1Ka koi fai'pati atu eiloa Petelu mo Ioane ki tino, ne oko mai ki a laua a faitaulaga, te pule o te kau leoleo o te Fale Tapu, mo naai Satukaio.
2Ko oko eiloa i te ita ki te tokolua apositolo konei, i te akoako atu ne laua ki tino i a Iesu ko toetu mai te mate, ko te fakamaoniga tena i tino 'mate ka toe ola mai.
3Ne puke fakapagota ne latou a laua o pei ki te fale puipui ke oko ki te taeao, i te mea ko leva te po.
4Ne talitonu a te tokoukega o latou kola ne fakalogo'logo ki te la talaiga; kae kāti ko tai katoa te lima afe o latou.
5I te taeaoakega, ne potopoto i Ielusalema a takitaki o Iutaia, toeaina mo faiakoga o te Tulafono.
6Ne fai te lotou fono mo Anasa te Faitaulaga Pule, Kaiafa, Ioane mo Alesana, mo nisi tino ake foki o te kaiga o te Faitaulaga Pule.
7Ne fakatu ne latou apositolo i olotou mua, kae fesili atu, “E oi te 'mana me ko te igoa ne fai ei ne koulua a te mea tenei?”
8A Petelu ko fonu i te Agaga Tapu, tela tali atu ei ki a latou, “Takitaki mo toeaina o Iutaia,
9kafai e fesiligina maua i te aso nei e uiga ki te galuega alofa ne fai ki te 'pili, me ne malosi pefea,
10tela la, se mea e 'tau ke iloa tonu ne koutou, pela foki mo tino Isalaelu, me i te tagata tenei e tu atu i otou mua, ne 'lei mai i tona masaki e alatu i te igoa o Iesu Keliso te Nasaleta, tela ne fakasataulo ne koutou, kae ne fakatu ake ne te Atua mai te mate.
11Sala 118.22Ko ia tenei ko te fatu ne tiakina ne koutou e tufuga fai fale, kae nei ko fai mo fatu tafa sili i te taua i te tulimanu.
12E se maua te fakaolataga i so se tino, me e seai ake foki se igoa i lalo o te lagi ne tuku mai ki tino ke maua i ei ne tatou a te ola.”
13Ko ofo a tino o te Fono i te mateaga ne latou a te 'toa o Petelu mo Ioane, i te mea ne tino e seki a'koga; tela iloa ake ei ne latou me ne soko laua o Iesu.
14Ko seai se lotou pati e mafai o fai atu ki a laua, i te tagata 'pili tela ko 'lei, e tu eiloa i tafa o Petelu mo Ioane.
15Fai atu ei te lotou fakatonuga ki a latou konei ke olo keatea mai te Fono Maluga, fai'pati ei latou.
16Olotou muna, “Se a te tou mea ka fai ki te tokolua konei? Ko iloa katoa ne tino i Ielusalema a te vavega ne fai ne laua, kae e se mafai ne tatou o fakafiti a te mea nei.
17Tela la, ko te fakagataga o te fakasalalau atu o te tala tenei, ke fakamatakutaku ne tatou a laua, kae fakatonu atu foki ke se toe fai'pati laua ki te igoa o Iesu.”
18Ne toe ami laua ne latou ke olo atu ki loto i te Fono Maluga, fakatonu atu ei ne latou ke tapu eiloa e toe fai'pati io me akoako atu a te igoa o Iesu.
19Ne tali atu a Petelu mo Ioane ki a latou: “Fai mai ake me tefea te mea e tonu i mua o te Atua: ko te fakalogo ki a koutou io me ko te fakalogo ki te Atua?
20Me se mafai o fakagata ne maua te ma fai'pati ki mea ne matea kae lagona ne maua.”
21Ne toe faka'mafa malosi ne te Fono Maluga a te tulafono mō laua, tuku atu ei laua ke olo. E seai eiloa se pogai ne maua ne latou e 'tau o fakasala i ei a laua, me i tino katoa ko 'viki fua ki te Atua mō te mea ne tupu.
22A te tagata tela ne fai ki ei te vavega ke 'lei mai tona masaki, ko silia i te fuafa tausaga o tona olaga.
Ko 'Talo a Tino Talitonu ke Maua te Loto Toa23I te tukuatuga o laua ne te Fono ke olo ki tua, olo eiloa ki o la taugasoa, kae taku atu a mea katoa ne fai atu ei a faitaulaga sili mo toeaina ki a laua.
24Eso 20.11; Nee 9.6; Sala 146.6I te lagonaga ne latou, ne 'talo fakatasi katoa latou ki te Atua, olotou muna, “Te Aliki, ne fai ne koe te lalolagi mo mea katoa i ei!
25Sala 2.1,2Ne faipati foki koe e alatu i tou Agaga Tapu ki te motou tupuna ko Tavita tau tavini penei:
‘Ai a e ita ei a tino o fenua fakaatea?
Ai a foki e mafaufau ei a fenua ki mea e se aoga?
26Ko fakatoka a tupu o te lalolagi,
Ko fono fakatasi a pule
O 'teke ki te Aliki mo tena Keliso.’
27Se mea tonu eiloa i a Helota mo Ponitio Pilato ne maopoopo fakatasi i te fa'kai tenei mo tino o fenua fakaatea, pela foki mo tino Isalaelu, o 'teke ki a Iesu te otou Tavini Tapu tela ne fai ne koutou mo fai te otou Keliso.
28Ne maopoopo latou o fakataunu a te mea tela ko leva ne fuafuagina ne otou lima mo otou loto ke fai.
29Tela la e te Aliki, sa saga ki te lotou pulepulega masei, kae fesoasoani mai ki a matou, ko au tavini, ko te mea ke faipati ne matou tau muna mo te loto toa.
30'Fola atu otou lima o faka'lei masaki, kae tuku mai te 'mana ke fai ei a mea fakaofoofogina mo vavega i te igoa o tau Tavini Tapu ko Iesu.”
31I te otiga ne 'talo, kae galulu mo te koga e maopoopo ei latou. Ko 'fonu katoa latou i te Agaga Tapu, kamata eiloa o faipati atu ne latou a te muna a te Atua mo te loto toa.
Ko Tuku Fakatasi Olotou Koloa32 Galu 2.44,45 Ko fusi fakatasi katoa a tino talitonu konei i te loto mo te mafaufau e tasi. Ko seai se tino e muna mai pela i ana mea totino e a ia eiloa, ka ko fakatau fakaaoga fakatasi katoa olotou koloa.
33Ka ko apositolo ne takutonu atu ne latou a te toetu o te Aliki ko Iesu mo te mana lasi, ka ko maua katoa foki ne latou a te alofa tauanoa o te Atua.
34Ko seai eiloa se tino o latou e mativa, me i tino kola o latou e isi ne olotou fale mo manafa, ko 'togi atu olotou mea totino konei, ko tupe ne maua mai i ei,
35ne tuku atu ne latou ki apositolo; tela, tufatufa ei ne apositolo ki a latou takitokotasi, e tusa eiloa mo te manako o te tino.
36E isi se tagata e igoa ki a Iosefa, tela e fakaigoa foki ne apositolo ki a Panapa, ko tona uiga, “Ko te Tama Fakanuimanava.” Se tino ne tupu mai i te matakaiga o sa Levi, kae ne fanau i Kupelu.
37Ne 'togi atu ne ia a tona manafa, aumai ei ne ia a te tupe ki apositolo.
Who We AreWhat We EelieveWhat We Do
2025 by iamachristian.org,Inc All rights reserved.
