NUMELA 35 - Tuvalu Revised Bible

Ko Fa'kai ne Tuku mo te Matakaiga o Levi

1 Iosu 21.1-42 I te kogā koga laugatasi o Moapi i tafa o te Iolitana kae 'luta mo Ieliko, ne faipati mai ei a te Aliki ki a Mose penei,

2“Fai ki tino Isalaelu ke masaua o tuku ne fa'kai mo nofo te kau sa Levi mai olotou vaega ne maua, mo ne laukele moukua i tafatafa o fa'kai kona mo fagai olotou manu.

3A fa'kai kona ka puke mo te kau sa Levi kae ka nofo eiloa i ei. A te laukele moukuā, mo fagai olotou pulumakau mo nisi manu ake.

4A te laukele mo fagai manu e tau o faselau limasefulu mita mai i te pui o te fa'kai o fano ki tua i ona feitu katoa,

5ko te mea ke isi ne mea fakata'fa i feitu katoa o te fa'kai, e taki iva selau mita te lasi, ka ko te fa'kai e tu i te kogaloto.

6E tau o tuku ne koutou e ono a fa'kai ki tino sa Levi, ne fa'kai e faka'lafi sale ki ei a tino manafai ne ta ne latou ne tino kae se ko olotou loto o tatino. Tuku atu foki e fasefulu lua fa'kai fakaatea

7mo olotou laukele moukuā, tena la, ko tusa ei mo te fasefulu valu fa'kai.

8A te aofaki o fa'kai o te kau sa Levi mai matakaiga takitasi e fuafua eiloa ki te lasi o te kogā fenua.”

Ko Fa'kai Faka'lafi(Teu 19.1-13; Iosu 20.1-9)

9 Teu 19.2-4; Iosu 20.1-9 A te Aliki ne fai mai ki a Mose

10ke fai atu ki tino Isalaelu penei: “Kafai ko olo atu koutou ki te sua feitu o te Iolitana, o ulu atu ki loto i te fenua o Kanana,

11e tau o fili ne koe ne fa'kai e mafai o lafi ki ei a tino ne tatino i se feitu fakafuasei.

12I kona e sao ei a ia mai kaiga o te tagata tela ne mate. A te tino ne ti ki ei te agasala ko te tatino e se tau o tamate kae seki ai se fono tulafono o ia ne fai.

13Fili aka e ono fa'kai,

14e tolu i te feitu ki te saegala o te Iolitana kae tolu i loto i te fenua o Kanana.

15A fa'kai konei ka fakaaoga mo faka'lafi sale a tino Isalaelu mo tino fakaalofa kola e nofo tumau io me e se nofo tumau i te fenua. So se tino e ta sena tino kae se ko tena loto, e mafai o tele o fakalafi i fa'kai kona.

16“Kae kafai ne fakaaoga ne se tino se fiti io me se fatu io me se lakau o tamate se tino, e taia a ia i te agasala ko te tatino, tela la, e tau foki a ia o tamate.

17Io, me ko sose tino ne tuki ne ia te sua tino ki te fatu i ana lima tela ko pogai ei te mate o te sua tino, kae ne sukesuke ake me i te mea tena se ta tino; a te tino tatino tena e tau foki o tamate.

18Io, me kafai se tino ne pago ne ia te sua tino ki se mea tau ne faite ki te laupapa kae mate, a ia ko taia i te agasala ko te tatino, tela la, e tau foki a ia o tamate.

19Se tiute o te kaiga pili eiloa o te tagata ne mate o tamate te tino ne ta ne ia tena kaiga. Kafai e maua ne ia te tino tatino, e tau o tamate ne ia.

20“Kafai se tino e ita ki te sua tino kae tamate ne ia, faitalia me ne tule ne ia io me ne pei ne ia ki se mea

21io me ne fusu ne ia, a ia e taia eiloa i te agasala ko te tatino, tela la, e tau foki a ia o tamate. Ko te tiute o te kaiga pili eiloa o te tagata ne mate o tamate te tino ne ta ne ia tena kaiga. Kafai e maua ne ia e tau o tamate ne ia.

22“Kae kafai e isi se tino e se ita ki te sua tino, kae ne tamate ne ia, me ne tule ne ia ki lalo, io me ne pei ne ia ki se mea.

23I te sua feitu, kafai ne sagavale se tino kae pei ne ia te fatu kae poko i se tino e seki fakamoemoe a ia o fakapakia kae se se fili foki o ia, kae ne mate eiloa te tino tena.

24I vaega mea pena, e tau eiloa mo te fenua o kau i te tino ne pogai ei te mate o te sua tino, kae se kau ki te kaiga o te tagata ne mate, tela e taumafai o taui te mate o tena kaiga.

25E tau mo te fenua o fakasao te tagata ne tatino i se feitu fafuasei mai te kaiga o te tagata ne mate, kae fakafoki atu ne latou ki te fa'kai fakalafi tela ne fakalafi ei a ia. E tau a ia o nofo i te fa'kai tena ke oko eiloa ki te taimi e mate ei a te Faitaulaga Pule.

26Kafai e tiakina ne te tagata tena te fa'kai ne lafi a ia i ei,

27kae maua atu ne te kaiga o te tagata ne mate kae tamate ne ia, e se taia te kaiga o te tagata ne mate i te agasala ko te tatino.

28A te tagata ne tatino i se feitu fafuasei e tau eiloa o nofo i te fa'kai ne fakalafi ei a ia ke oko ki te taimi e mate ei te Faitaulaga Pule, ko mafai ei ne ia o foki atu ki tena fa'kai.

29A tulafono konei e fakasino ki a koutou mo otou gafa, faitalia me tefea te koga e nofo ei koutou.

30 Teu 17.6; 19.15 “A te tino e ave ki te fono me ne tatino e mafai o 'se, manafai e tokolua io me tokouke atu a molimau. A te molimau e tokotasi e se lava o faka'se ei se tino ne tatino.

31A te tino tatino e tau o tamate. E se mafai ne ia o fakasao a ia o togi tupe.

32Kafai se tino ne tele o fakalafi i se fa'kai fakalafi, e tapu e talia ne koutou se togi e tuku mai ne ia ko ia ke na foki atu ki tena fa'kai, kae e seki mate te Faitaulaga Pule.

33Kafai e talia ne koe, ko fakalailai ne koe te fenua e nofo koe i ei. A te tatino e fakalailai ne ia te fenua. E seai eiloa se auala e mafai ei o faka'ma te laukele ne tamate ei se tino ne sua tino; ko te tamate fua o te tino tatino.

34Sa fakalailaigina te fenua tena e nofo koutou i ei, me ko au ko te Aliki, e nofo tasi mo tino Isalaelu.”