EPELU 11 - Tuvalu Revised Bible

Ko te Fakatuanaki

1A te fakatuanaki, ko te talitonu ki mea e fakamoemoe tatou ki ei, ko te talitonu fakamaoni foki ki mea e se matea ki mata.

2Ko te fakatuanaki foki ko ala ei o taku'leia ne te Atua a tino taumua.

3 ne talitonu i te Atua e tausi ki tena feagaiga.

12Kene 15.5; 22.17; 32.12Kae tonu la me ko pili ki ei te mate, kae ne tupu mai i te tino e tokotasi tenei, a fanau e tokouke e pela mo fetu o te lagi, pela foki eiloa mo te one i te tafatai ko se lausia.

13 Kene 23.4; 1NTupu 29.15; Sala 39.12 Ne 'mate foki a tino konei i te fakatuanaki. Ne seki maua ne latou a mea ne folafolagina ne te Atua, ka ko leva ne iloa 'mao ne latou, talia foki ne latou, kae takutonu mai foki ne latou me i a latou ne fakaalofa mo tino se 'nofo mau i te lalolagi.

14Ko tino e fai'pati pena, e fakaasi mai i a latou e salasala eiloa ki te lotou fenua tonu.

15Ko se toe mafaufau latou ki te fenua ko oti ne tiaki ne latou; kafai koi mafaufau ki ei, ko tona uiga e maua se lotou avanoa o toe 'foki ki ei.

16Kae nei, ko fakamoemoe latou ki se fenua e sili atu, ko te fenua faka te lagi. Tela la, e se ma foki a te Atua manafai e taku a ia ne latou ko te lotou Atua, i te mea ko oti ne fakatoka ne ia a te fa'kai mō latou.

17 Kene 22.1-14 Ko te fakatuanaki foki ne ala ei o ofo atu ne Apelaamo a tena tama ko Isaako mō fai tena taulaga ki te Atua, i te taimi ne tofotofo ei a ia ne te Atua. A Apelaamo, ko ia tena ne fai ki ei a te folafolaga a te Atua, ka ko toka foki a ia o tuku atu tena tama ke fai mō fai tena taulaga.

18Kene 21.12Muna a te Atua ki a ia, “E 'tupu mai au fanau i a Isaako.”

19Ne manatu a Apelaamo me mafai ne te Atua o fakatu ake a Isaako mai te mate, kae tonu eiloa, ne toe maua eiloa ne Apelaamo a Isaako ko toetu ake mai te mate.

20 Kene 27.27-29,39,40 Ko te fakatuanaki foki ne ala ei a Isaako o folafola atu ne ia ki a Iakopo mo Esau a fakamanuiaga e maua ne laua i aso mai mua.

21 Kene 48.1-20; Kene 47.31 Ko te fakatuanaki foki ne ala ei o fakamanuia ne Iakopo a tama takitokotasi a Iosefa ka ko pili a ia o mate; fakapale ifo tona ulu i luga o tona tokotoko kae tapuaki atu ki te Atua.

22 Kene 50.24,25; Eso 13.19 Ko te fakatuanaki foki ne ala ei a Iosefa o faipati e uiga ki te olo keatea o fanauga a Isalaelu mai Aikupito ka ko pili a ia o mate, kae tuku atu foki a fakatonuga ki mea e 'tau o fai ki tona foitino ma mate a ia.

23 Eso 2.2; Eso 1.22 Ko te fakatuanaki foki ne ala ei a mātua o Mose o 'funa ne laua a ia i te tolu masina i tena fanaumaiga. Ne matea ake ne laua me se tamaliki taulekaleka, ne se ma'taku foki laua o ofa te fakatonuga a te tupu.

24 Eso 2.10-12 Ko te fakatuanaki foki ne ala ei a Mose o ita manafai e taku a ia ko te tama a te tama fafine a Falao i te taimi ne matua ei a ia.

25E fiafia atu manafai e puapuagatia fakatasi a ia mo tino o te Atua, i lo te fiafia o fai te agasala i ne mo taimi.

