1-2I te po luasefulu fa o te masina eiloa tena, ne maopoopo a tino Isalaelu o fakaliki'liki mō tapuakiga, e fakaasi i ei te fanoa'noa o latou e tusa mo agasala a latou ne fai. Ko leva foki latou ne faka'mao keatea mai i tino o fenua fakaatea. Ne 'pei latou ki gatu lautaga, kae tuku mo pefu ki luga i olotou ulu, e fakaasi ei te lotou fanoa'noa. Tena, ne tu ei latou ki luga o fakatoese atu ki te Aliki e tusa mo olotou agasala mo agasala a olotou tupuga ne fai.
3E tusa mo te tolu itula ne faitau atu ei a te Tulafono a te Aliki te lotou Atua ki a latou, ka ko te sua tolu itula mai tua ne fakatoese ei latou ona ko olotou agasala kae tapuaki atu ki te Aliki te lotou Atua.
4E isi se tulaga laupapa maluga i kona mō te kau sa Levi, kae ne tu mai luga i ei ko Iesua, Pani, Katamiela, Sepania, Puna, Selepaia, Pani mo Kenani. Ne talo latou ki te Aliki te olotou Atua, mo olotou leo e fai eiloa i luga.
5Konei a igoa o te kau sa Levi kola ne fai ne latou a muna kamata o te sauniga: ko Iesua, Katamiela, Pani, Hasapeneia, Selepaia, Hotia, Sepania mo Petaia. Muna a latou:
“Tu mai ki luga o viki atu ki te Aliki te otou Atua;
Viki atu ki a ia ki te se gata mai, se gata mai eiloa!
A tino katoa ke viki atu ki tena igoa malu,
Tiga eiloa e seai se vikiga faka‐te‐lalolagi e katoatoa i te lei.”
Ko te Talo Fakatoese6Tena, ne talo atu ei a tino Isalaelu i te talo tenei:
“Te Aliki, ko koe fua tokotasi ko te Aliki;
Ne faite ne koe a te lagi mo fetu o te vanimonimo.
Ne faite ne koe a te fenua mo te tai mo mea katoa i ei;
Ne tuku mai foki ne koe a te ola ki mea katoa.
A te kau o te lagi e ifo kae tapuaki atu ki a koe.
7 Kene 11.31; 12.1; Kene 17.5 Ko koe te Aliki te Atua ne filifili ne koe a Apelamo
Kae ne taki ne koe a ia mai Ulo i Papelonia;
Kae ne fuli ne koe tena igoa ki a Apelaamo.
8 Kene 15.18-21 Ne iloa aka ne koe me i a ia se tagata e fakamaoni atu ki a koe
Tena ne fai ei ne koe tau feagaiga mo ia.
Ne tauto koe ki a ia ke tuku atu mō ia a te fenua o tino Kanana,
Mo te fenua o tino Heti mo tino Amoli,
Mo te fenua o tino Pelise, tino Iepuse mo tino Kilikase,
Ke fai mo fenua ka nofo ei a tino o tena gafa.
Ne tausi eiloa ne koe tau feagaiga, me i a koe e fakamaoni.
9 Eso 3.7; Eso 14.10-12 “Ne lavea ne koe a te puapuaga o omotou tupuga i Aikupito;
Ne lagona ne koe te ka'laga a latou mō se fesoasoani i te Tai Kula.
10 Eso 7.8—12.32 Ne fai ne koe a mea fakaofoofogia ki te tupu mo ana ofisa mo tino o te fenua o Aikupito,
Me e iloa ne koe me e fakafita ne latou ou tino.
I te taimi tena, ne kamata ei o takutakua tou igoa, tenei eiloa e oko mai ki aso nei.
11 Eso 14.21-29; Eso 15.4,5 I loto i te tai, ne fakatoka i ei ne koe se auala mo sasale tou fenua,
Kae ne 'taki atu ne koe a latou i loto i ei i luga i te laukele malo.
A latou kola ne o'mai o afuli ou tino ne ma'lemu i te moana 'poko,
E pela me se fatu e apulu i te tai sou.
12 Eso 13.21,22 Ne 'taki ne koe latou i te ao ki te pou kaumana,
Kae i te po ne fakamaina ne koe te lotou auala ki te afi.
