FAATAOTO Fakatomuaga - Tuvalu Revised Bible

FakatomuagaTe tusi tenei o Faataoto e tusi ei a akoakoga faka te olaga mo akoakoga faka te lotu, kae tusi faka muagana. A te ukega o akoakoga konei ne mea masani lavea i aso takitasi. E kamata ki te muna fakamasaua penei, “Te ava ki te Aliki ko te kamataga o te poto.” Fakasoko atu ei ki mataupu tau te lotu, mo mea 'tau faka te mafaufau mo uiga lei. E uke a fakamunaga toetoe, kola e fakaasi mai i ei te 'loto o mafaufauga o faiakoga Isalaelu, e uiga ki mea e tau o fai ne te tagata poto i tulaga kesekese o te olaga. A nisi o muna konei e fakauiga ki te va feagai i loto i kaiga, ka ko nisi muna e fakauiga ki faiga o pisinisi. A nisi muna e fakasino ki va feagai o fakapotopotoga, ka ko nisi e fakasino ki te loto kufaki. E lasi foki te faipatiga e uiga ki uiga o tagata pela mo te loto malalo, kufaki, ava ki tino mativa mo te fakamaoni ki taugasoa.Ko Fakasologa o MataupuVikiga o te poto 1.1—9.18Muna faka‐te‐poto a Solomona 10.1—29.27Muna a Akulu 30.1-33Ko nisi faataoto 31.1-31