SALAMO 40 - Tuvalu Revised Bible

Te Pese Tavae

1Au ne fakatali mo te loto kufaki ki te fesoasoani mai o te Aliki;

Ne fakalogologo mai a ia ki a au, lagona ei ne ia taku tagi.

2Ne avake ne ia au mai lalo i te lua fakamataku,

Ne avake foki ne ia a au mai te lua pelapela.

Ne fakatu faka'lei ne ia au i luga i te kaupapa,

Ko sao 'lei ei au.

3Ne akoako ne ia a au ke usu ne au te pese fou,

Se pese tavae ki te tou Atua.

E tokouke ka lavea ne latou te mea nei kae ka ma'taku,

Ka fakatuanaki ei latou ki te Aliki.

4Amutia latou kola e fakatuanaki ki te Aliki,

Kola e se fuli atu o ifo ki tupua,

io me fakatasi atu foki ki tino kola e tapuaki ki atua loi.

5Te Aliki te motou Atua, ko oti ne fai ne koe mea e uke mō matou;

E seai se tino e pau mō koe!

Ko oti ne fai ne koe a fuafuaga gali mo matou.

E se mafai ne au o fakalaulau atu katoa me ko to uke!

6

8Toku Atua, e fiafia au o fai tou loto!

E tausi ne au, au akoakoga i toku loto.”

9Te Aliki, i te maopoopoga o ou tino,

Ne taku atu ei ne au te tala 'lei e uiga ki te fakasaoga ne koe matou.

E iloa ne koe me ka fakamatala faeloa ne au i taimi katoa.

10Ne seki funa ne au te tala o te fakaolataga i a au eiloa;

Au e masani faeloa o faipati ki tou fakamaoni mo tou fesoasoani.

I te fakatasiga o ou tino katoa ne faipati eiloa au e uiga

Ki tou fakamaoni mo tou alofa tumau.

11Te Aliki, e iloa ne au me ka se mafai eiloa o gata tou alofa ki a au.

A tou alofa mo tou fakamaoni e tausi mai faeloa ke sao 'lei au.

Ko te Talo mō se Fesoasoani(Sala 70)

12Ko nikoi au ne fakalavelave e uke,

E se mafai o lau!

Ko maua au ne aku agasala, ko se mafai ei au o matea se mea;

Ko uke atu i oku laulu,

Ko galo atu foki toku loto toa.

13Te Aliki, fakaola mai au! Fesoasoani mai nei ki a au!

14Ke fakatakavale kae fakanumi a mafaufau o latou kola e taumafai o tamate a au.

A latou kola e fiafia i te uke o oku puapuaga,

Ke fakagata kae fakamasiasi.

15A latou foki kola e fakatauemu ki a au,

Ke masiasi i te lotou takavale.

16Ke fia'fia kae 'lifu a latou katoa kola e olo atu ki a koe.

A latou katoa kola e fakafetai ki tau fakaolataga,

Ka fai'pati faeloa penei, “Ko oko eiloa i te maluga o te Aliki!”

17Te Aliki, au ko vaivai kae mativa,

Kae seki fakapuli eiloa a au ne koe.

A koe ko toku fakaola mo toku Atua,

Fakavave mai o fesoasoani mai ki a au!