1E mate valevale a tino amio lei, kae e seai eiloa se tino e malamalama me ai a e mate ei, seai foki se tino e fia saga atu ki te mea tena e tupu. Kae kafai ko mate, ko se toe ai ei se mala faigata e mafai o faka'mae ne ia latou.
2A tino kola e ola i se olaga fai mea tonu, e maua ne latou te filemu mo te malologa lei i te mate.
3Koutou tino agasala, o'mai ke fakamasino koutou! A koutou e pau eiloa mo tino fakataulaitu, tino mulilua mo fafine tali tagata.
4Ko oi te tino e fakalili koutou ki ei? Koutou tino loi, ko oi te tino e faka'itaita ne koutou?
5A koutou e tapuaki ki atua o te laukele kae moe fakatasi i lalo o lakau tapu a koutou. E ofo atu ne koutou otou tamaliki ke fai mo taulaga i ana i kaupapa, e pili ki vaitafe foliki.
6E puke aka ne koutou a fatu maniania i kona, ko tapuaki ei koutou ki ei e pela eiloa me ne atua. E ligi atu ne koutou a uaina ki luga i ei, e fai mo taulaga, kae avatu foki ne koutou a taulaga saito. I te otou fakatau, au e fiafia ki mea kona?
7A koutou e olo ki luga i mauga maluga o fai otou taulaga kae fai amioga masei.
8E faka'tu aka ne koutou otou tupua masei i mataloa o otou fale. Ko tiakina eiloa ne koutou a au; e tapale otou gatu, ko sopo atu ei koutou ki luga i otou moega lasi mo otou fiafaiga, kola ne togi ne koutou ke moe mo koutou. I kona ne fakamalie ei otou manakoga.
9E mili aka koutou ki otou sausau mo sinu, ko olo ei koutou o tapuaki ki te atua ko Moloka. E uga ne koutou a avefekau ki koga mao, ke olo o sala ne atua ke tapuaki koutou ki ei, e oko atu foki eiloa otou avefekau ki te lalolagi o tino mate.
10E fakafita foki eiloa koutou ne koutou i te salaga o nisi atua, kae e se mafai eiloa koutou o fiu. A koutou e mafaufau pela i otou tupua matagā e maua mai i ei te otou malosi, ko se mafai ei koutou o vaivai.
11Muna a te Aliki, “Ko oi atua konei e fai ne ia koutou ke mataku, ko ala ei o fakapuli lele eiloa ne koutou au, kae fakaloiloi mai foki au? E a, ko gata te otou fakaaloalo mai ki a au ona ko leva eiloa te taimi ne seki toe faipati atu eiloa au ki a koutou?
12A koutou e manatu pela me e tonu te otou mea tenei e fai; ka fakaasi ne au otou uiga masei kola e fai sale, kae ka se mafai ne otou tupua o fesoasoani atu ki a koutou.
13Kafai e tagi koutou mō se fesoasoani, kona a tupua a koutou ke o'mai o fakasao a koutou! Ka agina keatea latou i se matagi foliki fua! Ka ko latou kola e fakatuaga mai ki a au ka nofo i te fenua tenei kae ka tapuaki mai ki a au i toku Faletapu.”
Ko Tauto te Atua o Fesoasoani ki Tino o Tena Fenua14Muna a te Aliki, “A tino o toku fenua ke foki mai ki a au. Ave keatea a mea katoa kola e fakalavelave i te lotou auala! Faite te auala, kae fakatoka fakalei!
15“Au ko te Atua tapu kae maluga, tela e ola ki te se gata mai. Au e nofo i te koga maluga kae tapu; e nofo fakatasi foki au mo tino loto malalo kae loto salamo, ko te mea ke toe fakamalosi ne au olotou loto mo olotou fakamoemoega.
16Ne aumai ne au te ola ki toku fenua, kae ka se toe kaitaua au ki a latou ke oko ki te se gata mai.
17Au ne kaitaua ki a latou ona ko olotou agasala mo olotou uiga kai manako, tena la, ne fakasala ei ne au latou kae tiaki atu latou. Kae ne tumau eiloa te lotou loto makeke o fai te mea e loto latou ki ei.
18“Ko oti ne lavea ne au olotou faiga, kae nei ka fakasao ne au latou. Ka taki ne au latou kae fesoasoani ki a latou, kae ka fakamafanafana ne au a latou kola e tagi fanoanoa.
19Efe 2.17 E avatu ne au te filemu ki tino katoa, tino pili mai mo tino mao! Ka fakasao ne au a tino o toku fenua.
20Ka ko tino amio masei e pela mo te tai tela e se mafai o filemu, a ona galu e fati mai faeloa, e aumai i ei a mea masei mo mea se lei.
21Isa 48.22 E seai se auala e mafai ei o sao a tino agasala.” Ko muna kona a te Aliki.
Who We AreWhat We EelieveWhat We Do
2025 by iamachristian.org,Inc All rights reserved.
