1I te logoga a Pasula, te tama tagata a Imela, kae ko te ofisa pule o te Faletapu, i mea kola ne folafola ne au,
2ne fai tena fakatonuga ke ave au o kini kae 'sai ki filifili i tafa o te mataloa o Peniamina i te feitu ki luga, i te Faletapu.
3I te taeaoakega, i te tafataeao, i te talaga ne Pasula a au mai i taku saiga ki filifili, ne fai atu ei au ki a ia penei, “A koe seki fakaigoa ne te Aliki ki a Pasula. A te igoa ne tuku atu ne ia ki a koe ko ‘Fakamataku i koga katoa’.
4A te Aliki ne fai mai penei, ‘Ka fai ne au a koe mo mea fakamataku ki a koe eiloa, pela foki ki ou taugasoa, kae ka kilo ou mata i te taimi e tamate ei latou ne olotou fili ki pelu. Ka tuku atu ne au a tino Iuta katoa ke i lalo o te pulega a te tupu o Papelonia; ka ave fakapagota ne ia a nisi tino ki tena fenua, kae tamate a nisi tino.
5Ka fai foki ne au olotou fili ke 'fao malo ne latou a te maumea o te fa'kai tenei, kae puke a mea katoa i ei, e aofia foki i ei a koloa a tupu o Iuta, kae ave a mea katoa ki Papelonia.
6Ka ko koe, e Pasula, koe mo tou kaiga katoa ka ave fakapagota foki ki Papelonia. I kona ka mate koe kae tanu foki i kona, fakatasi mo ou taugasoa katoa kola ne fakaloiloi sāle ne koe.”’
Ielemia ko Fakaasi Tena se malie ki te Aliki7Te Aliki, ne fakatogafiti ne koe au,
kae ne tosina eiloa au i tau togafiti.
A koe e malosi atu i a au,
kae ne fakatakavale foki ne koe au.
A tino katoa e fakalili mai ki a au;
e fakalili ne latou au i te aso kātoa.
8I so se taimi e faipati ei au,
Au e tagi kae kalaga sāle eiloa ki luga penei,
“Fakasaua! Ofa fakamasei!”
Te Aliki, a tino e o'mai faeloa o fakaitaita
Au kae fakalili mai au i taimi katoa
me e folafola ne au tau fekau.
9Kae kafai e faipati au penei,
“Ka fakapuli ne au a te Aliki kae se toe faipati i tena igoa,”
tena la, ko tau fekau ka 'ka pēlā me se afi i loto i a au.
E taumafai au o taofi i loto,
kae e se mafai eiloa o taofi ne au.
10E lagona ne au a tino katoa e musumusu penei,
“A te fakamataku ko i koga katoa!
O'mai ke moli ne tatou a ia ki tino pule!”
Ke oko foki eiloa ki taugasoa pili o oku e
fakatalitali katoa ki te taimi e takavale ei au.
E fai olotou muna penei, “E se taumate e mafai o fakatogafiti ne tatou,
ko te mea ke 'poa ne tatou ke taui atu ei tena mea ne fai ki a tatou.”
11Ka ko koe, e te Aliki, e kau i a au,
koe e mafi kae malosi,
tela la, a latou kola e o'mai o fakasaua
a au ka se taunu te lotou mea e fai.
Ka fakamasiasigina latou ki te se gata mai,
me e se mafai o taunu te lotou fakamoemoega.
Ka se mafai eiloa o puli te lotou masiasi.
12Te Aliki Malosi, e tofotofo ne koe a tino mo te fakamaoni;
e iloa ne koe a mea i olotou loto mo olotou mafaufau.
Tela la, ke taui aka eiloa ki oku fili e tusa mo mea a latou ne fai mai ki a au,
me ko tuku atu ne au ke fakatoka ne koe a te mea e taumafai au ki ei.
13Usu pese ki te Aliki!
Viki atu ki te Aliki!
E fakasao ne ia a tino puapuaga mai i te malosi o tino amio masei.
14 Iopu 3.1-19 Muna 'tuku atu te aso ne fanau ei au!
Fakapuli atu te aso ne fanau mai ei au ne toku matua!
15Muna 'tuku atu te tagata tela ne fai ne ia toku tamana ke fiafia
i te vauga mo tena tala penei,
“Se tamaliki tagata! A tau tama se tagata!”
16Ke pela a ia mo fa'kai kola ne ofa ne te Aliki mo te se alofa.
Ke lagona aka ne ia a te tagi o tino puapuaga i te taeao
ka ko te leo o te pu o te taua i te tutonu,
17me ne seki tamate ne ia a au koi tuai au o fanau.
E penei, a te moegatama o toku matua ko toku tanuga tena.
18Ai a ne fanau mai ei au?
Ko te mea fua ke puapuaga kae fanoanoa au,
ke iku toku ola i te masiasi?
Who We AreWhat We EelieveWhat We Do
2025 by iamachristian.org,Inc All rights reserved.
