EPELU 12 - Tuvalu Revised Bible

Ko te Atua te Tou Tamana

1Kae penei mo tatou, ko sio fakatamilo ne akoakoga 'lei a tino talitonu fakamaoni i aso ko teka. Tela la, ke tiakina ne tatou a mea 'mafa katoa kola e fakalavelave mai, mo agasala kola e 'piki mau ki luga i a tatou, kae ke 'tele tatou mo te loto fai ki mua ke maua te manumalo i te fakatau'telega tenei e takato mai i mua o tatou.

2Ke tumau te tou 'kilo atu ki a Iesu, tela e fakavae ki ei te tou fakatuanaki mai te kamataga ki te gataga. Ne kufaki ne ia te sataulo ona ko te fiafia tela e fakatalitali mai ki a ia, kae ne seki fia saga foki ki tona mate fakalumalumagina i luga i te sataulo, ka ko nofo nei i te koga taua, ko te feitu fakaatamai o te nofogaaliki o te Atua.

3Mafaufau ake ki te auala ne ui ne ia, i tona loto kufaki i te ukega o mea masei ne fai ne tino agasala ki a ia! Tela la, sa loto vaivai, kae fai ki mua.

4Me i te otou fekikiga mo te agasala, e seki taua eiloa koutou ke oko ki te okoga, tela ko te mate.

5kae ui eiloa i tona taumafai atu mo loimata, ka ko faigata eiloa.

18 Eso 19.16-22; 20.18-21; Teu 4.11,12; 5.22-27 Ne seki oko koutou ki mea kola e mafai o puke ki ei a lima, ko te afi ka ulaula i te mauga o Sinai, te pouli tagataga mo te afā,

19te tagi o te pu mo te leo. I te lagonaga ne tino a te leo, ne fakamolemole atu me se toe fia lagona eiloa ne latou se isi muna,

20Eso 19.12,13me ko se mafai eiloa ne latou o kufaki te fakatonuga, tela ne fai mai penei: “Kafai foki eiloa se manu e patele ki te mauga, e 'tau eiloa o peipei ki fatu ke mate.”

21Teu 9.19Ko oko eiloa i te fakamataku i te kilo ki te koga tena, tela fai mai ei a Mose penei, “Au e polepole mo te mataku!”

22Kae nei, ko oko koutou ki te Mauga o Siona mo te fa'kai o te Atua ola, tela ko te Ielusalema faka te lagi fakatasi mo ana agelu e se mafai o faitau.

23Ko oko nei koutou ki te fakatasiga fiafia a uluaki a te Atua, kola ko tusi olotou igoa i te lagi. Ko oti ne o'mai koutou ki te Atua, tela ko te Famasino o tino katoa pela foki mo agaga o tino amiotonu kola ko fakakatoatoagina.

24Kene 4.10Ko oti foki ne oko koutou ki a Iesu, tela ko oti ne fakatoka ne ia a te feagaiga fou, mo te toto ne fakamaligiligi, tela e taku mai ne ia a mea e sili atu i te 'lei i lo te toto o Apelu.

25 Eso 20.22 Fakaeteete la, sa 'teke, kae faka'logo ki a ia tela e faipati mai. Ko latou kola ne se fia fakalogo ki a ia tela ne folafola mai a te talaiga fakaatua ki te lalolagi, e se 'sao eiloa keatea. Ko oko eiloa i te foliki o te avanoa e 'sao ei tatou keatea, manafai e 'fuli atu o'tou tua ki a ia tela e faipati mai te lagi.

26Haka 1.6A tena leo ne lūlū ne ia te lalolagi i mu taimi kona, kae nei ko oti ne folafola mai ne ia penei, “Nei, e toe lūlū ne au e se na ko te lalolagi fua, kae pela foki mo te lagi.”

27A te muna pela “toe lūlū” e fakaasi mai ei i mea ne faite e lūlūgina kae ave foki keatea; tela la, ko mea kola e seki lūlūgina e tumau.

28Ke loto fakafetai tatou, me ko maua ne tatou a te malo tela e se mafai o lūlūgina. Ke fia'fia la tatou kae tapuaki atu ki te Atua i se auala e fiafia a ia ki ei, i te loto fakaaloalo mo te mataku;

29Teu 4.24me i te tou Atua se afi e fakamasei ne ia mea.