26Ne manatu a ia me sili eiloa i te aoga o te puapuagatia mō te Keliso i lo koloa o Aikupito; me fakamoemoe eiloa a ia ki te taui 'lei ka oko mai.

27Ko te fakatuanaki ne ala ei a Mose o fano keatea mai i Aikupito mo te se mataku ki te fakasaua o te tupu; e tumau foki tona talitonu me ko matea eiloa ne ia te Atua tela e se mafai o matea.

28 Eso 12.21-30 Ko te fakatuanaki foki ne ala ei o fakatu ne ia te Paseka, kae fakatonu atu foki ke nini ne toto i mataloa, ko te mea ke se tamate ne te Agelu o te Mate a toekimua tagata katoa o Isalaelu.

29 Eso 14.21-31 Ko te fakatuanaki foki ne mafai ei te fanauga a Isalaelu o sasale i loto i te Tai Kula, e pela eiloa me sasale i te laukele malō; kae i te taumafaiga foki a tino Aikupito o sasale i ei, ne folo katoa latou ne te tai.

30 Iosu 6.12-21 Ko te fakatuanaki foki ne mafai ei o maofa te 'pui o Ieliko, i te otiga ne foli ne te fanauga a Isalaelu a te 'pui i aso e fitu.

31Iosu 6.22-25; Iako 2.1-21Ko te fakatuanaki foki ne ala ei o se tamate a Lahapa te fafine tali tagata, fakatasi mo tino se fakalogo ki te Atua, i tena fesoasoaniga o talimalo a tino alamati.

32 Fama 6.11—8.32; Fama 4.6—5.31; Fama 13.2—16.31; Fama 11.1—12.7; 1Samu 16.1—1Tupu 2.11; 1Samu 1.1—25.1 Ne a foki nisi mea ka taku atu ne au? Ko se lava te taimi e tala fakamaea atu ei ne au a latou konei: Kitiona, Palako, Samasoni, Iefata, Tavita, Samuelu mo pelofeta.

33Tani 6.1-27Ne taua mo fenua katoa, kae ne manumalo latou ona ko te fakatuanaki. Ne fai eiloa ne latou te mea tonu, ne maua foki ne latou te mea ne folafolagina ne te Atua. Ne 'pono ne latou a gutu o leona;

34Tani 3.1-30ne tamate ne latou a afi 'ka ulaula fakamataku, ne 'sao mai mata o pelu. Ne vaivai kae ne ma'losi fakamuli ifo, ne tino takutakua i taua, kae ne fakatakavale ne latou a kautau a nisi fenua.

351Tupu 17.17-24; 2Tupu 4.25-37Mai te fakatuanaki, ko toe maua ei ne fafine olotou tino ne 'mate ka ko toe ola mai latou.

Nisi tino e 'teke ne latou a te saolotoga, 'mate ei latou i puapuaga, ko te mea ke toetu ake latou ki te olaga e sili atu i te 'lei.

361Tupu 22.26,27; 2NTupu 18.25,26; Iele 20.2; 37.15; 38.6Nisi ne fakatauemugina kae kini, nisi ne saisaigina kae pei ki loto i fale puipui.

372NTupu 24.21Ne peipeigina ki fatu, ne soa vaelua, kae tamate foki ki pelu. Ne olo sale kae pei ki pa'kili o mamoe io me ko kouti, ne ma'tiva ne faka-sauagina kae fai maseigina foki.

38E se aoga te lalolagi mō latou! E oloolo sale e pela mo ne tino ko 'sola o fakalafi i te vao, mauga, ana mo pu i te laukele.

39Ka ko tino katoa konei, ne taku'leia ona ko te lotou fakatuanaki! Kae ne seki maua ne latou te mea ne folafolagina ne te Atua,

40me ko oti ne fuafuagina ne te Atua se fuafuaga e sili atu mō tatou. A tona fakamoemoega ke fakakatoatoagina fakatasi latou mo tatou.