1 TUPU 13 - Tuvalu Revised Bible

1E isi se pelofeta mai Iuta ne fakatonu ne te Aliki ke fano ki Peteli, kae ne oko atu ki kona ka ko Ielopoamo e tu mai i te fata-fai-taulaga o ofo ana taulaga.

2 o fai ki ei a te mea ne fai ne te pelofeta mai Iuta i Peteli, mo te fekau ne fai ne ia ki te Tupu ko Ielopoamo.

12Ne fesili atu te pelofeta toeaina ki a latou penei, “Te auala fea ne foki atu ei a ia?” Ne fakasino atu ne latou te auala ne fano ei a te pelofeta tena,

13tena fai atu ei a ia ki ana tama ke fakatoka aka tena asini mo ona fano. Ne fakatoka ne latou tena asini,

14fanatu eiloa a ia i te auala o tautali atu i te pelofeta mai i Iuta, maua atu ei ne ia e sagasaga mai i lalo o te lakau ko te oka. Ne fesili atu a ia penei, “A koe na ko te pelofeta mai i Iuta?”

Ne tali atu te tagata tena penei, “Ao.”

15Ne fai atu te pelofeta toeaina mai i Peteli penei, “Vau ke olo taua o kai i toku fale.”

16Kae ne tali atu te pelofeta mai i Iuta penei, “E se mafai ne au o fanatu i a koe ki tou fale, io me talia ne au tou aga'lei mai. E se talia foki ne au ke kai io me inu fakatasi taua i konei,

17me i te Aliki ne fakatonu mai ke mo a au e kai io me inu i so se mea, kae ke mo a foki au e foki i te auala ne vau ei au.”

18Tena, ko te pelofeta toeaina eiloa mai Peteli ko fai atu ki a ia penei, “Au nei, se pelofeta foki pena mo koe. A te agelu ne vau ki a au o fai mai i te Aliki ne fakatonu mai ki a ia ke fai mai ki a au ke vau au ki a koe ke olo taua ki toku fale.” A te pelofeta toeaina tena e fakaloiloi fua.

19Tena, ne fanatu eiloa te pelofeta mai i Iuta i te pelofeta toeaina ki tena fale, o kai mo ia.

20I te taimi ne saga'saga ei laua i te taipola kae oko mai mo te fekau a te Aliki ki te pelofeta toeaina,

21tena ne fai atu ei a te pelofeta toeaina ki te pelofeta mai i Iuta penei, “A te Aliki tenei ko fai mai i a koe ne seki fakalogo atu ki a ia, kae se fai te mea ne fakatonu atu ne ia ki a koe.

22A koe ne foki mai o kai i te koga ne fai mai ei a ia ke se foki mai koe o kai i ei. Ona ko te mea tena, a koe ka mate, ka ko tou foitino ka se tanu i te tanuga o tou kaiga.”

23I te otiga o laua ne kai, ne fakatoka ei ne te pelofeta toeaina a te asini ke sopo ei te pelofeta mai i Iuta,

24tena, fano eiloa te pelofeta tena. Ne fetaui a ia mo te leona i te auala, tamate eiloa a ia ne te leona. Ne takato tena foitino i te auala, ka ko te asini mo te leona e tu i tafa o tena foitino.

25E isi ne tagata ne fakasili aka pela i te auala, lavea ei ne latou te foitino tena, mo te leona e tu eiloa i tafa. Ne olo atu latou kona ki Peteli, fakaasi atu ei ne latou te mea ne lavea ne latou.

26I te logoga o te pelofeta toeaina i te tala tena, ana muna, “Tena te pelofeta ne seki fakalogo ki te fakatonuga a te Aliki! Tena te mea ne uga mai ei ne te Aliki te leona ke tamate ne ia te pelofeta tena, e pela eiloa mo muna a te Aliki.”

27Tena ne fai atu ei a te pelofeta toeaina ki ana tama ta'gata penei, “Fakatoka aka taku asini.” Ne fai eiloa ne latou,

28tena fanatu ei a ia, maua ei ne ia a te foitino o te pelofeta mai i Iuta e takato i te auala, mo te asini mo te leona e tu mai eiloa i ona tafa. A te leona e seki kai ne ia te foitino o te pelofeta, seki fano foki o ta te asini.

29Ne puke aka ne te pelofeta toeaina a te foitino, fakasopo ne ia ki luga i te asini, ave ei ne ia ki Peteli o tanu, kae ne tagi fanoanoa foki a ia i te mate o ia tena.

30Ne tanu ne ia te foitino o te pelofeta mai i Iuta i te tanuga o tena kaiga, ka ko ia mo ana tama ne tagi fanoanoa, muna a ia, “Oi aue toku taina, toku taina!”

31I te otiga ne tanu o te pelofeta mai i Iuta, muna a te pelofeta toeaina penei, “Kafai au e mate, ke tanu toku foitino i te tanuga tenei, kae fakatakato toku foitino i tafa o ia tena.

32A muna ne faipati ne ia i te fakatonuga a te Aliki e uiga ki te se 'lei o fata-fai-taulaga i Peteli mo koga tapuaki i fa'kai o Samalia e taunu eiloa.”