lasi tena fakatuanaki ki te Atua, kae se tino e fakaaloalogina ne tino o tena fenua. Kae i nisi taimi, e matea atu foki a ia se tagata amio se 'lei, kae fai ne ia a mea se 'lei, ke fakataunu ei te mea e manako ki ei tena loto. Kae kafai ko fakailoa atu ne te faitaulaga a te Aliki ko Natano ana agasala, e taumafai eiloa a ia o talo ke fakamagalo a ia, kae talia foki eiloa ne ia te fakasalaga tela e aumai ne te Atua ki a ia.A te olaga o Tavita, mo ana mea ne fai, ne fia'fia ma'losi eiloa ki ei a tino Isalaelu i aso fakamuli, i taimi e maua ei latou ne puapuaga. I te taimi ne toe ma'nako ei latou ki se tupu, ne ma'nako eiloa latou ki “se tama tagata a Tavita,” tela e pau mo ia.Ko Fakasologa o MataupuKo te Nofoaiga a Tavita i Iuta 1.1—4.12Ko te Nofoaiga a Tavita i luga i Isalaelu katoa 5.1—24.25a. Ko tausaga muamua o tena nofoaiga 5.1—10.19e. Ko Tavita mo Patisepa 11.1—12.25i. Ko puapuaga mo fakalavelave 12.26—20.26o. Ko tausaga fakamuli ifo 21.1—24.25