FAMASINO 5 - Tuvalu Revised Bible

Ko te Pese a Tepola mo Palako

1I te aso tena, ne usu ei ne Tepola mo Palako, te tama tagata a Apinoama, a te pese tenei:

2Ke vikia te Aliki!

A tino Isalaelu e loto malosi o taua;

A tino e fiafia o kau i te kautau.

3Faka'logo mai, koutou tupu!

Faka'logo mai, koutou takitaki!

Ka usu atu ne au te pese,

Ki te Aliki te Atua o Isalaelu.

4 Te Aliki i te taimi ne tiakina ei ne koe a te atumauga o Seila,

i te taimi ne ulu mai ei koe mai loto i te fenua o Etoma,

Ne galulu te lalolagi, mo te vaiua ne to mai te lagi.

E tonu, ne maligi ifo te vai mai kaumana.

5

E pela me se matua o tino Isalaelu.

8Ne fai a taua i te fenua,

i te taimi ne tapuaki atu ei a Isalaelu ki nisi atua.

I te fasefulu afe o tagata Isalaelu,

E seai eiloa se tagata ne fano mo se talita io me se tao.

9A toku loto e tuku i takitaki o Isalaelu,

i tino kola ne loto fiafia o olo o taua. Ke vikia te Aliki!

10Fakailoa atu, a koutou kola e sopo i luga i asini kena,

Kola e sagasaga i luga i nofoaga o solofanua,

Pena foki koutou kola e tau o olo ki so se koga e ma'nako koutou ki ei.

11Faka'logo! A te vaitino kola e fakalogoa i tafatafa o te vaikeli e fakamatala a te manumalo o te Aliki

Te manumalo o tino Isalaelu!

Tena, ne olo ifo ei a te fenua o te Aliki mai olotou fa'kai.

12Tepola, e takitaki ne ia i mua!

Usu te pese kae fano i mua!

Palako, te tama tagata a Apinoama, fano ki mua,

Taki atu otou pagota ki se koga fakaatea!

13Tena, ne olo ifo ei a tagata fakamaoni ki olotou takitaki;

Ne olo ifo a te fenua o te Aliki ki a ia, kae ko toka mo se taua,

14Ne o'mai, mai Efalaima i loto i te Vanu,

Mai i tua o te matakaiga o Peniamina mo ana tino.

Ne olo ifo a takitaki mai Makila,

ko ofisa ne olo ifo mai Sepulona.

15A takitaki o Isakala ne o'mai mo Tepola; a

ao, a Isakala ne vau, pena foki mo Palako

kae ne tau'tali atu latou i a ia ki loto i te vanu.

Kae ko te matakaiga o Leupena ne mavaevae;

Ko seiloa ne latou me ko latou e o'mai me ikai.

16Ai a ne nofo ei latou mo mamoe?

O faka'logo ki tausi mamoe e ka'laga ki olotou lafu?

Ao, a te matakaiga o Leupena ne vaelua;

ko seiloa ne latou me ko latou e o'mai me ikai.

17A te matakaiga o Kato ne nofo eiloa i te feitu ki te saegala o te Iolitana,

kae kote matakaiga o Tanu, ne nofo eiloa i tafa o vakamutu.

A te matakaiga o Asela ne nofo eiloa i te mataosoga o te fenua;

ne nofo eiloa latou i te matafaga.

18Ka ko tino o Sepulona mo Nafatali

ne ofo olotou ola o taua i te taua.

19I Tanaka, i tafa o te Vaitafe foliki i Mekito,

Ne o'mai ei a tupu o taua;

Ko tupu o Kanana ne taua i kona,

kae e seai eiloa ne olotou siliva ne ave.

20A fetu ne taua foki mai te lagi;

i te taimi e ga'sue ei latou i te lagi;

ka taua atu latou ki a Sisela.

21A te lofiaga i Kisona ne 'tafe ei latou keatea —

ko te Vaitafe tele makini o Kisona.

Au ka poleni, faeloa ki mua, mo te malosi!

22Tena, ne 'tele mai a solofanua kae pakuku mai,

ko fonu te laukele i laga o olotou vae.

23Muna a te agelu a te Aliki “Tuku se fakamalaiaga ki a Melosa,"

“ke fakamalaia, ke fakamalaia atu a latou e nofo i kona.

E seki o'mai latou o fesoasoani ki teAliki,

Au mai e pela me ne sotia o taua mo ia.”

24A te toe fafine manuia eiloa ko Iaeli,

te avaga a Hepela te Keni —

ko te toe fafine manuia eiloa i fafine e nofo i faleie.

25Ne manako a Sesela ki ne vai, kae ne avatu ne ia ne susu;

ne aumai ne ia ne susu poto i se pōla gali.

26Ne puke aka ne ia te pine o te faleie i te sua lima,

Ka ko te samala a tagata faigaluega i te sua lima;

ne tuki ne ia te pine ki a Sesela, tena ne mo'momo ei tena faiai;

ne 'suki ne ia tena ulu.

27Ne siga ki ona tuli,

siga ki lalo, kae ne se gasuesue i ona vae.

I lalo o ona vae, ne totuli ifo ei a ia kae siga;

ne siga ifo ki te laukele, te mea eiloa ko mate.

28Ne kilo atu a te matua o Sesela ki tua i te fakamalama;

kae ne fatio atu a ia mai tua o te famalama.

Ne fesili atu ei a ia, "ai a ko tuai mai ei tena kaliota?"

ai a ko tuai o foki mai ei ana solofanua?”

29Ne tali atu ana fafine poto ki a ia,

kae ne faka-fokifoki ne ia tena fesili tenei i tena mafaufau,

30“A latou e sala fua ki ne mea ke maua ne-latou kae tufatufa,

E tokotasi io me e tokolua tamafine a te sotia,

ne gatu gali mo Sesela,

ne laugatu suisui ke fakamau i te ua o te tupu fafine.”

31Te Aliki, a ou fili ke mate katoa pena,

kae ko ou taugasoa ke maina atu e pela mo te la fatoa fanake!

Kae ka maua te filemu i te fenua i tausaga e fasefulu.