IOSUA 13 - Tuvalu Revised Bible

Ko Fenua koi Tau o Puke

1A Iosua i te taimi nei ko matua eiloa. Muna a te Aliki ki a ia penei, “A koe ko matua eiloa, kae e uke eiloa a laukele koi tau o puke ne koutou:

2ko fenua o Filisitia mo Kesula,

3e pela foki mo te fenua katoa o tino Avima i saute. Ko te fenua tela e vau mai te vaitafe foliki o Seola, i te tuakoi o Aikupito, ke oko ki te tuakoi o Ekelona i matu, e fai pela me e aofia i te fenua o Kanana; a tupu o Filisitia e nofo i Kasa, Asetota, Asekelona, Kata mo Ekelona.

4Ko te fenua katoa o Kanana, mo Meala tela e o tino Saitonu, ke oko ki Afeka, i te tuakoi o Amoli;

5ko te fenua o tino Kepali; ko te fenua o Lepanona ki te saegala mai Paalakato i te feitu ki saute o te Mauga o Helemoni, ke oko ki te Auala o Hamata.

6Nume 33.54 E aofia foki i kona a te fenua katoa o tino Saitonu, kola e nofo i te fenua mauga o Lepanona mo Miselefota Maima. Ka afuli keatea ne au a tino katoa konei i te taimi e olo ei ki mua a tino Isalaelu. E tau mo koe o vaevae te fenua i matakaiga o Isalaelu, pela mo taku fakatonuga ki a koe.

7'Vae nei te fenua tenei i matakaiga kola e toko iva, mo te afā o te matakaiga o Manase ke fai eiloa mo tofi o latou.”

Ko te Vaevaega o te Feitu ki te Saegala

8 Nume 32.33; Teu 3.12 A te matakaiga o Leupena mo kato, mo te afā o te matakaiga o Manase ko leva ne maua ne latou te fenua tela ne tuku atu ne Mose, te tavini a te Aliki, ki a latou, tela e tu i te feitu ki te saegala o te Vaitafe o Iolitana.

9A te fenua tena e fanatu mai Aloela, i kautafa o te Vanu o Alinona, mo te fa'kai i te kogaloto o te Vanu tena kae e aofia i ei a te laukele laugatasi mai Metepa ki Tipono.

10E oko atu eiloa ki te tuakoi o Amoni kae aofia ei a fa'kai katoa kola ne pule ne te tupu o Amoli ko Sekono, tela ne nofo i Hesepono.

11A Kileata e aofia foki i kona, pela foki a te laufenua o Kesula mo Maaka, te Mauga o Helemoni, mo Pasana katoa ke oko ki Saleka.

12E aofia foki i kona te malo o Oko, te toe tino Lefaima, tela ne nofo i Aselota mo Etelei. Ne fakatakavale ne Mose a tino katoa kona, tena ne afuli ei ne ia keatea.

13Ne seki afuli ne tino Isalaelu a tino Kesula mo tino Maaka; kona koi nofo eiloa i Isalaelu.

14 Teu 18.1 E seai se laukele ne tuku ne Mose mō te matakaiga o Levi. E pela mo te fakatonuga a te Aliki ki a Mose, a te tofi o latou, ko te vāega e maua ne latou mai taulaga kola e sunu i luga i te fata-fai-taulaga ki te Aliki te Atua o Isalaelu.

Ko te Vaega o te Matakaiga o Leupena

15Ko oti ne tuku ne Mose se vaega o te fenua ki kaiga i te matakaiga o Leupena ke fai mo tofi o latou.

16A te lotou vāega e fanatu mai Aloela i kautafa o te Vanu o Alinona, mo te fa'kai i te kogaloto o te vanu tena kae aofia ei te kogā koga laugatasi i tafa o Metepa.

17E aofia foki i ei a Hesepono mo fa'kai katoa i te kogā koga laugatasi tena: ko te fa'kai o Tipono, Pamota Paala, Peta Palameono,

18Iasa, Katemota, Mefata,

19Kiliataima, Sipama, Seletasala i te mauga foliki i te vanu,

20Petepeolo, ko sifoga o te Mauga o Peseka, mo Peta Iesimota.

21E aofia foki i te vaega tena a fa'kai katoa i te kogā koga laugatasi mo te malo katoa o te tupu o Amoli ko Sekono, tela ne nofo i Hesepono. Ne fakatakavale a ia ne Mose, e pela foki mo takitaki o Mitiana ko Evi, Lekema, Sula, Hulo mo Lepa. A latou ne pule katoa i te fenua, i lalo o te Tupu ko Sekono.

22Mai tino kola ne tamate ne tino Isalaelu, e to i ei a Palaamo te tama a Peolo, te tagata fakamatala a mea e tupu i aso fakamuli.

23A te Iolitana ko te tuakoi ki te togala o te laukele o te matakaiga o Leupena. Kona a fa'kai foliki mo fa'kai lasi kola ne tuku ki kaiga i te matakaiga o Leupena ke fai mo tofi o latou.

Ko te Vaega o te Matakaiga o Kato

24E isi foki se vaega ne tuku ne Mose ki kaiga i te matakaiga o Kato ke fai mo tofi o latou.

25E aofia i te vaega o latou a Iaseli mo fa'kai katoa o Kileata, te afā o te fenua o Amoni ke oko ki Aloela, tela i te feitu ki te saegala o Lapa;

26a te fenua o latou kona e vau mai Hesepono ke oko ki Lama Misipe mo Petonima; mai Manaima ki te tuakoi o Lotepa.

27A te vaega o latou i te Vanu o Iolitana, ko Peta Halama, Petanimala, Sukota mo Safono, ko te toega tena o te malo o Sekono, te Tupu i Hesepono. A te tuakoi o latou ki te togala ko te Vaitafe o Iolitana o fano ki matu ki te Vai o Kalilaia.

28Kona a fa'kai foliki mo fa'kai lasi kola ne tuku ke fai mo tofi o te matakaiga o Kato.

Ko te Vaega o Manase ki te Saegala

29E isi foki se vaega o te afā o te matakaiga o Manase ne tuku ne Mose ke fai mo tofi o latou.

30A te vaega o latou e fanatu pela ki Manaima kae aofia ei a Pasana katoa — te malo katoa o Oko, te tupu o Pasana, fakatasi mo fa'kai tafa foliki o Iaila i Pasana e onosefulu.

31E aofia foki i kona te afā o Kileata, fakatasi mo Aselota mo Etelei, ko laumua kona o te malo o Oko i Pasana. A te vaega tena ne tuku ke fai mo tofi o te afā o kaiga kola ne fua mai i a Makila, te tama a Manase.

32E pena te vaevaega ne Mose a te fenua ki te saegala o Ieliko mo te Iolitana, i te taimi ne nofo ei a ia i koga laugatasi o Moapi.

33Nume 18.20; Teu 18.2 E seai se vaega ne tuku ne Mose mō te matakaiga o Levi. A te vaega o latou e maua mai i taulaga kola e ofo ki te Aliki te Atua o Isalaelu.