ESEKIELU 15 - Tuvalu Revised Bible

Ko te Tala Fakatusa ki te Vine

1A te Aliki ne faipati mai ki a au,

2ana muna, “Te tagata ola, se a tau fakatau i te vine ma fakapau ki se lakau? Se a te lei o te kaula o te vine manafai e fakapau ki lakau o te vao?

3E mafai o fakaaoga ne koe o faite ki ei se mea? E a, e mafai o faite ne koe se fao lakau ki ei ke fakatautau ki ei ne mea?

4E aoga fua o fakaka ki ei te afi. Kae kafai ko ka a ona mata takitasi, ke oko atu ki te kogaloto, e mafai la o faite ne koe se mea ki ei?

5E seai eiloa sena aoga, pena foki i te taimi koi tuai foki eiloa o ka i te afi, kae nei ko ka ne te afi, ko atili se aoga atu eiloa.”

6Konei a muna a te Aliki Sili, “E pela eiloa mo te vine tela e aumai mai i te vao o sunu, ka pena foki a tino Ielusalema me ka puke mai ne au,

7o fakasala. Ko oti ne sao latou i te afi muamua, kae nei ka 'ka latou i te afi. Kafai ko fakasala ne au latou, kae ka iloa ei ne koutou i a au ko te Aliki.

8Ne seki fakamaoni mai latou ki a au, tela la, ka fai ne au a te fenua ke pela me se toga vao.” Ko te Aliki Sili tena ne faipati atu.