13 Eso 19.18—23.33 I te Mauga o Sinai ne fanaifo ei koe mai te lagi;
Ne faipati koe ki ou tino
Kae ne tuku atu ne koe ki a latou a tulafono lei mo akoakoga gali.
14Ne akoako ne koe a latou ke tausi tou Sapati malu,
Kae ne tuku atu foki ne koe au tulafono ki a latou e auala i tau tavini ko Mose.
15 Eso 16.4-15; Eso 17.1-7; Teu 1.21 “I te taimi ne fia kai ei latou, ne tuku atu eiloa ne koe a te falaoa mai i te lagi,
Kae ne faka'sali mai ne koe a te vai mai i te kaupapa i te taimi ne fiainu ei latou.
Ne fai koe ki a latou ke puke mō latou a te fenua tela ne tauto koe ke tuku mō latou.
16 Nume 14.1-4; Teu 1.26-33 Ka ko omotou tupuga ne gasolo o fakamatamata kae loto ma'keke
Kae ita ma faka'logo ki au fakatonuga.
17 Eso 34.6; Nume 14.18 Ne ita latou ma fakalogo, ne puli i a latou a mea katoa a koe ne fai;
Ne puli i a latou a vavega katoa kola ne fai ne koe.
Mai luga i te fakamata'mata o latou ne fili ei ne latou se takitaki mo latou,
Ke toe faka'foki latou ki te olaga fakapologa i Aikupito
Kae e lei i a koe ko te Atua e loto fakamagalo;
A koe e alofa, kae fui kaitaua.
A tou alofa e tafasili i te lasi, tena seki tuku tiaki atu ei ne koe a latou.
18 Eso 32.1-4 Ne faite ne latou se tupua e foliga ki te pulumakau
Kae fai mai olotou muna me tena te atua ne 'taki mai ne ia latou keatea mai Aikupito!
Te Aliki, ko oko eiloa i te uke o amioga masei a latou ki a koe!
19 Teu 8.2-4 Kae e seki tiakina atu ne koe a latou i te vao,
Me i tou alofa e lasi mō latou.
E seki ave keatea foki ne koe a te pou kaumana mo te pou afi tela e takitaki ei te lotou auala i te ao mo te po.
20Ko tou aga'lei, tena ne fakatonu atu ei koe ki a latou a mea e tau o fai ne latou;
Ne fagai ne koe a latou ki manai kae tuku atu foki ne koe a vai ke inu ei latou.
21I te fasefulu tausaga o latou i te vao
Ne tuku atu faeloa ne koe a mea e ma'nako latou ki ei;
A olotou gatu e se mafai o ma'sei,
Mo olotou vae e seki 'pala aka eiloa.
22 Nume 21.21-35 “Ne fai ne koe ke fakatakavale sale ne latou a malo e uke,
Mo fenua kola e tuakoi mai ki a latou.
Ne fakatakavale ne latou te fenua ko Hesepono tela e pule
Ne Sekono mo te fenua o Pasana tela e tupu i ei a Oko.
23 Kene 15.5; 22.17; Iako 3.14-17 Ne tuku atu ne koe ki a latou ne fanau e tokouke pela mo fetu o te lagi i te uke.
Kae tuku atu ne koe ke fakatakavale ne latou a te fenua ne tauto ne koe ki olotou tupuga, kae ke nofo foki i ei.
24 Iosu 11.23 Ne puke ne latou a te fenua o Kanana, ko koe ne fakatakavale ne koe a tino kona e nofo i kona.
Ne tuku atu ne koe ki ou tino a te malosi o fai a mea e ma'nako latou o fai ki tino mo tupu o Kanana.
25 Teu 6.10,11 Ne fao malo ne ou tino a fa'kai e fai olotou olo,
Mo laukele ola, mo fale e fonu i koloa, mo vaikeli ko oti ne keli,
Mo lakau ko olive, mo lakau fai fuaga, mo toga‐vine.
Ne kai latou i mea e ma'nako latou ki ei,
Tena ne ga'solo ei latou o puta;
Ne fakaaoga mo te fiafia ne latou a mea katoa ne tuku atu ne koe ki a latou.
26 Fama 2.11-16 “Ka ko ou tino ne teke kae se fakalogo ki a koe,
Ne fulitua latou ki tau Tulafono.
