SALAMO 137 - Tuvalu Revised Bible

Ko te Tagi Fanoanoa o Tino Isalaelu i te Tafeaga

1I tafa o vaitafe o Papelonia, ne saga'saga ei matou,

O tagi i te masauaga ne matou Siona.

2I luga o lakau kola i tafatafa o vaitafe,

Ne tautau ei omotou kitala.

3Ne fai mai a tino kola ne puke fakapagota ne latou a matou,

Ke usu ake ne omotou pese;

Ne fai mai ke fakafiafia aka latou:

“Usu mai ki a matou se pese e uiga ki Siona.”

4E mafai pefea ne matou o usu se pese ki te Aliki i se fenua fakaatea?

5Ke mo a ma toe iloa ne au o ta te kitala

Manafai e puli i a au a Ielusalema!

6Mo a ma toe mafai ne au o usu se pese,

Manafai e se masaua ne au a koe;

Manafai ko se mafaufau au i a koe ko toku fiafiaga sili!

7Te Aliki, masaua a mea a te kau Etoma ne fai,

i te aso ne puke ei ne latou a Ielusalema

Masaua te lotou pati e fai sale,

“Lepegina ke ii ki lalo i te laukele!”

8 Faka 18.6 Papelonia, a koe ka fakamasei.

Amutia a ia tela e toe taui ne ia ki a koe te masei,

E tusa mo tau mea ne fai ki a matou,

9Tela e puke ne ia otou pepe,

Kae pagopago ki luga o kaupapa.