SALAMO 31 - Tuvalu Revised Bible

Te Talo Talitonu ki te Atua

1Te Aliki, au e fanatu ki a koe mō se puipuiga;

Sa fakatakavalegina a au.

Koe ko te Atua amiotonu;

Au e talo atu ke fakaola mai au!

2Fakalogo mai ki toku leo!

Fakaola mai au nei!

Ke fai koe mo oku lafiga e puipui ei au;

Mo oku olo foki e sao ei au.

3A koe ko toku lafiga mo toku olo;

Fakatonutonu kae takitaki mai au e pela mo tau tautoga.

4Tausi ke sao au mai te malei ko oti ne fakatoka mo au;

Fakamalu mai au mai mea faigata.

5

Oku ivi foki ko vai'vai eiloa.

11A oku fili katoa, kae sili atu oku tuakoi,

E takalia'lia mai ki a au;

A tino kola e iloa ne latou au ko ma'taku i a au;

Kafai e matea ne latou au i te auala, kae 'tele keatea.

12A au ko se masaua ne tino katoa,

E pela me se tino ko oti ne mate;

Au ko pela me se mea ko oti ne 'pei keatea.

13E lagona ne au te musumusuga a oku fili e tokouke;

Tela ko 'fonu ei au i te mataku.

E fai ne latou a fuafuaga e teke mai ki a au,

Mo pulepulega ma'sei ke tamate au.

14Ka ko toku fakatuanaki e i a koe e te Aliki,

A koe ko toku Atua.

15Au e tausi faeloa ne koe;

Fakasao mai au mai oku fili,

Mai i a latou foki kola e fakasaua mai ki a au.

16Kilo mai mo te alofa ki tau tavini;

Fakaola mai au i tou alofa tumau.

17Te Aliki, e kalaga atu au ki a koe;

Sa fakamasiasigina au.

Fakamasiasi ake a tino amio masei;

Ke olo latou mo te filemu ki te lalolagi o tino 'mate.

18Liko atu a tino 'loi kona —

Tino fakamatamata katoa mo tino fakamaualuga,

Kola e fai'pati mo te takalialia ki tino amiotonu.

19Ko oko eiloa te fakaofoofogia o mea 'lei e tausi ne koe mo tino kola e fakaaloalo ki a koe!

E iloa foki ne tino katoa i a koe e agalei,

Me e puipui faka'lei ne koe a tino kola e talitonu ki a koe.

20E faka'muni ne koe latou i ou lima, e malu 'lei ei latou,

Mai pulepulega ma'sei a tino ma'sei;

Ne faka'muni ne koe latou i se koga malu 'lei mai muna fakaitaita a olotou fili.

21Viki atu ki te Aliki!

Me ko oko eiloa te fakaofoofogia te fakaasiga o tena alofa ki a au,

i te taimi ne nikoi ei au ne oku fili o ta!

22Au ne mataku kae mafaufau pela me ko oti ne afuli ne ia au keatea mai ona mua.

Kae ne lagona ne ia taku tagi,

i te taimi ne kalaga ei au ki a ia mō se fesoasoani.

23Alofa atu ki te Aliki, koutou ona tino fakamaoni katoa.

E puipui ne te Aliki a tino fakamaoni,

Kae fakasala ne ia tino fakamaualuga.

24Ke malosi kae loto lasi, koutou katoa kola e fakamoemoe ki te Aliki.