SALAMO 62 - Tuvalu Revised Bible

Talitonu Fakamaoni ki te Puipuiga a te Atua

1Au e fakatalitali ki te Atua ke vau o fakasao au;

Au e fakalagolago ki a ia tokotasi.

2Ko ia fua toku puipuiga mo toku fakaola;

Ko ia foki toku puluga,

Tela ka se mafai ei au o fakatakavalegina.

3Ka gata afea te ta ne koutou katoa a te tino tela e se malosi atu i te pa ko malepe?

4A koutou e ma'nako fua o fakamasei a ia mai tena tulaga 'malu;

Kae fia'fia koutou ki pati 'loi.

E faipati koutou ki muna fakamanuia,

Kae fetū ne koutou a ia i otou loto.

5Ko te Atua fua e fakalagolago au ki ei;

Au e fakamoemoe ki a ia.

6Ko ia fua toku puipuiga mo toku fakaola;

Ko ia foki toku 'puluga,

Ka se mafai ei au o takavale.

7A toku fakaolataga mo toku 'malu e i te Atua;

Ko ia ko toku 'puiga malosi;

Ko ia foki ko toku lafiga.

8Oku tino, fakatuanaki ki te Atua i taimi katoa.

Taku atu ki a ia otou puapuaga katoa, me ko ia ko te tou lafiga.

9A tino e pela fua mo se manava e 'pusi atu,

Ka ko tino ma'luga me ko tino ma'lalo, e se aoga.

Tuku ake latou ki luga i te fua,

E seai lele eiloa ne olotou pauna.

E māmā atu latou i te laumatagi o te manava.

10Sa fakatuanaki ki te fakasaua;

Sa fakamoemoe o fakasilia so se mea i te 'fai malo;

Kafai e lasi te fakaopoopoga o tou maumea,

Sa fakalagolago tou loto ki ei.

11Ko lagona sale ne au te Atua e fai mai i te mana e o ia,

12 Iopu 34.11; Iele 17.10; Mata 16.27; Loma 2.6; Faka 2.23 Ka ko tena alofa e tumau.

Me ko koe eiloa te Aliki e taui atu ne koe ki tino takitokotasi e tusa mo ana galuega.