1E tusa mo te 127 tausaga o Sala kae mate.
2Ne mate i Hepelona, i te fenua o Kanana. Ne tagi fanoanoa Apelaamo i te mate o tena avaga.
3Ne tiaki ne Apelaamo te koga tela e takato ei te foitino o tena avaga, kae fanatu ki tino Heti o fai atu ki a latou penei,
4Epe 11.9,13; Galu 7.16“Au se tino fakaalofa kae nofo i te fenua o koutou tenei; tuku mai se kogā laukele ke togi ne au ke tanu ei taku avaga.”
5Ne tali mai latou penei,
6“Tou malu, fakalogo mai ki a matou. Matou e fakaava atu ki a koe i a koe se takitaki malosi; fano o tanu tau avaga i tanuga tafasili i te lei a matou. E talia fua ne so se tino i a matou o tuku atu se koga ke tanu ei tau avaga.”
7Tena ne ifo atu ei a Apelaamo ki a latou,
8kae fai atu penei, “Kafai e talia ne koutou ke tanu taku avaga i te fenua tenei, ko fakamolemole atu la au ke fai aka koutou ki a Efelona, te tama tagata a Soala,
9ke tuku mai ke togi ne au te ana o Makapelu, tela e pili ki te tuakoi o tena manafa. Fakamolemole atu ki a ia ke tuku mai ke togi ne au ki tena togi katoa eiloa, i konei i otou mua ko te mea ke puke eiloa ma aku mo fai te koga e tanu ei tino mate.”
10A Efelona e sagasaga eiloa i kona mo nisi tino Heti, i te koga maopoopo i tafa o te mataloa o te fa'kai. Ne tali atu a ia i mua o tino katoa i kona penei,
11“Tou malu, fakalogo mai. Ka tuku atu ne au ki a koe a te manafa katoa tenei mo te ana tena i ei. I mua o oku tino konei e fakalogologo, ka tuku atu ne au ki a koe, ke tanu i ei tau avaga.”
12Ne punou ifo Apelaamo i mua o tino Heti kona,
13kae kalaga atu ki a Efelona, ko te mea ke lagona ne tino katoa i kona, muna a ia, “Fakamolemole, fakalogo mai. Ka togi ne au te manafa katoa tena. Talia mai ke togi tupe atu eiloa ne au, kae ke tanu taku avaga i ei.”
14Ne tali atu a Efelona penei,
15“Tou malu, te togi o te koga tena e fa selau fua siliva, se aofaki foniki fua. Tanu tau avaga i ei.”
16Ne loto Apelaamo ki te togi tena, fua ei ne ia te aofaki tela ne taku mai ne Efelona i mua o te vaitino, e tusa mo te fa selau siliva e pela eiloa mo te fua e fai sale ne tino fakatau i aso kona.
17E pena te mauaga ne Apelaamo te manafa tena o Efelona i Makapelu, i te feitu ki te saegala o Mamele. E aofia i te manafa tena a te kogā laukele katoa tena, te ana i ei, mo lakau katoa i ei ke oko eiloa ki kautafa o te koga tena.
18Ko iloa ei ne tino Heti katoa kola ne nofo i te maopoopoga tena me i te manafa tena ko fai mo tofi o Apelaamo.
19Tela, ne tanu ei ne Apelaamo a tena avaga ko Sala i te ana tena, i te fenua o Kanana.
20Tela la, te manafa tela e o tino Heti, mo te ana i ei, ko fai nei mo koga o Apelaamo e fai mo koga tanu tino mate.
Who We AreWhat We EelieveWhat We Do
2025 by iamachristian.org,Inc All rights reserved.
