1 2Tupu 24.1; 2NTupu 36.5-7 I te tolu o tausaga o te nofoaiga a Ieoiakimo, te tupu o Iuta, kae vau mo te Tupu o Papelonia ko Nepukanesa o faitaua mai ki te fa'kai o Ielusalema, nikoi ei ne ia.
22Tupu 20.17,18; 24.10-16; 2NTupu 36.10; Isa 39.7,8 Ne fai ne te Aliki ke puke fakapagota ne ia a te Tupu ko Ieoiakimo kae puke foki a nisi koloa o te Faletapu. Ne ave ne ia a nisi pagota ki te faletapu o tena atua i Papelonia, ka ko koloa ne puke mai ne ia ne tuku ne ia ki loto i potu teu koloa o te faletapu.
3Ne fakatonu atu a te tupu ki tena ofisa pule ko Asepenase ke fili mai ne tamataene mai te kau Isalaelu kola ne puke fakapagota, ne tamataene i kaiga maluga o Isalaelu.
4A tamataene kona e tau ne tamataene taulekaleka kae poto kae lei te akoakoga, kae vave tauloto, kae seai ne pona, ko te mea ke tavini latou i te palesi o te tupu. Ko Asepenase ke akoako ne ia latou o faitau kae tusitusi i te gana Papelonia.
5Ne fai atu foki a te fakatonuga a te tupu ke fagai a tamataene kona ki meakai mo uaina, pela eiloa mo meakai mo uaina e kai ei ana tino ma'luga i te palesi. Kafai ko katoa te tolu o tausaga o te fakamasaniga a latou kona, ko avatu ei ki mua o te tupu.
6A tamataene kola ne fili, e aofia ei a Tanielu, Hanania, Misaeli mo Asalia, ne tamataene mai te matakaiga o Iuta.
7Ne sui ne te ofisa pule olotou igoa ki a: Peletisala, Satalaka, Mesako mo Apeteniko.
8Ne mafaufau ifo Tanielu ke se kai a ia i meakai mo uaina o te palesi, i a ia ma lailai i feitu faka tapuakiga, tena ne fakamolemole ei a ia ki a Asepenase ke fesoasoani atu ki a ia.
9Ne fai ne te Atua a Asepenase ke alofa ki te fakamolemole tena a Tanielu.
10A Asepenase e mataku i te tupu, tena ne fai atu ei a ia ki a Tanielu penei, “A te tupu ko oti ne fai mai ke fagai koutou ki meakai konei, me kafai e se tuputupu malosi otou foitino, pela mo nisi tamataene, ko tena uiga ko au ka tamate ne ia.”
11Tena, ne fanatu Tanielu ki te sotia tela ne tuku mai ne Asepenase ke tausi latou, kae fai atu penei,
12“Aumai ne fuaga lakau ke kai ei matou mo ne vai ke inu ei matou, kae ke onoono koe me pefea te tuputupu o omotou foitino i aso e sefulu.
13Kafai ko katoa te sefulu o aso, ko faka'pau aka ei matou ki tamataene kola e kai meakai o te palesi, ke onoono koe me ko oi e foitino malosi atu, ko matou me ko latou.”
14Ne talia ne te sotia tena ke tofotofo aka latou i aso e sefulu.
15I te katoaga o aso e sefulu kona, e lavea atu ei me e mata malosi atu eiloa a latou i tamataene kola e kai i meakai o te palesi.
16Tena la, mai te taimi tena, ne talia eiloa ne te sotia tausi o latou ke kai eiloa latou ki fuagā lakau mo lau lakau, kae se ko meakai e aumai ne te tupu.
17Ne aumai ne te Atua ki tamataene kona e tokofa a te poto mo te atamai mo te mafaufau loto, kae ne tuku atu foki ne ia ki a Tanielu a te poto i te fakamatalaga o fakaasiga mo miti.
18I te katoaga o te tolu tausaga tela ne fakasino ne te tupu ke fakamasani ei a tamataene kona, ne vau ei a Asepenase o puke atu a tamataene katoa kona o ave ki mua o te tupu.
19Ne faipati te tupu ki a latou katoa, kae i te kilokiloga a te tupu, e tai isi eiloa ne mu mea o Tanielu, Hanania, Misaeli mo Asalia i lo tamataene katoa. Tena ne fakaofi ei latou ke kau i te kaufono a te tupu.
20Ne pefea eiloa te mafa o fesili a te tupu, pela foki mo fakalavelave e fakaasi aka sale ne ia, ka ko te tokofa eiloa e lasi fakasefulu atu te mea a latou e iloa, i lo so se tino fakamatala mea tupu i aso fakamuli, io me ko tino fakataulaitu i te malo katoa.
21Ne nofo eiloa Tanielu i te kaufono i te palesi, ke oko ki te taimi ne fakatakavale ei Papelonia ne te tupu o Pelesia ko Kulesa.
Who We AreWhat We EelieveWhat We Do
2025 by iamachristian.org,Inc All rights reserved.
