2 PETELU 2 - Tuvalu Revised Bible

Ko Faiakoga 'Loi

1Ne 'tupu mai a pelofeta 'loi i taimi ko teka mai tino, e pena foki a faiakoga 'loi, ka 'tupu mai i a koutou. E aumai ne latou akoakoga fakamasei olaga mo akoakoga se tonu, kae fakafiti ne latou te Pule tela ne fakaola ne ia latou, tena te mea e oko fakavave atu ei ki a latou a fakalavelave.

2Tela la, ka tokouke a tino e tau'tali i olotou auala fina lalolagi; kae mai luga i olotou faiga kona, ko faifai muna ei a tino e uiga ki te Ala tonu.

3Ona ko te lotou kaimanako, ko aoga ei a tala fatu a faiakoga 'loi konei ki a koutou. Ko leva nei ne toka te lotou Famasino, ka ko te tino e fakamalaia ne ia olotou olaga e ala faeloa.

4Me i te Atua e seki fakasao eiloa ne ia se agelu ne agasala, ne pei katoa latou ne ia ki seoli, ko te koga tela ne saisaigina ei latou i te pouliga, o faka-talitali ki te Aso o te Fakamasinoga.

5Kene 6.1—7.24Ne seki fakasao foki ne te Atua a te lalolagi taumua, kae ne aumai ne ia te lolo ki te lalolagi ki tino masei; ka ko tino kola ne fakaola ne ia ko Noa tela ne folafola atu ne ia te amiotonu, mo nisi tino ake ei e tokofitu.

6Kene 19.24Ne fakamalaia foki ne te Atua a Sotoma mo Komolo i te 'sunu ne ia ki te afi, kae fai mo fakaakoakoga ki tino masei, ki mea e 'tupu ki a latou.

7Kene 19.1-16Ne fakaola ne ia a Lota, se tagata 'lei, ka ko fakamaseigina a ia ne amioga fina lalolagi o tino ofa tulafono.

8Me i te tagata 'lei tena ne ola fakatasi mo latou, ne matea kae lagona ne ia i aso takitasi olotou faiga kona, tena te mea ko 'mae ei tona loto i olotou amioga se 'lei.

9Kae e iloa eiloa ne te Aliki o fakaola a tino amio atua mai i olotou tofotofoga, e iloa foki ne te Atua o tausi a tino kola ko maua ne te fakasalaga ke oko ki te Aso Fakamasino,

10kae maise eiloa ki tino kola e tau'tali ki manakoga faka te foitino, kae fakatauemu foki ki te pule a te Atua.

A faiakoga 'loi konei e 'toa kae fakamata'mata, kae e se ava foki ki tino 'malu i te lagi; kae fai muna se 'tau foki ki a latou.

11E oko ki agelu, kola e ma'losi atu kae maluga atu foki ki faiakoga 'loi konei, e se 'moli fakamasei ne latou a faiakoga 'loi konei i mua o te Aliki.

12Ka ko tino konei e amio pela mo manu, kola ne fanau mai ke maleigina kae tamate; e fai muna se 'tau ki mea kola e se malamalama latou i ei. E tamate latou e pela mo ne manu;

13e taui atu ki a latou a te puapuaga ne fakatupu ne latou. A te fiafia ki a latou ko te fai o so se mea e malie ei olotou loto i te ao malamalama; ne luma mo mea fakamasiasi manafai e 'kau atu latou ki otou faiga 'kaiga, kae ma'nako faeloa o fakafiafia olotou loto i olotou auala masei.

14E se manako ke 'kilo ki se isi mea ake, na ko fafine fina lalolagi fua; e se mafai o fakamaliegina te lotou fia 'kai ki te agasala. E takitaki ne latou a tino e vaivai ki loto i te malei. Ne akoakogina olotou loto ki te kaimanako. Ko i lalo latou i te fakasalaga a te Atua!

15Nume 22.4-35Ko olo keatea latou mai te auala tonu; ko tautali i te auala o Palaamo te tama a Posala, tela e fiafia ki tupe e maua ne ia i te fai o te mea masei,

16kae ne fakaseaogagina ona ko te ofa tulafono. Me i te asini se manu e se faipati, ka ko faipati i te leo o te tino ke fakagata ei ne ia te amio valea a te pelofeta.

17A tino konei e 'pau eiloa mo vaikeli ko 'masa pakupaku, e pela foki mo kaumana e agina valevale i te matagi; ko oti ne fakatoka ne te Atua se koga pouli tagataga mo latou.

18E fai ne latou a fakamatalaga fakamata'mata mo fakamatalaga valea, kae e fakaaoga ne latou a manakoga masei o te foitino, o malei ei a latou kola fatoa saoloto mai i tino kola e 'nofo i te olaga fai mea 'se.

19Ne folafola atu ne latou a te saolotoga, ka ko latou ne pologa foki a te amio fakamasei mea, me i te tino e pologa ki so se mea ko oti ne takavale a ia i ei.

20Me kafai ne 'sao mai a tino mai malosi 'mate o te lalolagi e alatu i te lotou iloa o te tou Aliki Fakaola ko Iesu Keliso, kae toe takavale foki latou i ei fakamuli, ka sili i te masei o te tulaga ka maua ne tino kona i te fakaotiga i lo te taimi muamua.

21Ne sili atu eiloa ke se iloa ne latou a te auala o te amiotonu, i lo i te iloa ne latou kae fakamuli ifo, kae toe 'fuli keatea mai fakatonuga tapu ne tuku atu ki a latou!

22Faata 26.11A te mea ne tupu ki a latou e fakaasi mai ei me tonu te faigamuna penei: “E toe foki a te kuli ki ona luaga,” mo “Te puaka foki tela ko oti ne fakakoukou, ko toe foki o takafilifili i te pela.”