Ne tamate ne latou a pelofeta kola ne o'mai o ka'laga ki a latou ke toe fuli atu ki a koe
Ne fakaitaita faeloa ne latou a koe,
27Tena ne tuku atu ei ne koe latou ke fakatakavale ne olotou fili, kae ke pule foki i a latou.
I taimi ne puapuaga ei latou kae ne ka'laga atu ki a koe mō se fesoasoani,
Kae ne tali atu koe ki a latou mai i te lagi.
Mai luga i tou alofa lasi, ne uga atu ei ne koe takitaki kola ne o'mai o faka'sao latou mai olotou fili.
28Kafai ko oko ki taimi o te filemu, ko toe agasala foki ei latou,
Tena kae tuku atu foki ne koe latou ki lima o olotou fili.
Kae i te taimi ne salamo ei latou mai olotou agasala kae ko kalaga atu ki a koe ke faka'sao aka latou,
Kae ne lagona ne koe te lotou tagi mai i te lagi,
Kae ne fakasao faeloa ne koe latou i tou alofa.
29 Levi 18.5 Ne fai koe ki a latou ke faka'logo ki au akoakoga,
Kae mai te lotou fakamata'mata ne teke ei ne latou au tulafono,
Kae e iloa faeloa ne latou me ko te tausi ki tau Tulafono ko te auala tena ki te ola;
Kae ko te loto ma'keke mo te fia 'toa o latou tena ne ita ei ma faka'logo ki au tulafono.
30 2Tupu 17.13-18; 2NTupu 36.15,16 I tausaga takitasi, e fai faeloa koe ki ei ke sa kalo keatea mai au tulafono.
Ne uga ne koe au pelofeta ke faipati ki a latou,
Ka ko ou tino e 'tuli olotou taliga,
Tena ne tuku atu ei ne koe latou ke fakatakavale ne nisi malo.
31Kae ne seki tiaki io me 'ta fakapalele ne koe a latou,
Me i a koe e lasi tou alofa.
A koe se Atua alofa kae aga'lei!
32 2Tupu 15.19,29; 17.3-6; Esela 4.2,10 “Te Atua te motou Atua, a koe e tafasili i te maluga!
A koe e mana kae fakamataku!
A koe e fakamaoni faeloa o tausi au feagaiga.
Mai i te taimi ne fakafita ei matou ne tupu o Asulia,
Ke oko mai eiloa ki aso nei, ko oko eiloa i omotou puapuaga!
A omotou tupu, mo takitaki, mo faitaulaga mo pelofeta,
Mo omotou tupuga, mo omotou tino katoa ko oti ne puapuaga.
Masaua te puapuaga ko oti ne oko ki a matou!
33Se mea 'tau te fakasala ne koe a matou;
A koe ne tumau tou fakamaoni, e ui eiloa i a matou ko oti ne agasala.
34A omotou tupuga, omotou tupu, omotou takitaki,
Mo omotou faitaulaga ne seki tausi ki au Tulafono.
Ne seki faka'logo latou ki au fakatonuga mo au muna akoako.
35Ne fakamanuia ne koe a tupu kola ne takitaki i tou fenua i te taimi ne nofo ei latou i te fenua lasi kae laukele ola tela ne tuku ne koe mō latou;
Kae ne seki fulitua eiloa latou mai olotou agasala,
O tavini atu ki a koe.
36Kae nei, a matou ko fai mo pologa i te fenua tenei ne tuku mai ne koe mo matou,
Te fenua laukele ola tenei e maua ei omotou mea'kai.
37A te mea e fua mai ne te laukele e ave ki tupu kola ne tuku ne koe ke pule i a matou,
Me i a matou ne agasala.
E pule eiloa latou i mea e fai ne latou ki a matou mo omotou pulumakau,
Tela la, ko oko eiloa i te motou puapuaga!”
Ko Saina te Feagaiga38Mai mea katoa konei ne tupu, ko fai ei te feagaiga malu a matou, tino Isalaelu, ka ko omotou takitaki, mo te kau sa Levi mo omotou faitaulaga ko saina ne latou te feagaiga.
Who We AreWhat We EelieveWhat We Do
2025 by iamachristian.org,Inc All rights reserved.
