1 SAMUELU 19 - Tuvalu Revised Bible

Tavita ko Fakasaua ne Saulo

1Ne fakaasi atu ne Saulo ki tena tama ko Ionatana, mo ana ofisa katoa, i a ia e mafaufau o tamate Tavita. Ka ko Ionatana ko ia eiloa ko fiafia ki a Tavita,

2tena ne fai atu ei a ia ki a Tavita penei, “A toku tamana e taumafai o tamate koe. Fakamolemole, a koe eiloa ke fakaeteete i te tafataeao taeao; fano o muni i se koga e se maua koe ne ia, nofo eiloa i ei.

3Au ka fano o tu i tafa o toku tamana i te fatoaga tena e muni koe i ei, kae ka faipati au ki a ia e uiga ki a koe. Kafai e isi se tala e maua ne au, ko fakailoa atu ei ne au.”

4Ne tavae ne Ionatana a Tavita ki a Saulo, kae fai atu penei, “Tou malu, sa faigina ne koe se mea se 'lei ki tau tavini ko Tavita. E seai eiloa se mea masei kai fai ne ia ki a koe; a mea katoa ne fai ne ia, ne mea 'lei katoa, e fesoasoani atu ei ki a koe.

5Ne tuku atu tena ola o taua mo Koliata, tena, ne tuku mai ei ne te Aliki te manumalo ki a Isalaelu. I te laveaga ne koe te manumalo o Tavita, koe ne fiafia. Ai a la ko taumafai ei koe o tamate Tavita tela e seai sena agasala ne fai ki a koe?”

6Ne lagona eiloa ne Saulo ki tena loto a pati a Ionatana, tena ne tauto ei a ia i te igoa o te Aliki me ka se tamate ne ia Tavita.

7Tena ne kalaga atu ei a Ionatana ki a Tavita kae fakamatala atu ne ia ki ei a mea katoa; tena avatu ei ne ia Tavita ki a Saulo, toe galue foki ei a Tavita mō te tupu e pela eiloa mo taimi mua.

8Ne toe kamata te taua a Isalaelu mo te kau Filisitia. Ne taua atu Tavita mo tena kau ki te kau Filisitia, tena ne takavale masei eiloa te kau Filisitia kae tele.

9I te aso e tasi, ne ulufia Saulo ne te agaga masei mai te Aliki, i te taimi ne sagasaga ei i tena fale mo tena tao e puke i tena lima. Ka ko Tavita e nofo foki i kona, e tata tena kitala.

10Ne taumafai Saulo o velo Tavita ke 'mau tasi mo te pui, ka ko Tavita ne fakaseke ne ia te 'tao, tena ne mau atu ei te tao ki te 'pui. Ne tele keatea Tavita, te mea eiloa ko sola.

11 te kau pelofeta e saka kae ka'laga, ka ko Samuelu ko te takitaki o latou. Ne ulufia te kau kona a Saulo ne te agaga o te Atua, tena ne saka kae paka'laga foki ei latou.

21I te logoga o Saulo i te mea tena, ne toe uga atu ne ia nisi tagata, kae ne saka kae paka'laga foki a tagata kona. Ne toe uga atu ne ia nisi tagata i te tolu o taimi, kae ne fai katoa eiloa pela mo te kau mua.

22Tena, ne malaga atu eiloa a ia ki Lama. I te okoatuga o ia ki te vaikeli lasi i Seku, ne fesili atu a ia ki tino i kona me ko fea a Samuelu mo Tavita, kae ne tali atu tino me kola i Naiota.

23I tena auala ki Naiota, ne ulufia foki a ia ne te agaga o te Atua, tena ne saka kae paka'laga sale foki a ia ke oko eiloa ki Naiota.

241Samu 10.11,12 Ne tapale ona gatu, kae saka kae pakalaga i mua o Samuelu, kae ne moe ponatasi eiloa i te ao katoa tena, pela foki i te po katoa. E pena te mafuaga o te muagana tenei, “Kae a, ko Saulo nei ko liu pelofeta foki?”