1 NOFOAIGA TUPU 16 - Tuvalu Revised Bible

1Ne ave ne latou a te Pusa o te Feagaiga ki te faleie tela ko oti ne fakatoka ne Tavita ke tuku i ei. Tena kae ofo atu ei ne latou a taulaga mo taulaga fakafetai ki te Atua.

2I te otiga ne ofo ne Tavita a taulaga, fakamanuia atu ei ne ia a te fenua i te igoa o te Aliki,

3tufa atu ei ne ia a meakai ki a latou. Ne avatu ne ia ki tagata mo fafine Isalaelu taki tokotasi, e tasi te falaoa, te potu kano manu ne tao, mo ne mu lesini.

4Ne fili ne Tavita a nisi sa Levi ke takitaki ne latou te tapuakiga ki te Aliki, te Atua o Isalaelu, i mua o te Pusa o te Feagaiga, o usu a pese kae viki atu ki te Aliki.

5Ko Asafo ne fili ke fai mo takitaki, ka ko Sakalia ko tena fesoasoani. A tino e ta i kitala, ko Ieielu, Semilamota, Ieielu, Matitia, Eliapo, Penaia, Opeta Etoma, mo Ieielu. Ko Asafo e fakatagi ne ia a sumepalo,

6ka ko faitaulaga e tokolua, ko Penaia mo Iasielu e fakatagi faeloa ne laua a pu i mua o te Pusa o te Feagaiga.

7Tena la, ne tuku atu ei ne Tavita ki a Asafo mo ana taina sa Levi, a te tofi ko te usuga o vikiga ki te Aliki.

Ko te Pese Tavae(Sala 105.1-15; 96.1-13; 106.1,47-48)

8Tuku atu te fakafetai ki te Aliki, takutaku atu tena maluga; fakamatala atu ki malo a mea ne fai ne ia.

9Usu atu vikiga ki te Aliki; taku atu a mea fakaofoofogia ko oti ne fai ne ia.

10Ke fiafia tatou, i a tatou e kau i a ia; a tino katoa kola e tapuaki ki a ia ke fiafia!

11Olo ki te Aliki ke fesoasoani atu, kae tapuaki atu faeloa ki a ia.

12-13A koutou te gafa o Iakopo, tavini a te Atua

Tino o te gafa o Isalaelu, kola ne filifili ne te Aliki,

Ke masaua ne koutou a vavega kola ne fai ne te Atua, Mo fakamasinoga kola ne fai ne ia.

14A te Aliki ko te tou Atua;

Ana fakatonuga e tau mo te lalolagi katoa.

15Sa puli a te feagaiga a te Atua, Tela ne fai ne ia ke tumau ki te se gata mai,

16

30A te lalolagi katoa ke polepole i ona mua!

A te lalolagi ko oti ne fakatulaga faka'lei i tena tulaga,

Kae ko se mafai o fakagasue.

31Ke fiafia te lagi mo te lalolagi!

Taku atu ki malo i te Aliki ko te tupu.

32Gulu mai te tai mo mea ola katoa i ei;

Fatoaga mo mea katoa i ei, ke fiafia koutou!

33A lakau o te vao ka kalaga mo te fiafia i mua o te Aliki,

Manafai ko vau a ia o pule a te lalolagi.

34 2NTupu 5.13; 7.3; Esela 3.11; Sala 100.5; 106.1; 107.1; 118.1; 136.1; Iele 33.11 Tuku atu te fakafetai ki te Aliki, me i a ia e agalei;

A tena alofa e tumau.

35Fai atu ki a ia penei,

“Te Atua te motou fakaola,

Faka'sao mai matou;

Fakamaopoopo mai matou; faka'sao mai matou mai i nisi malo,

Ko te mea ke fakafetai matou, kae tavae ne matou tou igoa malu.”

36Tavae atu ki te Aliki, te Atua o Isalaelu!

Tavae atu ki a ia nei, ke oko atu eiloa ki te se gata mai!

Tena, kae fai aka a tino katoa penei, “Amene,” kae viki atu ei ki te Aliki.

Ko Tapuakiga i Ielusalema mo Kipeona

37Ne fakaeke atu ne te Tupu ko Tavita ki a Asafo mo ana taina sa Levi a te pule i te fakatokaga o tapuakiga kola e fai sale i te koga tela e tuku i ei a te Pusa o te Feagaiga. Tena te koga e galue ei latou i aso katoa.

38Ko Opeta Etoma, te tama tagata a Ietutunu mo te tino ono mo te tokovalu tagata o tena kaukaiga, e fesoasoani ki a latou. Ko Hosa mo Opeta Etoma e pule i te tausiga o mataloa.

39A te faitaulaga ko Satoka mo ana taina faitaulaga e pule i te faiga o tapuakiga ki te Aliki i te koga tapuaki i Kipeona.

40I taeao mo afiafi katoa, e tau o sunu ne latou a taulaga kātoa i luga i te fata-fai-taulaga, e pela mo te mea tela e tusi i te Tulafono tela ne aumai ne te Aliki ki Isalaelu.

41A Hemanu mo Ietutunu mo nisi o te lotou kau e fakatasi latou i kona; a latou ne fili ke usu ne latou a vikiga ki te Aliki e tusa mo tena alofa tumau.

42A Hemanu mo Ietutunu e pule foki i pu mo sumepalo mo nisi mea fakatagitagi kola e fakatagi i te taimi e usu ei a pese o vikiga. A tino o te kaukaiga o Ietutunu e pule i te tausiga o mataloa.

43 2Samu 6.19,20 I te otiga o mea kona, foki atu ei a tino ki olotou fale, ka ko Tavita ne foki ki tena fale o nofo aka mo tena kaiga i ne nai aso.