1Tino katoa, pati otou lima i te fia'fia!
Tavae atu ki te Atua i pese!
2E 'tau tatou o ma'taku ki te Aliki,
Tela e tafasili i te maluga;
A ia ko te tupu sili, e pule i te lalolagi katoa.
3Ne tuku mai ne ia ki a tatou te manumalo i tino valevale;
Ne fai ne ia tatou ke pule i malo.
4Ne filifili ne ia mō tatou, te fenua tenei e nofo ei tatou,
Ko te mea ke mita'mita ei ona tino, kola e alofa a ia ki ei.
5E fanake te Atua ki tena nofogaaliki.
E isi te kalaga o te fiafia mo leo o pu,
i te taimi e fanake ei te Aliki.
6Pese tavae atu ki te Atua; pese tavae atu ki te tou tupu!
7A te Atua ko te tupu o te lalolagi katoa;
Tavae atu ki a ia i pese!
8A te Atua e nofo i tena nofogaaliki tapu;
E pule a ia i malo katoa.
9E potopoto fakatasi a pule o fenua, mo tino o te Atua o Apelaamo.
E sili atu tena malosi i kautau katoa;
E maluga foki tena pule.
Who We AreWhat We EelieveWhat We Do
2025 by iamachristian.org,Inc All rights reserved.
