1 SAMUELU 15 - Tuvalu Revised Bible

Ko te Taua mo Tino Amaleka

1 pela foki a nisi mea 'lei; e fakama'sei fua ne latou a mea kola e seai ne aoga.

Te Aliki ko Se Fiafia ki a Saulo

10Muna a te Aliki ki a Samuelu,

11“Au ko salamo me ne fai ne au a Saulo ke fai mo tupu; ko fulitua mai a ia ki a au, kae se fakalogo ki aku fakatonuga.” A Samuelu ko kaitaua, tena la, i te po katoa tena, ne fakamolemole faeloa a ia ki te Aliki.

12I te tafataeao, ko Samuelu eiloa ko fano o sala a Saulo. Ne logo a ia i a Saulo ne fano ki te fa'kai o Kalamelu, te koga ne faite ei ne ia se mea fakamanatu o ia, tena toe fanatu ei ki Kilikala.

13Ne fanatu Samuelu ki a Saulo, kae fakafetaui atu mo Saulo, muna a ia, “Samuelu, a te Aliki ke fakamanuia atu ki a koe! Ko oti ne fai ne au te fakatonuga a te Aliki.”

14Ne fesili atu Samuelu, “Ai a la e lagona ei ne au a pulumakau mo mamoe e tagitagi?”

15Ne tali atu Saulo, “Ne puke mai ne taku kau mai tino Amaleka. Ne faka'sao ne latou a mamoe mo pulumakau tafasili i te 'lei, ke ofo mo fai taulaga ki te Aliki tou Atua, ka ko te lasiga ne 'ta katoa.”

16Ne fakatonu atu Samuelu, “Fakagata i kona, ke fakaasi atu ne au a muna a te Aliki ne fai mai ki a au i te po anapo.”

Muna a Saulo, “Fakamatala mai.”

17Ne tali atu Samuelu, “E ui eiloa e manatu fatauva koe ki tou tulaga, a koe se takitaki o matakaiga o Isalaelu. A koe ne faū ne te Aliki ke fai mo tupu o Isalaelu,

18kae ne uga ne ia a koe mo te fakatonuga ke ta fakapalele a tino Amaleka. Ne fai atu ki a koe ke taua eiloa koutou ke oko ki te taimi ko mate katoa ei latou.

19Ai a la e seki fakalogo ei koe ki te Aliki? Ai a ne fakavave ei koe o puke a mea tāua, tena ko fai ei ne koe te mea e se fiafia ki ei te Aliki?”

20Ne tali mai Saulo, “Au ne fakalogo eiloa ki te Aliki. Au ne fano e pela eiloa mo tena fakatonuga; ne aumai ne au te Tupu ko Akako, kae tamate katoa a tino Amaleka.

21Kae e seki tamate ne taku kau a pulumakau mo mamoe tafasili i te 'lei kola ne maua ne latou, me ne aumai ne latou ki Kilikala ke ofo atu ki te Aliki tou Atua.”

22Muna a Samuelu, “Se a te mea e manako ki ei te Aliki: ko te fakalogo io me ko taulaga? E sili atu te fakalogo ki a ia i lo te ofo atu o te mamoe tafasili i te 'lei ki a ia.

23A te teke ki a ia e pau eiloa i te masei mo te fakataulaitu, ka ko te fakamatamata se agasala pela eiloa mo e ifo atu ki nisi atua. Tela la, ona ko koe ne teke ki te fakatonuga a te Aliki, ko se manako foki te Aliki ke fai koe mo tupu.”

24Ne tali atu Saulo, “E tonu, au ko oti ne agasala. Au ne seki fakalogo ki te fakatonuga a te Aliki, pela foki mo au fakatonuga. Au ne mataku i taku kau, tela ne fai ei ne au te mea e manako latou ki ei.

25Tela la, au ko fakamolemole atu ki a koe ke fakamagalo mai au, kae vau ke olo taua ki Kilikala, ke tapuaki atu au ki te Aliki.”

26Ne tali atu Samuelu, “Au se fanatu i a koe. A koe ne teke ki te fakatonuga a te Aliki, tela la, ko se manako foki a ia ke fai koe mo tupu o Isalaelu.”

27

33Muna a Samuelu, “E pena mo tau pelu ne fai ne ia a matua e tokouke ke tagi i olotou tama ko mate, nei, a tou matua ka tagi i tena tama ka mate.” Tena, katikati fakalikiliki aka ei ne ia a Akako i mua o te fata-fai-taulaga i Kilikala.

34Oti aka, ko Samuelu eiloa ko fano ki Lama, ka ko Saulo te Tupu ko foki atu ki tena fale i Kipea.

35Mai te taimi tena ke oko ki tena mate, e seki toe lavea eiloa ne Samuelu a te tupu; kae e tagi faeloa a ia i te fanoanoa i te tupu. A te Aliki ko salamo me ne fai ne ia a Saulo mo tupu o Isalaelu.