FAATAOTO 27 - Tuvalu Revised Bible

1 se tino valea fua, e tau o puke mai sena kope mō togi ki ei te kaitalafu.

14Kafai koe e kalaga malosi atu ki tou taugasoa i te taeao malu eiloa, o fakatalofa atu ki ei, e pau eiloa me ko muna masei atu koe ki a ia.

15A te avaga gutu kotekote e pela eiloa me se motimotiga o vai i te aso e to ei vaiua.

16E mafai pefea ne koe o fai a ia ke filemu? Kai taumafai eiloa koe o fakagata te matagi io me fakafonu ou lima ki sinu kae taofi eiloa ke mo a e sali ki tua?

17A tino e tauloto ne latou te poto mai i nisi tino, e pela mo te fiti e fakamata foki eiloa ki te fiti.

18Tausi fakalei te lakau ko te mati, ka maua mai i ei ne au fuaga mati mo ou kai. A te tavini tela e tausi fakalei ne ia tena matai e fakaaloalogina.

19Kafai koe e kilo ki te vai, ko ou foliga eiloa kona e lavea ne koe. Kafai e kilo koe ki tou loto, ko koe foki eiloa tena e lavea ne koe i ei.

20A manakoga o te tagata e pela mo te lalolagi o tino mate — e se mafai o malie.

21A te aulo mo te siliva e tofotofo i te afi; a te tagata e mafai foki o tofotofo me lei io me e se lei.

22Kafai e kini ne koe te tino valea ke tai mate, kae e se mafai eiloa o gata tena valea.

23Tausi fakalei au mamoe mo pulumakau,

24me i te maumea e se tumau. Ke oko foki eiloa ki malo e se tumau te lotou malosi ki te se gata mai.

25E kati ne koe te mouku ma solofanua, ka oti ko kati ei ne koe a mouku i kautafa o mauga ka ko te sua vaega o te mouku ma solofanua ko toetupu ake foki.

26E mafai ne koe o faite a gatu mai i te vulu o au mamoe, kae togi a manafa mai i te tupe tela ne maua ne koe i te togiatuga o nisi o au kouti.

27A te toega o au kouti e maua ei te susu ma koe mo tou kaiga, pela foki au tavini fafine.