FAATAOTO 10 - Tuvalu Revised Bible

Ko Faataoto a Solomona

1Konei a faataoto a Solomona: A te tamaliki poto e fakafiafia ne ia tena tamana, ka ko te tamaliki valea e aumai ne ia te fanoanoa ki tena matua.

2A koloa ne maua ne koe i auala se tonu e seai se aoga ki a koe, ka ko te fakamaoni e mafai o fakasao ne ia tou ola.

3E se mafai ne te Aliki o tuku tiaki a tino amio lei ke mate fiakai, kae e taofi ne ia a tino amio masei ke se maua a mea kola e manako ki ei.

4A te paie e fai ne ia koe ke mativa, ka ko te galue malosi e fai ne ia koe ke maumea.

5A te tagata mafaufau e fakaputu ne ia a fua o fatoaga manafai ko matua; se mea fakamasiasi manafai koe e moe i te taimi e tau ei te taukai.

6A te tagata amio lei e maua ne ia a fakamanuiaga. A muna a te tagata amio masei e funa ei ana uiga fakasaua.

7A tino amio lei e masauagina faeloa pela me se fakamanuiaga, ka ko tino amio masei e vave puli atu fua.

8A tino poto e talia ne latou a manatu fakatonutonu lei. A tino kola e faipati fakavalevale e fakaiku eiloa ki te malaia.

9A tino amiotonu e sao olotou olaga kae tokagamalie, ka ko tino amio pelo e iku eiloa ki te po i olotou amioga.

10A te tino e funa ne ia te mea tonu e fakatupu fakalavelave, ka ko te tino e faipati tonu o fakaasi tena manatu e fakatupu ne ia te filemu.

11A muna a te tagata amio lei e pela me se punavai o te ola, ka ko muna a te tagata amio masei e funa ei ona uiga fakasaua.

12

23Se mea valea ke fiafia koe o fai amioga se tonu. A tino malamalama e fiafia o sala te poto.

24A tino amiotonu e maua ne latou a mea e manako latou ki ei, ka ko tino amio masei e maua fua ne latou a mea ne mataku latou ki ei.

25Kafai e oko mai te afā, ko tino amio masei eiloa ko agina keatea, ka ko tino fai meatonu e saogalemu faeloa.

26Ke moa eiloa e aumai ne koe se tagata paie ke fai ne ia se galuega a koe; ka fita fua koe i ei, e pela mo tou fita manafai e isi ne vinika i ou nifo, io me ne au i ou mata.

27Fakalogo ki te Aliki, kae ka ola loa koe. A tino amio masei e mate kae seki oko ki te aso e tau ei o mate.

28A te fakamoemoega o tino amio lei e iku ki te fiafia, ka ko tino amio masei e seai se mea e fakamoemoe ki ei.

29A te Aliki e puipui ne Ia a tino fai mea tonu, kae ta fakapalele ne Ia a tino fai mea se.

30A tino amiotonu e saogalemu faeloa, ka ko tino amio masei e se mafai o sao i te fenua.

31A tino amiotonu e faipati ki te poto, ka ko laulaufaiva kola e faipati ki mea masei ka fakagata.

32A tino amiotonu e iloa ne latou a muna alofa kola e tau o fai, ka ko tino amio masei e faipati faeloa ne latou a muna kola e tupu ei a taua.