1A Amasia ne fai mo tupu, ka ko luasefulu lima ei ona tausaga, kae ne pule a ia i Ielusalema i tausaga e luasefulu iva. A tena matua, ko Ieoatina, se fafine mai i Ielusalema.
2Ne fai ne ia a mea e fiafia ki ei te Aliki, kae ne seki fai ne ia mo tena loto katoatoa.
3I te taimi ko mautakitaki ei tena pulega, ne tamate ne ia a ofisa kola ne olo o tamate tena tamana.
4
18Tenei te tali ne aumai ne Ieoasa: “I te taimi e tasi, ne ave te fekau a te vao lakau makaikai i Mauga o Lepanona ki te alasi penei: ‘Aumai tau tama fafine ke avaga mo taku tama tagata.’ Kae vau mo te manu lata vao, palele ne laka te vao lakau makaikai tena.
19Amasia, a koe ko fakamatamata nei me ne fakatakavale ne koe a te kau Etoma, kae e fai atu au ke nofo malie koe i tou fale. Ai a ka sona fakatupu fua ei ne koe se fakalavelave tela ka aumai ei te puapuaga ki ou tino?”
20Ka ko Amasia e se fia fakalogo eiloa. Ko te loto eiloa o te Atua ke fakatakavale a Amasia, me ne tapuaki atu ki tupua o Etoma.
21Tena la, ne taua atu eiloa te Tupu o Isalaelu ko Ieoasa ki te Tupu o Iuta ko Amasia. Ne fepaki latou i Peta Semese i Iuta,
22ne takavale te kautau a Iuta, tena ne tele ei olotou sotia ki olotou fa'kai.
23Ne puke fakapagota ne Ieoasa a Amasia, ave ei ne ia ki Ielusalema. I kona, ne ofa ei ne ia ki lalo a te pui o te fa'kai, mai i te Mataloa o Efalaima ke oko ki te Mataloa i Matulimanu, e tai maua eiloa te luaselau mita te loa o te koga tena ne ofa.
24Ne ave ne ia ki Samalia a aulo mo siliva i te Faletapu, pela foki mo mea o te Faletapu kola e tausi ne tino i te gafa o Opeta Etoma, ke oko foki eiloa ki koloa o te palesi. E isi foki ne pagota ne ave ne ia.
25I te matega o te Tupu o Isalaelu ko Ieoasa, ka ko Amasia ne ola atu eiloa i nisi tausaga e sefululima.
26A nisi mea katoa a Amasia ne fai, mai i te kamataga o tena nofoaiga ke oko ki te fakaotiga, e fakamau katoa i te tusi ko Te Tala Tukufakasolo o Tupu o Iuta mo Isalaelu.
27Talu mai te taimi ne teke ei a ia ki te Aliki, kae ko isi ne tino e lamalama ki a ia i Ielusalema. Ne tele a ia ki te fa'kai o Lakisa, kae ne tautali atu eiloa ana fili i a ia, tamate eiloa ne latou a ia i kona.
28Ne avatu tena foitino ki Ielusalema i te solofanua, tanu ei a ia i tanuga o tupu i te Fa'kai o Tavita.
Who We AreWhat We EelieveWhat We Do
2025 by iamachristian.org,Inc All rights reserved.
