SALAMO 87 - Tuvalu Revised Bible

Ko Tavaega o Ielusalema

1Ne fakatu ne te Aliki tena fa'kai i luga i te mauga tapu;

2E sili atu tena fiafia ki te fa'kai o Ielusalema i lo so se koga i Isalaelu.

3Te fa'kai o te Atua, fakalogo mai ki mea fakaofoofogia

Kola e faipati ne ia e uiga ki a koe:

4“Kafai e fakasolo ne au a fenua kola e fakalogo mai ki a au,

E aofia i ei a Aikupito mo Papelonia;

Kae fai atu au i a Filisitia, Tulo mo Aitiope,

E o Ielusalema foki latou.”

5Ka ko ana muna e uiga ki a Siona,

E aofia a fenua katoa i ei;

Ka ko ia tela e o ia te malosi katoatoa ne fakamalosi ne ia.

6A te Aliki ka tusi ne ia a igoa o tino,

Kae ka taku latou katoa mo tino tonu o Ielusalema

7Ka 'saka kae usu pese latou penei,

“A Siona ko te fakavae o fakamanuiaga katoa o tatou.”