ISAIA 40 - Tuvalu Revised Bible

Ko Muna Fakafiafia

1Muna a te tou Atua, “Fakamafanafana atu a loto o toku fenua.

Fakamafanafana atu latou!

2Fakamalosi atu a loto o tino Ielusalema.

Fai ki ei me ko leva eiloa te puapuagaga o latou,

Kae nei ko fakamagalogina olotou agasala.

Ko oti ne fakasala ne au latou ona ko olotou agasala katoa.”

3

Faipati atu kae sa mataku.

Fai atu ki fa'kai o Iuta

I te lotou Atua ko vau!

10

11 Eseki 34.15; Ioa 10.11 Ka tausi ne ia tena lafu e pela me se tausi mamoe;

Ka fakamaopoopo mai ne ia a tamā mamoe kae tauave i ona lima;

Ka takitaki ne ia a matua o mamoe mo te filemu.

Ko te Atua o Isalaelu tela e seai sena Fakatusa

12E a, e mafai ne se tino o fua te moana ki ona alofilima

Io me fua te lagi ki ona lima?

E mafai ne se tino o asu te one o te lalolagi ki se ipu

Io me fua a mauga ki se fua mea mafa?

13 Loma 11.34; 1Koli 2.16 E a, e mata e isi se tino e mafai

O fai ki te Aliki a te mea e tau o fai?

Ko oi te tino e mafai o akoako ne ia te Atua,

Io me fai ne ona manatu fakatonutonu ki a ia?

14Ko oi te tino e filifili fakatasi mo te Atua, ko te

Mea ke iloa kae malamalama te Atua i mea valevale,

Kae ke iloa foki ne ia o fai a mea kola e tau o fai?

15A malo e pela fua me ne mea seai i mua o te Aliki,

E pela eiloa me se motiga o te vai;

A fenua mao e pela fua mo te pefu i te māmā.

16A manu vae fa katoa i te vao o Lepanona

E se lava mo fai te taulaga ki te tou Atua,

Ka ko lakau i ei e se uke, tela la,

E se mafai o 'ka se afi i kona.

17A malo ne mea eiloa e seai ki a ia.

18 Galu 17.29 Ko oi e mafai o fakapau ki ei te Atua?

E pefea ona foliga?

19A ia e se pau mo tupua kola e faite ne tagata,

Kola e ufi ki aulo ne tagata galue i fiti,

Kae faka'tu i luga i tulaga siliva.

20 Iele 8—40 A te tagata tela e se mafai o maua ne

ia ne siliva io me ne aulo

E fakaaoga ne ia a lakau kola e se mafai o pala.

E sala mai ne ia se tufuga poto,

Ke faite ne ia te fakatusa tela e se mafai

O siga ki lalo.

21E a, e se iloa ne koutou?

E seki fakailoa atu ki a koutou i aso ko teka?

E seki logo koutou me ne mafua pefea a te lalolagi?

22Ne faite ne te tagata tela e sagasaga i luga i tena nofogaaliki,

I luga o te lalolagi kae mai luga atu o te lagi;

A tino i lalo e pela eiloa me ne lo i te

Foliki i tena kilo mai i te koga tena.

E fola ne ia a te lagi pela me se pui laugatu,

Pela me se faleie tela e 'nofo ei a tino.

23E puke mai ne ia a takitaki malosi eiloa

Kae fakaseaoga ne ia.

24E pela me ne lakau fatoa toki,

Kola e seki 'mau lei olotou aka.

Kafai e fakaagi mai ne te Aliki

A te matagi, ko te mea eiloa ko mage

Kae agina keatea e pela me ne kausaito.

25Ko oi e mafai o fakatusa ki ei a te Atua tapu?

E a, e isi se tino e pela mo ia?

26Kilo ake ki te lagi!

Ko oi ne faite ne ia a fetu kona e lavea ne koe?

A ia tela e takitaki ne ia latou pela me se kautau,

E iloa ne ia te aofaki o latou, kae e isi katoa

Ne igoa o fetu takitasi ne fakaigoa ne ia!

A tena mana e se fakatau eiloa i te malosi —

E se mafai eiloa o galo se fetu i fetu kona!

27Isalaelu, ai a e muimui ei koe o fai pela i

Te Aliki e se iloa ne ia ou fakalavelave,

Kae se saga atu foki manafai e maua koe ne se puapuaga?

28E a, e se iloa ne koe? E seki lagona ne koe?

A te Aliki ko te Atua ki te se gata mai;

Ne faite ne ia a te lalolagi katoa.

E se mafai o vaivai io me fi'ta.

E seai se tino e malamalama i ona mafaufauga.

29E fakamalosi ne ia a latou kola ko vaivai

Kae fi'ta.

30Ke oko foki eiloa ki a latou kola koi talavou ko vaivai;

A tamataene ko siga sale fua i te fi'ta.

31Ka ko latou kola e fakatuaga ki te Aliki mō se fesoasoani

Ka fakafougina te lotou malosi.

Ka eva latou i olotou kapakau e pela me ne aeto;

Ka tele latou kae se mafai o fi'ta;

Ka sasale latou kae se mafai o vaivai.