1I te otiga o fakafiafiaga, ne olo atu ei a tino Isalaelu katoa ki fa'kai katoa i Iuta, ofa ki lalo ne latou a pou fatu, mo fakatusa kola ne fakatapu ki te atua fafine ko Asaila, kae fakamasei a fata-fai-taulaga mo koga tapuaki fapaupau. E pena foki te mea ne fai ne latou ki nisi fa'kai katoa o Iuta, pela foki i kogā fenua o Peniamina, Efalaima mo Manase; oti aka, foki atu ei latou ki olotou fa'kai.
2Ne toe fakatoka faka'lei ne Hesekia a te fakapotopotoga a faitaulaga mo te kau sa Levi, kae fakasoa faka'lei ki tiute e tau o fai ne latou takitokotasi. E aofia i tiute konei, ko te ofoga o taulaga sunu mo taulaga fakafetai, te faiga o tapuakiga i te Faletapu, mo te faiga o vikiga mo fakafetai i koga kesekese o te Faletapu.
3 mai olotou mea.
6A tino katoa kola e nofo i fa'kai o Iuta, ne aumai olotou tasi vae sefulu o pulumakau mo mamoe, ne aumai foki ne latou a meaalofa e uke, kola ne fakatapu ne latou ki te Aliki te olotou Atua.
7Ne kamata o oko mai a meaalofa i te tolu o masina, kae ne gasolosolo ake eiloa o fuatū i te uke, i te sua fa masina.
8I te laveaga ne te Tupu ko Hesekia mo ana tino maluga a te uke o mea kona ne aumai ne tino, tena ne vikia ei ne latou te Aliki, kae tavae ne latou a tino o tena fenua.
9Ne faipati atu te tupu ki faitaulaga mo te kau sa Levi e uiga ki meaalofa kona,
10kae ne fai atu te Faitaulaga Sili ko Asalia, se tino i te gafa o Satoka, ki te tupu penei, “Mai i te taimi ne kamata ei o aumai ne tino a meaalofa ki te Faletapu, ne lava eiloa tino i meakai, kae toe valevale foki. Ne maua ne latou a mea katoa kona, me ne fakamanuia ne te Aliki a tino o tena fenua.”
11Mai i te fakatonuga a te tupu, tena ne fakatoka ei ne latou a potu teu koloa i te Faletapu
12kae tuku ki ei a meaalofa katoa, mo tasi vae sefulu, ke tausi faka'lei. Ne tuku atu ne latou a Konania, te tagata sa Levi, ke pule i te tausiga o mea kona, ka ko tena taina ko Simei, ne fili ke tokolua ki a ia.
13E tinogafulu sa Levi ne fili ke galue mai i lalo o laua kona: Ko Ieielu, Asasia, Nahata, Asaelu, Ielimota, Iosapata, Elielu, Isamakia, Mahata, mo Penaia. A mea katoa kona ne fai mo te taliaga mai i te Tupu ko Hesekia, mo Asalia te Faitaulaga Sili.
14A Kole, te tama tagata a Imina, se sa Levi, tela ko te pule o te kau tausi o te Mataloa ki te Saegala o te Faletapu, e pule i te pukega o meaalofa kola e ofo atu ki te Aliki, pela foki mo te tufatufaga o meaalofa kona.
15I nisi fa'kai kola e nofo ei a faitaulaga, e isi ne sa Levi kola e fesoasoani fakamaoni ki a ia i te faiga o te galuega tena: ko Etena, Miniamina, Iesua, Semaia, Amalia, mo Sekania. Ne tufatufa fakapau ne latou a meakai ki olotou taina sa Levi, e pela eiloa mo te tiute e tau o fai ne latou.
16E se tufatufa ne latou i kaukaiga. Ne tufa ne latou a vaega ki tagata katoa kola ko tolusefulu tausaga te matua o fano ki luga, kola e isi ne olotou tiute i aso takitasi i te Faletapu, e pela eiloa mo te tulaga e nofo ei latou.
17A tiute o faitaulaga e fakasoa i kaukaiga, ka ko te kau sa Levi kola ko luasefulu tausaga te matua o fano ki luga, e fakasoa olotou galuega i potukau galue.
18E fakamau olotou igoa fakatasi mo olotou avaga, tamaliki, mo nisi tino kola e nofo i a latou, me e tau latou o toka o fai olotou tiute malu i so se taimi.
19Mai i faitaulaga kola e nofo i fa'kai ne tuku ki te gafa o Alona, io me i laukele moukua o fa'kai kona, e isi ne tagata fakamoemoegina kola e tufa ne latou te meakai ki tagata katoa i kaiga o faitaulaga, pela foki ki tino katoa kola e tusi olotou igoa i fakasologa o kaukaiga o te kau sa Levi.
20A te Tupu ko Hesekia ne fai eiloa ne ia a te meatonu mo te mea e fiafia ki ei te Aliki tena Atua.
21Ne manuia a ia, me i mea katoa e fai ne ia mō te Faletapu, io me mō te tausiga o te Tulafono, e fai eiloa ne ia i te agaga o te fakamaoni katoatoa, mo te tautua fakamaoni ki tena Atua.
Who We AreWhat We EelieveWhat We Do
2025 by iamachristian.org,Inc All rights reserved.
