SAKALIA 4 - Tuvalu Revised Bible

Ko te Fakaasiga e uiga ki te Tulaga‐Moli

1A te agelu tela ne faipati mai sale ki a au, ne toe vau o fāgu au e pela eiloa me i a au ne moe.

2Muna a ia, “Se a te mea e lavea ne koe?”

Ne tali atu au penei, “Se tulaga-moli aulo. I te ulu o te tulaga‐moli tena, e isi se pōla e utu ei te sinu. E fitu a moli i te tulaga moli tena, kae i te moli e tasi e fitu a matāmoli i ei.

3

Kae tali atu au penei, “Tou malu, e se iloa ne au.”

6(10b) Muna a te agelu ki a au, “A moli kola e fitu ko mata kona o te Aliki e fitu, kola e “matea ei te lalolagi katoa.”

7(11) Ne toe fesili atu au penei, “Se a, a te uiga o lakau ko olive kola e tu i feitu takitasi o te tulaga-moli?

8(12) Kae se a te uiga o kaula olive e lua kola i tafa o te avā paipa aulo kola e sali mai ei te sinu olive?”

9(13) Muna a ia, “E seiloa ne koe?”

Kae tali atu au penei, “Tou malu, e se iloa ne au.”

10(14) Faka 5.6Tena fai mai ei a ia penei, “A mea kona ko te tokolua tagata kola ko oti ne filifili kae fauu ne te Atua, te Aliki o te lalolagi katoa, ke tavini atu ki a ia.”

Ko te Feagaiga a te Atua ki a Selupapelu

11(6) Esela 5.2 Ne fai mai te agelu, ke taku atu ne au te fekau tenei mai te Aliki ki a Selupapelu: “A koe ka manumalo, e se pogai mai i te malosi o tau kautau, io me ko tou malosi, kae pogai mai i toku agaga. Faka 11.14

12(7) A mea faiga'ta lasi eiloa pela me ne mauga ka 'galo keatea i ou mua. Ka toe fakatu ne koe te Faletapu, kae i te taimi ka tuku ei ne koe te toe fatu eiloa o ia ki tena tulaga, ka paka'laga a tino penei, ‘Ko gali, ko gali! ”

13(8) Tenei te sua fekau ne oko mai ki a au mai i te Aliki.

14(9) Muna a ia penei, “Ko oti ne fakamoe ne Selupapelu te fakavae o te Faletapu, kae e oti eiloa ne faite ne ia. I te taimi e taunu ei a mea konei, ka iloa ei ne oku tino ia koe ne uga ne au ki a latou.

15(10a) Ko se fiafia latou me ko tō tuai te fanofanoga o te galuega. Kae ka fiafia latou me ka lavea ne latou a Selupapelu e tumau eiloa tena galue ki te Faletapu.”